
Kamiseta baltzak jantzita, asko izan dira, Markina-Xemeinek eta Etxebarriak batera egin duten estreinako Elkartasun Egunean parte hartu duten herritarrak. Bariku gauean hasi, eta zapatu goizaldera arte iraun zuten ekimenek, jarraipen handia eduki zuten. Hotz itzela zegoela eta, mantak eta txokolate beroa eduki zituzten, bariku gauean, Mikel Etxaburu ondarrutarraren Zu zara orain txoria poesia liburuaren emanaldira joan zirenek. Ondarrutarraren errezitaldiak, Ikerne Mendietaren ikuskisuna be ekarri zuen. Aireko uztaia erabiliz dantzan egin zuen lekeitiarrak ordu beteko ikuskizuna osotuz. Ekitaldi nagusia Elkartasun Eguneko ekitaldi nagusia baina, zapatuan egin zen Etxebarrian. Txalapartaren soinuekin hasi, eta Nahia Iparragirreren taldeak antzezpena eskaini zuen, oihal artean, udaletxe aurreko pilotara be igota. Etxebarriko Kantariek abesti bi kantatu ondoren, aurreskua egin eta lorak oparitu zitzaizkien herri bietako preso politikoen senideei ekitaldiari hasiera emonez. Etxebarrikoa amaituta, trikipoteoa egin zen Markina-Xemeinen, eta argazki erraldoia atera zuten parte hartzaile guztiek Bekobenta eskolan. Bertako jantokian bazkaldu zuten, eta bertan eduki zuten bai eta be , Ander Lipus aktore eta zuzendari markinarraren eta Joanes Etxebarria bertsolariaren eskutik, Erregea eta bufoia antzezlana. Barre algara nahikoa egin ondoren, Andrabanda Feministaren batukadara batu ziren Elkartasun Eguneko partaideak eta herritarrak. Giro ona jarri zuen taldeak kalerik kale, eta dantza giroa izan zen nagusi bai eta gaueko kontzertuetan be. [...]

36ko gerran, faxistei aurre egitera joan eta, Amulategi eta Egixarre inguruetan, hildako miliziano eta gudariak omendu zituzten domekan, Ahaztuen Oroimena elkarteak antolatutako ekimenaren baitan. 75 urte bete dira urriaren 21ean, Jose Sagarna afusilat...

Lehendakari orde, ostera, Rakel Elu izendatu dute.


Ibon Iparragirre Burgoa etxean dago. 22:40an ailegatu da Gizaburuagara, emaztea eta ama ondoan, eta Ondarroatik zein eskualdeko beste herrietatik bertara joandako 200 bat herritarrek ongietorria emon diote. Behin-behineko kaleratzea eskuratuta, pultse...

Teresa Donearen jaiak ospatuko dira asteburuan Atxondoa auzoan. Musikak eta jolasak alaituko dute Bikale aurrea. Aurten be, hamazazpigarren urtez, margo lehiaketa egingo da zapatu goizean 4tik 14 urtera arteko umeentzat. 10:00etatik 13:00etara kontrol ...

Aurrera begirako ildo politikoa aztertu eta hauteskundeei begirako herri batzarra ditu dute biharko. Batzarra 16:00etan hasiko da, Uhagon kulturgunean.