
Markina-Xemeingo musika eskolak kurtso amaierako 20. kontzertua eskainiko du barikuan 19:00etan Uhagonen. 6 eta 16 urte bitarteko ume eta gazteek, pianoa, trikitixa, panderoa, txistua, danbolina eta zeharkako txirulagaz hainbat pieza joko dituzte.

“Legea bete ez izateagatik” Espainiako Estatuaren abokatuaren demanda jaso ostean, eta udal ordezkarientzat eta udalarentzat atzera ezinezko kalteak sor daitezkeela ikusita, Mutrikuko Udalak, «beste aukerarik izan gabe», Espainiako bande...

Zaloaren aldeko bosgarren pala txapelketa jarri du martxan Etxebarriko Gazte Asanbladak. Parte hartu nahi duenak gazte lokalean, Erlatx, Buztarri edo Iru-Bide tabernetan emon behar du izena uztailaren 1a orduko. Txapelketa binaka jokatuko da, tenisko pelotagaz. 10 euro ordaindu behar dira bikoteko.

Zeure kolore guztiak erakutsi lemapean ospatuko da gaur, Lekeition, Sexu Askapenerako Eguna. Lekeitioko Udalak eta Potxuak Martxan Emakume Taldeak elkarlanean prestatu dute eguneko programazioa. Horrela, martitzenean aurkeztutako erakusketagaz gainera, Potxuak Martxaneko kideek, Limonero-Cabaret ikuskizuna prestatu dute. 18:30ean eskainiko dute ikuskizuna kultur etxearen aurrean. Horretaz gainera, 19:00etan, 80 egunean filma ikusteko aukera egongo da Azkue Aretoan Jose Mari Goenaga filmaren zuzendariagaz, eta zine foruma egingo da pintxo batzuekin lagunduta. Kartela jaisteko.

Zapato Azuleko kanta bolo-bolo ari da egunotan. Guztiek buruz jakin nahi dute Esne Beltzak jaiegunaren 15. urtemuga ospatzeko egindako abestia. Letra eta doinua modukoa, Radixu Irratiak ondo baino hobeto pasatzeko jaia prestatu du. Momentuz, gaur arte, abestiak 1.775 deskarga eduki dituela jakin eragin dute Radixu Irratiko arduradunek. Radixu Irratia zuzenena entzun. Zapato Azule abestia deskargatu. Irrati libreak Zapato Azule antolatzeko erronkari zazpigarrengoz egingo dio aurre, eta urtero modura, alde zaharreko jai eremutik kanpo, Tolosara aterako da jaia. Dina Bilbao ondarrutar ospetsua gogoan, bertan hasiko dira Dinamartxak, bizikletaz bat eta mendirik mendi bigarrena. Bizikletaz 200 lagun eta mendiz 50 bat etorriko dira. 14:00etan egingo dute sarrera Kantoipe errebueltatik. Sentipenak nagusituko dira orduantxe. 25 saltoki, irudimen handia Alaiko balkoia atzean laga eta Zubi Zaharra gurutzatuta, Latxanbre enparantzak hartuko du zapatuan Euskal Herriko Kamiseta Azoka. 25 postu egongo dira aukeran. Eta alde zaharrean ez da ezer faltako. Ezustekoak be espero dira, antolatzaileek esan dutenez. Eta hori gutxi balitz, estreinako, Zapato Azule bidez entzun ahalko da etxetik. Alaiko balkoian esaten den guztia eta gehiago zuzenean emongo dute. www.radixu.info-n.

2011-2012 ikasturtean HABEK homologatutako edozein euskaltegitan euskaraz ikasten aritu diren ikasleei diru-laguntzak emongo dizkie Lekeitioko Udalak. Ikasleek euskaltegian izena emonda izan dutela eta asistentziaren %80a bete dutela frogatu beharko du...

Zapatuan Vista Alegreko proiektuaren aurkako elkarretaratzea egin zuten herritar batzuk, Mendexako Karraspio hondartzaren parean. Elkarretaratzeak iraun zuen tartean Ertzaintza bertaratu eta herritar bat identifikatu arazi zuen. «Elkarretaratzea egiteko udalean baimenik ez dugula eskatu esan ziguten», adierazi du herritar batek. Elkarretaratzea 13:00etan egin zuten herritarrek eta Ertzaintza zertxobait geroago agertu zen bertara. «Identifikatu zutenari isuna helduko zaiola uste dugu. Hau ulertezina dela uste dugu», gaineratu dute. Horren aurrean, hurrengo elkarretaratzerako baimena eskatuko dutela azaldu dute herritarrek. Gertatutakoak gertatuta, hurrengo hitzordua uztailaren 22an jarri dute proiektuagaz ados ez dauden herritarrek. «Egun horretan barriro be elkarretaratzea egingo dugu, 13:00etan, Karraspion». Elkarretaratze hori uztaileko domeka horretan egingo bada be, aurretik, tarteka, Karraspioko hondartza parean egoten jarraituko dutela esan dute herritarrek. «Informazioa banatzen eta azalpenak ematen egongo gara». «Kaleko beharra egiten» Herritarrek elkarretaratzeak egiten eta proiektuaren nondik norakoak gainerako herritarrei azaltzen jarraitzen duten bitartean, auzi helegitea sartzeko pausoak bere horretan jarraitzen du. «Momentuz proiektuaren aurka egiteko helegitea sartzeko lehenengo pausoa emanda daukagu baina horrek luze joko du. Aldundiak udalari pasatu behar dio informazioa eta gero barriro epaile batek ikusi behar du hori. Azkenik, guri esango digute helegitea sartu ahal dugula. Dena dela, bide horrek aurrea egin bitartean guk kaleko beharra egiten jarraituko dugu», adierazi du [...]