Markina-Xemeingo alde zaharra hobeto ezagutzeko bisita gidatua egingo dute
Beti Jai jubilatuen elkarteak antolatu du bisita; eguenean [otsailak 27] egingo dute, 16:45ean.
Markina-Xemeingo Beti Jai jubilatuen elkarteko kideek irteera egingo dute eguenean [otsailak 27]. Oraingoan ez dira urrutira joango: herriko kaleetan zehar ibiliko dira, Markina-Xemeingo alde zaharra hobeto ezagutzeko asmoz. Hitzordua 16:45ean ipini dute, Goiko portalean; bertan hasiko dute bisita gidatua. Amaieran, gainera, txitxiburduntzi eguna aitzakiatzat hartuz, kopadutxoa egingo dute Beti Jain.