
Iaz baino bi ontzi gehiagok parte hartuko dute aurten; 16:00etan hasi eta 19:00etan amaituko da Antzar jaia. Bihar [irailak 5] 11:00etatik aurrera zirkulazioa mugatuko dute.

Zapatuan [irailak 6] eta eguaztenean [irailak 10] ospatuko dituzte Samikolla auzoko jaiak Mutrikun. 70 lagun inguru batuko dira zapatuko auzo bazkarian.

Eguzkik alegazioa aurkeztu du Urari galdetzeko ea Mijoako saneamendua noizko egingo duten. Izan ere, errekara egiten diren isurketa kutsakorrak legeztatzeko izapideak egiten ari da Ura, "hamabost urte geroago saneamendu sareak egin gabe jarraitzen duelako".

Orio izan da azkarrena, eta atzetik jarraitu dio Tolosaldeak. Donostiak bi ordezkari izango ditu Kontxan: Donostiarrak eta Arraun Lagunak. Hasiera batean Zarautzek txartela lortu badu ere, arau hausteak medio, Zumaiarentzako izan da zazpigarren postua.

Aulesti-Palestina herri ekimenak deituta bildu dira Gerrikaitzeko errebueltan Munitibartarrak zein inguruko bizilagunak gaur (irailak 3), herri ekimenaren deialdiari "arrakastatsu" erantzunez.

San Antolin jaietako hirugarren egunean Kamiseta Eguna ari dira ospatzen lekeitiarrak. Kuadrillen arteko jolasetan giro ederra egon da, eta baita 29. Paella Txapelketan ere: guztira 62 taldek eman dute izena. Parkeko Gunean, aldiz, tiragomekin jolasean aritu dira.

Ingalaterrako Nottingham hirian lehiatuko da Munduko Lur Gaineko Sokatira Txapelketa. Atzo [irailak 2] heldu ziren Mutriku Sokatira Taldeko kirolariak Nottinghamera, eta gaur pisaketak egin ostean, bihar hasiko dute lehia.