2025/11

Mankomunitateak etxeko zerbitzuan euskara bermatzeko arazoak dituela dio

Herritarrek egoeraren berri izan behar dutela uste dute, konturatu daitezen “zoritxarrez” gaur egun euskerazko etxeko zerbitzu bat izatea “pribilegio bat” bilakatu dela.

artisautza

Hamasei postu edukiko ditu Aulestiko IV. Azokak

Zapatuan [azaroak 29] 10:00etatik 14:00etara egongo da azoka frontoian. Hamasei postuez gain, Eusebio Bengoetxeak euskal artzain txakurren erakustaldia eskainiko du.

21. Abendurock: hamarkada berri baten hasiera

Mutrikuko Rock Kolektiboa 30. urteurrenaren baitan murgilduta dagoen horretan, 21. Abendurock barikuan hasiko da, Gaztetxean. Aro berri baten hasieratzat du kolektiboak aurtengoa, eta berritasunen bat zein beste prestatu ditu.

Frontoi bete jende batu da Erroak Loran jaiko bazkarian

350 berriatuar inguru elkartuko dira Erroak Loran jaiko bazkarian

Lehen aldiz Krosa lehiatuko dute Berritxuarron Jaiaren barruan, zapatuan [azaroak 29]. Goikolau Sariko ardatza Berriatuko herri ondarea izango da.

Belaunaldi baten ispilua

Julen Apella (Berriz, 1998) ez da literaturan guztiz hasiberria. ‘Postal bat desertuan’ (2021) poesia liburuarekin egin zuen lehenengo agerpena, eta orain, berriz, lehenengo nobelarekin dator: ‘Sakelako bihotzak’. Ondarroako Udalak eta Elkar Argitaletxeak ematen duten Augustin Zubikarai nobela beka jaso zuen iaz, eta bere lehenengo narrazio-lana plazaratu berri du.

A25: gorputz eta herri askeen alde borrokatzen segitzeko oihua kalean da

Indarkeria Matxistaren kontrako Nazioarteko Egunean, eta biolentzia matxista salatu dute han eta hemengo elkarretaratze eta mobilizazioetan. Sare feministek gizon zuriek agintzen duten sistemak "emakumeen gorputzen eta herrien azpiratze eta kontrola" bilatzen dutela salatu dute, eta Itaiak Estatu Sozialistaren eraikuntzan ekarpena egingo duen "alternatiba politikoa garatzean" arreta jarri du.

Erredakzioa

Mutriku Natur Taldea: "Diru publikoa ikaragarri xahutu da, eta herri-eredua jokoan daukagu"

Mutrikuko portuko dikea babesteko obran "esleipen asko" egon direla eta herri galdeketan eta partaidetza prozesuan erabakitakoa "ez dutela beteko" salatu dute Mutriku Natur Taldeko kideek. Herri Kontuen Euskal Epaitegira jotzeko prest daudela adierazi dute.

Remigia Etxarren

Remigia Etxarren funanbulistaren bizitza gogoratuko dute

'Argako erregina' ikuskizuna egongo da zapatuan [azaroak 29] Ondarroako Kofradia Zaharrean. Remigia Etxarren iruñearra zen arren, Ondarroan gertatu zitzaion ezbehar batek bere bizitza norabidez aldatu zuen.

Mutrikuko Zabiel kultur etxea
Beti Jai elkarteko kideak herriko umeekin gaztainak jaten

Gaztaina Eguna ospatuko dute eguaztenean Markina-Xemeinen

Beti Jai jubilatuen elkarteak herriko ikastetxeekin ibilaldia egingo du, eta ostean, gaztainak banatuko ditu Arkupe aurrean.

Zabalik dago Lekeitioko pala txapelketetan izena emateko epea

Lehen aldiz, emakumeentzako pala tenis txapelketa antolatu dute. Abenduaren 8a da izena emateko azken eguna.

Hiru txirlo txapelketa

Jose Antonio Nuñezek irabazi du Euskal Herriko 35. Hiru Txirlo Bola Joko Txapelketa

Aramaioko Etxaguen bolatokiak hartu zuen zapatuan [azaroak 22] azken jardunaldia.

Tradizioak eta auzolanak bat egingo dute Santa Katalina egunean

Domekan [azaroak 23] jai giroan murgilduko dira Gizaburuagan, Santa Katalina eguna ospatzeko. Besteren artean, barraskilo lasterketa eta herri bazkaria egingo dituzte.

Bizkaiko gizonezkoen Harrijasotze Txapelketa eta Euskadiko Aizkolarien Txapelketa hartuko ditu Etxebarriak

Domekan [azaroak 23] goi mailako aizkolari eta harrijasotzaileak ikusteko aukera egongo da, 12:00etan, herriko frontoian.

Gehiago