Literaturak eta umoreak bat egin dute Berriatuko martxoko kultur egitarauan
Egitarauak bakarrizketak, bertso saio literarioa, antzezlana eta ipuin eta marrazki lehiaketako sari banaketa biltzen ditu.
Prest dago Berriatuako martxoko literatur agenda, askotariko kultur ekintzekin osatutako egitarau oparoa eskainiz. Domekan [martxoak 22] 17:00etan, Txepeldunak antzezlana izango da bideogelan, ume zein nagusientzat. Egitaraua astelehenean [martxoak 23], 17:30ean amaituko da, ipuin eta marrazki lehiaketako sari banaketarekin.
Programazioari hasiera pasaden domekan [martxoak 15] eman zitzaion, Gangarleku, umore bakarrizketak saioarekin. Nagusiei zuzendutako ekitaldi honetan Asier Galarza, Manex Astigarraga, Maria Blanco eta Joana Arakistain aritu ziren.
Egitarauak eguaztenean [martxoak 18] izan zuen jarraipena, Esne berriketan liburuaren inguruko bertso saio literarioarekin. Bertan Uxue Alberdi, Nerea Ibarzabal eta Miren Amuriza aritu ziren, eta musika laguntza Amorante-ren eskutik izan zen.
Udaletik herritarrak gonbidatu dituzte gainerako ekitaldietan parte hartzera, literaturaz, umoreaz eta kulturaz gozatzeko aukera paregabea dela azpimarratuz.
