Eneko Sagarmendik Grabni txapelketa poltsikoratu du
Datorren astean Gipuzkoako binakako txapelketa jokatuko du Sagarmendik.
Eneko Sagarmendi eta Joseba Altuna.Eneko Sagarmendi. Joan den ostiralean Grabni txapelketako finala jokatu zen Sestaoko Las Llanas pilotalekuan, eta garaipena gipuzkoarrentzat izan zen. Eneko Sagarmendik, Joseba Altunarekin batera, Bizkaiko bikotea —Alex Mosquera eta Roberto de la Iglesia— menderatu zituen.
Finala nagusitasunez irabazi zuten, bi joko eta hutseko emaitzarekin (15-4 eta 15-6). Sagarmendiren hitzetan, partida oso borobila egin zuten: “Bai atzean eta bai aurrean tanto oso onak egin genituen. Atzera ere ondo aritu ginen, eta nire kasuan pilotakada batzuk zazpigarren koadroraino iritsi ziren”. Gipuzkoako ordezkariak oso gustura aritu ziren kantxan; Sagarmendik bikotearen lana nabarmendu du: “Oso gustura jokatu nuen Josebarekin, asko lagundu zidan”.
Garaipen honen ostean, Sagarmendik jada hurrengo erronkan du burua jarrita. Maiatzaren 16an Gipuzkoako binakako txapelketako finala jokatuko du Amasa-Villabonan, Xabat Askasibarrekin batera.
