
Areto futbol zelaia konpontzen hasi da Etxebarriko Udala. Lehengo sarea kendu dute eta laster hasiko dira hesi barria jartzen. Konponketa nagusiena, hesiagaz gainera, lurzorua izango da. Horrela, geruza barria jarriko dute. «Lehengo hesia eta lurzorua...

Atzo aurkeztu eta martxan jarri zituzten jakintza librea sustatzeko asmoagaz Ikasketa Bolibartarren Elkarteak prestatutako ikastaroak

Mari Karmen Olaberen balkoia aukeratu dute aurten herriko balkorik dotoreena. Joan den zapatu goizean banatu zituen Ekozainek Balkoien lehiaketako sariak, eta Olabek beti ondo zainduta edukitzen duela azpimarratu zuten. «Surfinia, geranio, petunia, huntz eta klibiekin apaintzen du», zehaztu zuten. Mari Karmen Olaberenaz gainera, balkoien beste sari bi eta aurrealde onenarena emon zuen ekologia taldeak. Karmengo plazan bizi den Rosita Gezuragak eroan zuen balkoien bigarren saria eta hirugarrena Okerra 5eko Rosa Fernandezentzat izan zen. «Zipresak, aspiristrak eta geranio gorriak ditu Gezuragak eta landara berde, zainzuri-landare eta zuhaizka berdeak Fernandezek», azaldu zuten. Aurtengo aurrealde dotoreena, bestalde, Amillategi Etxearena dela erabaki du epaimahaiak. Abesuan dagoen Lurdes Eizagirreren etxearen balkoi eta leihoak, zipres, zainzuri-landare, baltsamina eta ijito-landaraz apainduta daude. «Fina eta dotorea da eta urte osoan egoten da ondo zainduta», azaldu zuten. Orokorrean, azken urteetan hobekuntza nabaritu dute Ekozaingoek balkoietan. Gero eta gehiago apaintzen direla ikusi dute, eta landara loradunak berdeekin nahasten direla. Apaingarri asko erabiltzen ez diren arren, ohartu dira, txarrak be gero eta gutxiago direla. «Bonbonak esate baterako ia desagertu egin dira», aitatu dute. Auzo barrietan be, azken urteetan, landarak gehitzen joan direla ikusi dute. Basorik onena Balkoien apainketa aintzat hartzeagaz gainera, basorik zainduena be saritu du ekologia taldeak. «Dibertsitateko basoa izatea [...]

Etorkizuna dantza taldeko dantzari guztiak batuko dira zapatuan dantza erakustaldi zabala eskaintzeko. 19:30etik aurrera, herrialde guztietako 24 dantza egingo dituzte plazan. Trinketetik plazara joango dira kalejiran 160 ume eta nagusi Bilboko dultzai...

Herriko musika banda eta Oreka Tx taldea elkarregaz ariko dira; Nomadak Tx beharreko doinuen moldaketak dakartzate

Txupinazoa barikuan bada be, Txosnen Egunagaz hasiko dira jaiak aurten. Jai alternatiboa izango da, txosnak kudeatua eta euren airera antolatua. Arratsaldean hasiko da jaia, koadrilen arteko II. Dekatloiagaz. Hainbat joko batzen dituen ekimena, lehenengoz egiten da Karmen Jaien barruan. Lehenengoa Gazte Egunean egin zuten, eta izandako harrera ona ikusita, herriko jaietan bigarrena antolatzea erabaki dute. Galderen jolasa, bizikleta eta patin lasterketak, Urbitarte aurreko erreka zatian egingo dituzten piragua lasterketak, kaxen jokoa eta tortila txapelketa ondo pasatzeko aukera paregabea izango dira. Jokoen ostean, mahaiak ipini eta txosnetan prestatutako afaria egongo da, eta urtero legez, txosna gunean bertan afalduko dute. Afalostean, be, azken urteetan egin izan duten moduan, jokoak edukiko dituzte. Saku lasterketan eta sokatiran zeinek irabazi gogor lehiatuko dute koadrilek. Musikari tartea eginez, eta Txosnen Eguneko egitaraugaz amaitzeko, Sarekada taldeak kontzertua eskainiko du txosnen aurrean. Bost txosna Jaiko egitaraua prest, txosna gunea arratsalderako gertu egoteko azken beharrak egingo dituzte talde eta elkarteek gaur goizean. Aurten be bost txosna handi eta otartekoen txikia egongo dira, baina, Zelaiaren goiko partean barik, beheko partean egongo da txosna gunea. Goian errepidea dagoela eta beheko zatia itxi du Udalak, eta bertan egongo dira txosnak; gune zabalago batean. Leku gehiago egoteko, gainera, txosnen aurreko parteko bankuak be [...]

Mutrikuko Zine Forum Taldeak, Mutrikuko Rock Taldeen Kolektiboak eta Mutrikuko Bertso Eskolak Saturraran Oroitzen ekitaldia antolatu dute, elkarlanean, barikurako. Ekimena ezin zen beste inon izan: Saturraranen egin dute hitzordua, 19:30ean. Mutrikuko Udalaren eta Ondarroako Historia Zaleen eta zenbait herritarren laguntza ere izan dute antolatzaileek. Ekitaldiaren garrantzia azpimarratu nahian, musika, bertso, hitzaldi, erakusketa eta zinemak bat egingo dute. Saturraran Oroitzen ekitaldiaren helburua bikoitza da: alde batetik, Saturraranek azken mende eta erdian izan duen bilakaera ezagutzera ematea, eta bestetik, bilakera horretan zerikusia izan dutenak gogora ekartzea, batez ere, kartzelan egon ziren emakumeak eta haien senideak. 177 heriotzaren ziega 1938tik 1944ra bitartean, 177 haur eta emakumeren heriotza gertatu zen Saturrarango kartzelan. Horixe irakur daiteke hildakoen omenez kartzela egon zen tokian ipinitako oroigarrian. Xabier Basterretxea eta Arantza Ugarte historia zaleen arabera, 1869an Grand Hotel ostatu handia eraiki zuten Saturraranen. Gerora, 1920ko hamarkadan, Gasteizko seminarioa jabetu zen hotelaz. 1937an, emakumeen kartzela bihurtu zuten eraikina, ezelan prestatu gabe. Ez zegoen ezer, gela huts handiak bakarrik. 1939an, Saturrarango kartzelan zeudenak emakume euskaldun eta asturiarrak ziren batez ere, baina haiek Mallorka aldera eraman zituzten: Gaztela Mantxatik, Levantetik eta Andaluziatik ekarritako emakumeei egin zieten lekua. Egitaraua 19:30. Erakusketa Ondarroako Historia Zaleen eskutik. 22:15. Ekitaldiaren hasiera. 22:30. Bertso musikatuak. Mutrikuko [...]