Beti Jai elkarteak omenaldia egingo die aurten 85 urte beteko dituzten bazkideei
Zapatuan [maiatzak 30] egingo dute ekitaldia, meza, aurreskua eta bazkari berezia.
Beti Jai jubilatuen elkarteak omenaldia egingo die aurten 85 urte beteko dituzten bazkideei zapatu honetan [maiatzak 30] Markina-Xemeinen. 1941ean jaiotako bazkideak izango dira aurtengo protagonista nagusiak, eta egun osoko ekitaldi berezia prestatu dute haien ibilbidea eta ekarpena aitortzeko.
Egitaraua 12:00etan hasiko da, Mertzedeko elizan egingo duten meza bereziarekin. Ondoren, omenaldia eta aurreskua eskainiko dizkiete omenduei, ekitaldi hunkigarri batean.
Jardunaldiari amaiera emateko, mokadutxoa-bazkaria egingo dute parte hartzaileek. Helburua da bazkideen arteko topagune atsegina sortzea eta urteetan elkarteari eta herriari egindako ekarpena eskertzea.
Beti Jai jubilatuen elkarteak urtero antolatzen du omenaldi hau, adineko bazkideen lana eta bizipenak balioan jartzeko asmoz. Aurtengo ekitaldia Bizkaiko Foru Aldundiaren, Markina-Xemeingo Udalaren eta Eikaren laguntzarekin egingo dute.
