
Aurten be, San Pedro Egunean, ekainak 29, tanborrada egingo da Lekeitioko kaleetan zehar. Hori dela eta, tanborrada prestatzeko, entseguak egongo dira ekaineko bariku guztietan. Hau da, ekainaren 3an, 10ean, 17an eta 24an. Entseguak 20:00etatik 21:30er...

Esukara hutsean izango dira Lea Ibarra Mankomunazgoak uztailaren 5etik 22ra prestatu duen oporraldia ; Aulestiko herri eskola izango da udalekuaren erdigunea

Lasutrren jokatu dira 680 kiloko mailan, Euskal Herriko Lur GainekoSokatira Txapelketa. Bigarren postua eskuratzeko lehia gogorra izan dute Gaztedi A eta Mutrikuren artean; Goiherri Ak irabazi du

Ibilgailuen gaineko zerga ordaintzeko borondatezko epea zabalik dute: Ekainaren 30a da ordainketa hau egiteko azken eguna. Emondako epean ordainketa egiten ez dutenek premia bidezko prozeduraz ordaindu beharko dute; hau da, araudian zehaztuta dagoen be...

Bilduk bost zinegotzi edukiko ditu datorren agintaldian; EAJk bi ordezkari edukiko ditu bat galduta


EAJko aulkiak berdintzea lortu du estreinako alderdi batek Markina-Xemeinen. Zinegotzi kopuru bera izango dute EAJk eta Bilduk Udalean. Hori dela eta, alkatea zein izango den erabakitzeko geratu da. Erabaki hori Aralarren esku egongo da. Espero gabeko emaitza izan da azken udal hauteskundeetakoa. Bildu indartsu zetorrela ikusten bazen be, horrelako emaitza izaterik ez zen itxaroten. EAJk bi zinegotzi galdu ditu, baina ez da izan botu kopuru handia galdu duelako (1.270 izan zituen 2.007an), Bildu indartsu sartu delako baino. Horrela, EAJ mantendu den arren, Bilduren botu kopuru handiak alderdi biek bosna zinegotzi lortzea eragin du. Halan, alkatea alderdi batekoa edo bestekoa izan daiteke. EAJren aldetik Iñigo Ansola da alkategaia; Bildurena, ostera, Juanjo Txurruka. Bietako zeinek hartuko duen alkatetzako makila Aralarren botuak erabakiko du. Aralarrek, botu batzuk galdu baditu be, 2007ko udal hauteskundeetako antzerako botu kopurua lortu du, eta, beraz, bere aulkia mantenduko du. PPk eta PSE-EE alderdiek be hautagaitza aurkeztu dute oraingoan eta botu batzuk lortu dituzten arren, ez dira nahikoa izan aulkirik lortzeko. Parte-hartze handia Azken udal hauteskundeetako beste berezitasun bat parte-hartze handia izan da. Markina-Xemeinen %70,5ekoa izan zen atzokoan, 2007an baino handiagoa (%62,71 izan zen 2007an). Halan, 3.687 laguneko zentzutik, 2.601 joan ziren frontoiko hautestontzietara bozka egitera. Euretatik, botu emoileen [...]

Emozioa eta txaloak tartekatu ziren joan den zapatuan, Xemein abesbatzaren CDaren aurkezpen ekitaldian. Abesbatzaren historia gogora ekarri eta CD barriko kantuak eskaini zituen Markina-Xemeingo abesbatzak, polo barri eta guzti. Agur Jaunak, Aita Gurea...

Isuntza elkartean hamaiketakoa egin eta Mollatik buelta eginda Eskolaperaino kalejiran eta dantzan ibili ziren zapatuan Euskal Erromeriakoak. Aittitta Makurrako Txikirri-Txikirri taldearen doinuez lagunduta, ikastaroetan ikasitako guztia erakutsi zuten...

Bi urte pasa dira Ispaster eta Saharako Farfia herria senidetu zirenetik; hangoei laguntzea zuten buruan Ispasterkoek eta ezagutu barik be prest zeuden horretarako; hauteskunde aurrean harremana sendotu dute

Mutrikun jokatu da Gipuzkoako txapelketa: 70 ehunenekoren aldeak erabaki du txapela nork jantzi

Ibilgailuen gaineko zerga ordaintzeko borondatezko epea zabalik dute: Ekainaren 30a da ordainketa hau egiteko azken eguna. Aitaturiko data heldu orduko, eta aurretiaz hartutako erreziboekin, udaletxera jo beharko dute, astelehenetik barikura, 09:30ak e...

Bilduk zortzi zinegotzi edukiko ditu lortutako bozkei esker; bigarren indarra EAJ da lau ordezkarirekin

Lekeitioko Udalean Bilduk aginduko du hurrengo lau urteetan gehiengo osoz. Zortzi zinegotzi izango dira koalizio independentistaren ordezkariak eta bost, barriz, EAJ alderdiarenak. Guztira 2.542 boto jaso ditu Bilduk, EAJk baino 927 gehiago. Aralarren zerrenda izan da hirugarrena 282 botogaz, baina ez du zinegotzirik edukiko. Guztira 4.602 lekeitiarrek emon dute botoa Udalerako hauteskundeetan. Abstentzio maila, herri gehienetan legez, jaitsi egin da, eta %22,6an geratu da. 2007an %29 ingurukoa izan zen abstentzio maila Lea-Artibain. Orain dela lau urteko udal hauteskundeetako Lekeitioko emaitzekin alderatuz gero, orduan ilegalizatu zuten ANVren hautes-zerrendak 1.560 boto, eta Eusko Alkartasunak 826 eskuratu zituen. Indar bi haien botoen batura baino 156 gehiago izan dira oraingo honetan Bildu koalizioak Lekeitioko Udalerako jaso dituen paperak. EAJk, ostera, aurten 2007an baino 59 boto gitxiago jaso ditu. Azken bi agintaldietan EAJren esku egon da Udal Gobernua. Ezker abertzaleak, barriz, ezin izan du parte hartu Udalaren kudeaketan ezta bilkuretan ere. «Herriari kasu egingo zaio» Emaitzak jaso ahala, jende asko batu zen atzo gauez kalean. Eskolapean batu, eta bolanderekin ospatu zuten Bilduren aldekoek garaipena. Aurrera begira «berbak praktikan ipintzeko eta beharra egiteko garaia» datorrela esan zuen alkate izango den Maitane Larrauri Frailek. «Herriari kasu egingo zaio eta Udalaren ateak zabaldu egingo dira orain», gehitu zuen. [...]

Bildu egongo da datorren agintaldian Ondarroako Udala kudeatzen. Horixe erabaki du ondarrutarren gehiengoak, 2.957 botogaz. Ondarroako alkatea andrazkoa izango da lehenengo bidar, Argia Ituarte Arkotxa. 7.134 herritarrek zeukaten atzo botoa emoteko eskubidea, eta 4.985ek emon zuten euren iritzia hautes mahaietan. Horrenbestez, abstentzioa %30,13koa izan zen. 2007ko udal eta foru hauteskundeekin alderatuta, abstentzioak nabarmen egin du behera Ondarroan. %36,7ra ailegatu zen bozkatu ez zutenen kopurua orain dela lau urte. Bestetik, 199 herritarrek emon zuten atzo boto zuria edo baliorik barikoa. Kopuru handia hori be. Euriari aurre eginda, asko izan ziren atzo bozka mahaietara joan zirenak. 12:00etatik 14:00etara, ilara luzeak ikus zitezkeen bateko eta besteko mahaietan. 12:35ean ailegatu zen Ituarte Kalapitxiko hautes mahaira. Ia hogei minutu beranduago emon zuen botoa, zegoen ilara luzeagatik. Bozkatu eta gero, hauteskunde egunera arteko ibilbidea gogora ekarri zuen. «Asko kostatuta ailegatu gara hona, baina oraindik batzuek ezin dute hamen egon. Irabazten badugu, ahalegina egingo dugu egoera bideratzeko, eta danon artean Ondarroa hobe bat egiteko. Gainerako alkategaiek herritik kanpora bozkatu zuten: Bilbon eta Zornotzan. Kontaketa amaituta, poz-pozik agertu zen. «Izugarria da hau. EAJri botoak ia bikoiztu egin dizkiogu, eta guk ia 3.000 lortu ditugu. Hau dana ez dakigu zelan kudeatuko dugun, baina ahalegina egingo dugu. Ailegatu gara Udalera, [...]