Bilatu
Sartu
  • izan HITZAKIDE
  • zozketak
  • eskaintzak
  • hemeroteka
Bilatu
  • Albisteak
    • Gaiak
      • Aisia
      • Ekonomia
      • Euskara
      • Gizartea
      • Hirigintza
      • Ingurumena
      • Jaiak
      • Kirola
      • Kultura
      • Politika
      • Udala
      • Orokorra
    • Herriak
      • Amoroto
      • Aulesti
      • Berriatua
      • Etxebarria
      • Gizaburuaga
      • Ispaster
      • Lekeitio
      • Markina-Xemein
      • Mendexa
      • Munitibar
      • Mutriku
      • Ondarroa
      • Ziortza-Bolibar
    • Generoak
      • Albisteak
      • Editorialak
      • Elkarrizketak
      • Erreportajeak
      • Iritziak
      • Kronikak
      • Publirreportajeak
  • Agenda
  • Multimedia
    • Argazkiak
    • Bideoak
    • Hitz eta Pitz
  • Agurrak / Eskelak
    • Zorion agurrak
    • Eskelak
  • Zerbitzu gida
  • Bereziak
    • JAIAK
    • ARGAZKI LEHIAKETA
    • Emakumeak Lerroburura
    • Naturan barrena
    • Euskaldunak Australian
    • Adimen A.
  • Nor gara
  • Publizitatea
  • izan HITZAKIDE
  • zozketak
  • eskaintzak
  • hemeroteka
Sartu
Ekonomia

Kooperatibagintzaren indarra eta etorkizuneko erronkak, erdigunean

Lea-Artibaiko Kooperatiben Mahaia Elkarteak bere ibilbidea ezagutzera eman eta egindako lana aitortzeko jardunaldia egin du. 60 partaide inguru eduki ditu, eta jardunaldiaren balorazio ona egin dute.

Lea-Artibaiko Kooperatiben Mahaia Elkartearen jardunaldia Herenegun [irailak 30] egin zuten jardunaldia.Lea-Artibaiko Kooperatiben Mahaia Elkartea
Garaia Pagola Urriza
Lea-Artibai eta Mutriku
2025/10/02

Kooperatibagintzaren erronkak, ekarpena eta etorkizunaren inguruan hausnartzeko asmoz, Markina-Xemeingo Lea-Artibai Berrikuntza Gunean bildu ziren herenegun [irailak 30] eskualdeko kooperatibetako ordezkariak, Mondragon Korporazioko arduradunak, garapen agentziak, ikastetxeak eta udaletako kideak. Jardunaldia Kooperatiben Nazioarteko Urtea baliatuta egin zen.

Lea-Artibaiko Kooperatiben Mahaia Elkarteak jardunaldiaren balorazio ona egin du; 60 lagun inguruk hartu zuten parte jardunaldian, eta guztiek balorazio positiboa egin zuten. Parte-hartzaileen esanetan, argi geratu zen kooperatibek eskualdean ongizatea eta garapen ekonomikoa bultzatzen dutela, eta kooperatibismoak etorkizunean ere eraldaketarako indar izaten jarraituko duela.

Lea-Artibaiko Kooperatiben Mahaia Elkartearen jardunaldia

Herenegun [irailak 30] egin zuten jardunaldia.Lea-Artibaiko Kooperatiben Mahaia Elkartea

Leire Mugerza, Mondragoneko Kongresuko eta Batzorde Iraunkorreko presidenteak, kooperatibismoaren ikuspegi soziala azpimarratu zuen: “Ez da bazkide aberatsak egiteko eredua, gizarte aberats bat egiteko negozio eredua baizik”. Horretarako, interkooperazioa dela giltza nabarmendu zuen, hiru ardatzetan oinarrituta: elkartasuna, negozioak partekatzea eta ezagutza ekosistemak indartzea.

EIKAko lehendakari eta Kooperatiben Mahaiko kide den Iñigo Arrietak datu ekonomiko esanguratsuak aurkeztu zituen: kooperatibek eskualdean duten eragina handia dela esan zuen, bai inbertsio eta salmentetan, bai erosketa bolumenean. Hala ere, eragin hori gizartean hobeto komunikatzeko beharra azpimarratu zuen: “Handia da gure kooperatibek inguruan duten eragina, baina hori komunikatzea kostatu egiten zaigu”. Kooperatibek elkarren artean egiten duten laguntza-lana ere azpimarratu zuen.

Maite Legarra Mondragon Korporazioko Talentua Erakartzeko eta Garatzeko teknikaria Talentatu egitasmoaren aritu zen. Lea-Artibai eta Busturialdean garatzen den proiektua eredugarria dela azaldu zuen: “Enpresa-sarea ikasleei gerturatzea oso garrantzitsua da; gu geu izan behar gara gure kooperatiben kontakizuna zabaltzen dugunak”.

Jardunaldiaren bigarren saioan, Talentatu egitasmoaren balorazio positiboa egin zuten Iñaki Plaza (Lea Artibai Ikastetxeko irakaslea) eta Agustin Bengoetxea (KIDE, S.Coop-eko lehendakaria) ordezkariek. Azpimarratu zuten enpresa eta ikastetxeen arteko elkarlana gaur egun guztiz integratuta dagoela, eta alde biek onurak jasotzen dituztela.

Talentaturen balorazioaren aurretik, energia berriztagarrien arloan diharduen Eze Barrizar kooperatibako Antxon Aranbarrik bere esperientzia partekatu zuen. Kooperatiben Mahaia Elkartearen babesa izan zuten hasieran, eta gaur egun proiektu esanguratsuak garatzen ari dira. Aranbarrik kooperatiba-eredua ekintzailetzarako aukera gisa aurkeztu zuen, enpresa-eredu ezberdin baten aldeko apustua egitera gonbidatuz.

22 urteko ibilbidea. 2003an sortu zen Lea-Artibaiko Kooperatiben Mahaia Elkartea, zazpi kooperatibaren elkarlanetik. Ordutik hona, 41 kooperatiba berri sortzen lagundu du eta 407.000 euro banatu ditu hasierako inbertsioetarako. Era berean, 2024ko datuak ere esanguratsuak dira: 24,6 milioi euroko inbertsioak, 707,8 milioi euroko salmentak, eta 13,4 milioi euroko erosketa bolumena bideratu zituzten eskualdean. Guztira, 2.261 lanpostu sortu eta mantendu dituzte, eta gaur egun 1.862 bazkide ditu elkarteak. Etorkizunari begira, elkarteak berrindustrializazioaren beharrari erantzuteko estrategia berriak lantzen jarraituko duela adierazi dute, Birsortu Mahaia bezala izendatu dute lan-mahaiaren bitartez.

Lea-Artibai eta Mutrikuko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.

Egin HITZAkide

Azken 3 egunetako irakurrienak

 

 

Bizkaia

Kultura, Bizkaia, 2026ko Durangoko Azoka

Betiko Durangoko Azoka, koxka bat handituta

Kirola, Bizkaia

Blas Ziarreta hil da, Bigarren Mailan zirela Sestao, Athletic B eta Eibar zuzendu zituen entrenatzailea

Bizkaia, Kirola

Euskal Ligako Bizkaiko klubek salatu dute desabantailan aritzen direla

Indarkeria matxistaren aurka posizionatzeko eskatu dio Bizkaiko Diputazioak gizonen «gehiengo isilari»

Euskal Herria, Bizkaia

Basurtuko ospitaleko larrialdietako itxaronaldi luzeak salatu ditu ELA sindikatuak

Berriak, Kirola, Bizkaia

Ainhize Belarrek 9b graduaren langa eraitsi du

Euskal Herria, Bizkaia

Gutxienez bost edukiontziri su eman diete Bilbon

Euskal Herria, Bizkaia

Bilbon bi adingabe dituen familia bat hirugarrenez etxegabetzen saiatuko direla salatu du AZETek

Euskal Herria, Bizkaia

Zaldibarko kausan Baigorri alkate ohia ikertu behar dela berretsi du Bizkaiko Auzitegiak

Ekonomia, Bizkaia

Vicinayko langileek berretsi dute enpresaren proposamena «bidegabea» iruditzen zaiela

Euskal Herria, Bizkaia

Bilbon 47 pertsona artatu behar izan dituzte, etxe batean sua piztu dela eta

Euskal Herria, Bizkaia

Etxebarriko Bandas enpresako greba Memoria Demokratikorako Leku izendatzeko prozesua hasi dute

Kultura, 2026ko Durangoko Azoka, Bizkaia

Hogei ikuskizun aurkeztuko dituzte ‘DA! Pro’ topaketan, azaroaren 24an eta 26an

Asteko albiste garrantzitsuenen buletina jaso nahi?

Buletina barikuetan bidaltzen da, eta Lea-Artibai eta Mutrikuko asteko berri nagusiak biltzen ditu.

Harpidetu

Datuak ondo jaso dira. Eskerrik asko.

Izen-abizenak eta posta elektronikoa sartu behar dira.

Posta elektronikoak ez du formatu zuzena.

Arazo bat gertatu da eta ezin izan da izena eman. Jarri gurekin harremanetan mesedez eta barkatu eragozpenak (Akatsaren kodea:).

  • 94-684 44 36
  • lea-artibai@hitza.eus
  • Arretxinaga etorbidea, 1 - 48270 Markina-Xemein
  • Publizitatea
  • Argitalpen politika
  • Aniztasun politika
  • Pribatutasun politika
  • Cookieak
Babesleak:
Hasi saioa HITZAkide gisa

Saioa hasten baduzu, HITZAkide izatearen abantailak baliatu ahal izango dituzu.

HITZAkide naiz, baina oraindik ez dut kontua sortu SORTU KONTUA

Zure kontua ongi sortu da.

Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.

Sartutako datuak ez dira zuzenak.
Zure kontua berretsi gabe dago.
 
 
 
(Pasahitza ahaztu duzu?)
 
 
SARTU
 
Pasahitz berria ezarri da eta zure helbide elektronikora bidali da.
Sartutako datuak ez dira zuzenak.
 
(Identifikatu)
 
 
 
 
BIDALI
 

Ezagutu HITZAkide izatearen abantailak eta aukeratu HITZAkide izateko gustuko modalitatea

HITZAkide izan nahi dut
Aldatu zure pasahitza
Pasa hitza ondo aldatu da.
 
 
 
 
 
 
 
Aldatu
 
Oraindik ez zara HITZAkide?

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.

Ezagutu HITZAkide izatearen abantailak eta aukeratu HITZAkide izateko gustuko modalitatea.

HITZAkide izan nahi dut

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.