Ondarroako Kofradia Zaharra bete du Jon Maiak
'Extremaduratik euskarara, barne eta kanpo bidaia' hitzaldia eskaini zuen atzo [maiatzak 6] Jon Maia Soriak.
60 lagun inguru batu ziren Kofradia Zaharrean.Ondarroako Udala. Kultur Aniztasunaren astearen baitan, Jon Maia Soriak Extremaduratik euskarara, barne eta kanpo bidaia hitzaldia eskaini zuen atzo [maiatzak 6] Ondarroako Kofradia Zaharrean. 60 lagun inguru batu ziren, eta hausnarketa “sakonak” plazaratu zituen Maiak, bertaratuei zer pentsatua utziz. Gainera, hitzaldiaren amaieran, Pedro Lasarte Toxuk eskultura bat oparitu zion.
Zapatuan [maiatzak 9] emango diote amaiera Kultur Aniztasun asteari, Jon Maiak zuzendutako Berriz etorriko zera dokumentalagaz. Gainera, atzoko hitzaldian, Maiak nabarmendu zuen 36 urte daramatzala Ondarroara joaten, baina dokumentalari esker, orain arte ezagutzen ez zuen Ondarroa ezagutu duela. “Sarrera gutxi gelditzen dira zapatuko estreinaldirako; beraz, azkar ibili!”, adierazi dute udaletik.
