
Madrilgo Vicente Calderon futbol zelaian egongo da eguenean Gorka Antxustegi markinarra, Suzuki 1600egaz. Hantxe jokatuko da Stadium Race edo Txapeldunen lasterketa. Bat Formulako eta rallyetako pilotuek edukiko dute hitzordua, 19:00etatik aurrera. Antxustegigaz batera, bertan egongo dira, besteak beste, Mark Gene, Dani Sordo, Adrian Sutil, Vitantino Liuzzi, Nani Roma, Jaime Alguersuari eta bere taldekide Joan Vinyes. Atletico de Madriden berdegunea asfaltatu egin dute azkan egunetan, eta zortzi metro zabalerako bi errai paralelo egongo dira pilotuen eskura, ez ahazteko lako ikuskizuna eskaintzeko. Ourensen seigarrena Asko kostata, eta hamalau postu gora eginda, seigarrena izan zen Ourenseko Rallyan (Galizia) Gorka Antxustegi. Suzuki Swift S1600ak ondo hasi zuen lasterketa, baina bosgarren zatian, gurpilak zulaketa eduki zuen, eta zortzi minutu galdu zituen pilotuak. Hogeigarren postura jaitsi zen, eta arazoa konponduta, postuetan gora egiten joan zen. «Zulaketa konpontzeko mintu bi nahikoa izaten dira, baina pentsatu nuen autoak zer edo zer gehiago zeukala, apurtu-edo egin zela», esan du pilotuak. Hamalau postu gora eginda, seigarrena izan zen sailkapen orokorrean eta bigarrena aurreko trakziodun autoen mailan. Berezi bitan, gainera, Joan Viyes bere taldekideak baino denbora hobea egin zuen. Pilotuei maila handia eskatzen dien lasterketa izan zen Ourensekoa, malda askokoa, eta zirkuituko luzeena. Hori horrela, lehenengo postuetan sailkatu ahal ziren gidari [...]

Lekeitioko udaletxeko batzar areto nagusia bete-bete egin da Jaione Murelaga Izagirre alkate ohia gogoratu eta omentzeko. Ez ohiko bilkura laburrean, Udalak Jaioneren Txokoa ofizial bihurtu dute, eta ondoren, lore eskaintza egin da. Egungo alkate Maita...

Sorgin Gauagaz hasiko dira sanjoanak eguen honetan, eta domekara arte luzatuko dira jaiak. Hona hemen egitaraua. Ekainak 23 -20:00. Txupinazoa eta agurra. Ondoren, Karrakan Trakatan fanfarreagaz, sorgin eta pertsonaia mitologikoen jaitsiera. -20:30. Ja...

Arnoko VII. Mendi Lasterketak eta Ibilaldiak jendetza batu zuten domekan, ibilbidean zein kanpoan. Eguraldia lagun, goizean hasi eta eguerdira arteko orduak labur joan zitzaizkien ikusleei. Parte-hartzearen aldetik, pozik agertu dira Burumendi Mendi Ta...

Jokin Aperribai Realeko lehendakariak agerraldia egin du gaur. Talde txuri-urdinaren etorkizunaren eta datorren denboraldirako erronken gainean egin du berba, eta bera buru den Zuzendaritza Batzordea taldea gestionatzeko prest dagoela agertu du. Bestea...

Mugarrien bideari jarraituta, Bizkaiari buelta emon zion Klaudio Antxiak orain dela 50 urte. 70 urte lepoan, buelta hori emon zuen lehenengoa izan zen Australia ezizenez ezagutzen zen ibiltaria. Ekainaren 4an irten zuen, eta 18an amaitu. Ekimen hori gogoan, omenaldia egingo diote zapatuan Artibai Mendigoizale Taldeak, Bizkaiko Mendizale Federazioak eta Bizkaiko Foru Aldundiak. Klaudio Antxia ibiltari handia izanik, mendi irteeragaz hasiko da ekitaldia. 09:00etan, autobusa hartuko dute geltokian, Isuara joateko. Usartzatik hasiko da ibilaldia. Max-Kalamuara igoko dira 10:30ean, eta gero, Arrixatik Etxebarriara jaitsi, eta bide gorritik egingo dute buelta Markina-Xemeinera. 13:00etan, ekitaldia egongo da udaletxean. Ibilbidea erraza izango da, eta mendizale guztiez gainera, batez be, Klaudio Antxiagaz ibilitakoak gonbidatu ditu mendigoizale taldeak ekimenera. Lehenengoa Bizkaiari buelta emoten lehenengoa izanik, berak egindako ibilbidea GR 123- Bizkaiko Bira moduan homologatu zuen federazioak. Hamalau etapa behar izan zituen berak, aspaldiko asmoa zuena egi bihurtzeko. Goiz triste batean irten zen Saturrarandik, motxila lepoan eta makila luzea eskuan zuela. Kalamuraino Agustin Arrate eta Jose Maria Pagegi izan zituen lagun, baina, handik aurrera, bere txakur Arin izan zuen laguntzaile bakarra. Elgetaraino ailegatu zen lehenengo egunean, euripean bederatzi ordu eta erdi egin eta gero. Bigarren etapan, barriz, Arrazolara heldu zen, eta hirugarrenean Otxandiora. Arrabarako ibilbidea egin zuen laugarren [...]

Berriatuan jendarte bizia dagoen seinale da bertan urte osoko dinamika daukaten hamabi talde egotea. Ez da marka makala tamaina horretako herriarentzat. Talde horiek urte osoan egiten duten lana aitortu eta eskertu egingo da etzi, bide batez jai eguna ospatuta. Amaitu barri den udal agintaldiaren amaieran zinegotzien artean sortutako ideia izan da Taldeen Eguna ospatzearena. «Normaltasunez hartzen dugu astebururo zesta-punta edo futbol partiduak egotea, eskolaz kanpoko jarduerak egotea, edo kultur ekitaldiak egotea, baina aukera horien guztien atzean taldeen lana dago, eta hori eskertu beharrekoa dela uste dugu», esan du alkate Imanol Mugartegik. «Udalak eta herriak berak taldeen lana aintzat hartzeko eguna izango da zapatua, eta bide batez ondo pasatzekoa», nabarmendu du. Izan be, jai izaera emon diote Taldeen Egunari. «Hasieran pentsatu genuen errekonozimendurako ekitaldi formal bat egitea, baina gero, taldeen izaerari be jaramon eginda, eta eurei behar handirik eragin barik, jai moduko eguna ospatzea hobe zela erabaki genuen». Horrela, bada, kirol-jolasak, musika eta, batez be, herri giroa izango dira nagusi etziko egitarauan, «beti bidelagun diren talde guztiei gorazarre eginez». Egitaraua.- 11:00. Jokuak herriko plazan, baloi, bizikleta eta zestagaz, txapel jaurtzea, eta abar. 14:00. Triki-dantza-poteo-bazkaria, dana batera. 16:00. Taldeei errekonozimendu ekitaldia. Ondoren. Tarine musika eskolak eta koruak Berriatuko ereserkia abestuko dute. Jarraian. [...]

Omenaldiari egin zion tartea Aurreraren urteko batzarrak barikuan. Urrezko oroigarria emon zioten Etxanizen emazteari. «Benetan baten batek merezita bazeukan hauxe medaila geure aita zen. Hil zuteneneko eguna eta aurreko egun guztia Zaldupen pasatu zi...

Motz-Motzian, film laburren Mutrikuko lehen lehiaketako lanak domekan 19:00etan emango dituzte Zabielen. Motz-Motzian ez da bat ere motz geratu. Hamalau lan aurkeztu dituzte Mutrikuko I. Film Laburren Lehiaketara. Eta guzti-guztiak ikusi ahal izango dira etzi, 19:00etan, Zabiel kultur etxean. «Harrituta eta oso pozik gaude egindako harrera onarekin; parte hartu duten guztiei eman nahi dizkiegu eskerrak», esan dute antolaketa taldean ibili diren Mutrikuko Zine Forum taldekoek. «Ikusi da jendeak badaukala zer esana eta gauzak egiteko gogoa», gehitu dute. Egile guztiak dira mutrikuarrak eta amateurrak, horiek baiziren lehiaketaren baldintzak. Adin aldetik denetik dago, eta sortu diren istorioen aldetik ere bai; «eta ugaritasun hori izan da politena». Epaimahaikideak bildu dira jada hamalau zintak ikusi ondoren, eta sarien banaketa gaur zortzi, hilaren 24an, 20:00etan izango da Zabielen. «Sari banaketa ekitaldia gehiegi luzatu beharrean, nahiago izan dugu aparteko egun bat jarri bideo lan guztiak ikusteko», azaldu dute antolatzaileek. Eta horretarako, domeka iluntzea aukeratu dute, «Ederrena zinea zegoenean bezala». Herritar guztiei egin diete gonbitea herritarrek egindakoa ikusteko. Filmak eta egileak.- Agirrehaundigoikoa. Roberto Gimmerans. Araba Euskaraz-en bideoa. Axular Arizmendi. Nahixan. Axular Arizmendi. Aran. Igone Arreitunandia. Bizitzaz ikasten. Naiara Uranga. Denda zoroa! Moxol Team. Gaztetxea, Muga. Mutrikuko Gazte Asanblada. Heldu dira Gabonak. Marisa Martinez. Inoiz esan ez nizuna. [...]

Ekainaren 23ra arte Kultur Astea ospatuko du Lekeitioko Eskola Publikoak. Ikasturtean landutako guztia, kultur artekotasuna eta proiektuak ezagutzera emongo dituzte ekimenen bitartez. Batzuk eskolan bertan burutuko dira; beste batzuk, ostera, herrira atarako dituzte, eta ikuskizun bereziak be antolatuko dituzte herrira begira. Herrirako antolatutako ekimenen artean daude barikuan, 19:00etan, kultur etxean egongo den Musika Eskolako entzunaldia eta domekan egongo diren erakusketa eta pailazoak. Herriko plazan, 11:00etan, eskolako ikasleek egindako lanak ikusgai ipiniko dituzte. Bestalde, Pirritx, Porrotx eta Mari Motots pailazoen ikuskizuna egongo da herriko frontoian 18:00etan. Horretaz gainera, San Juan Gaua be antolatuko dute ekainaren 23an: jolastokian, 18:00etatik 21:00etara, munduko jolasen ludoteka erraldoia jarriko dute; 21:30ean, haur dantzaldia egongo da; 22:30ean Sanjuan Sua; 22:45ean suzko zezena, eta 23:00etan, berbena. Eskolan Antzerki emanaldiak, bisita gidatuak, hitzaldiak, irteerak eta ipuinak edukiko dituzte eskolan bertan. Horrela, Arrain Bentara, Ondartzabal itsasontzira eta herriko liburutegira bisitak egingo dituzte ikasleek aste honetan, eta Lea Ibilbidera eta Lumentza mendira be irteerak egingo dituzte. Horretaz gainera, antzerki emanaldiak eskainiko dituzte ikasleek, bai eta abestiak be. Ikasleez gainera, gurasoek be edukiko dute zeregina. Barikuan, hitzaldia egongo da eurentzat 10:30ean, irakasle gelan. Haur Hezkuntzako eta LHko ikasleen elikapenaz jardungo dute Kontxi Martinez de la Peraren eskutik. Martitzenean, barriz, ipuin kontalari jardungo [...]

Nestor Landaribar, Danel Eizagirre, Gotzon Eizagirre eta Ondarru Otxoantesana. Eurak dira San Town Losers, eta eurak egongo dira barikuan, 23:30etik aurrera, Kafe Antzokian, orain urtebete sortutako egitasmoa erakusten. Agertokira maketan jaso dituzten...

Orain arte herriko aguazila eta pasa den zapatutik hona Mendexako alkate barria den Jesus Anakaberen lan egoera hurrengo udal plenoan argituko da. Osoko bilkura hori datorren asteko eguenean, hilaren 23an, izango da. Kasu berezia izanik, legeak ezartze...

Ekainaren 23tik 26ra United World Games izeneko nazioarteko txapelketa jokatuko da Austriako Klagenfurt herrian. Bertan amaituko dute aurtengo denboraldia Marierrota Boleibol taldekoek, eta bidaiaren gastuei aurre egiteko moda desfilea antolatu dute zapaturako. Desfilea 20:00etan hasiko da eta, oraingoan, kirolariak modelo bihurtu, eta R. M. Azkue Ikastolako frontoiko pasarela gainera igoko dira, herriko hamabost dendatako arropak eta osagarriak erakusteko. Desfilea ordu eta erdikoa izango da eta tartean eskolako eta ikastolako umeen play back ikuskizunak egongo dira. Moda desfilea ikusteaz gainera, zer edo zer hartzeko aukera be egongo da, taberna jarriko dute-eta horretarako. Bidaia Bizkaiko eta Euskadiko Eskolarteko txapelketak eta kluben artekoa irabazita, denboraldiari amaiera berezia emon nahi dio Marierrota Boleibol Taldeak. Kirola egitea guztiz garrantzitsua eta aberasgarria dela uste badute be, kirolaren bitartez eduki al diren beste bizipenei eta esperientziei be garrantzia emon nahi diete; beste herrialde batzuk eta hizkuntza ezberdinak dituzten pertsonak ezagutzea eta etxetik kanpo egoteak dituen ardurak eta konpromisoak hartzea, besteak beste. Hori dela eta erabaki dute Austriako txapelketara joatea. Ekainaren 22an irtengo dira, eta egun oso bat autobusean egin eta gero, 23an ailegatuko dira Klagenfurtera. Hilaren 23tik 26ra txapelketa jokatuko dute, beste hainbat herrialdetako kirolariekin batera eta, ondoren, etxerantz bueltatuko dira. Buelta zatika egingo dute. Venezian (Italia) [...]

Josu Urrutia Athleticeko jokalari ohi eta lehendakaritzarako hautagaiak babes garrantzitsua jaso du gaur Athleticeko presidente izateko. Pedro Aurtenetxe, Jose Mari Arrate eta Ana Urkijo klubeko presidente ohiek, Ernesto Valverde jokalari eta entrena...

Mutrikuko Gure Ametsa, Ondarroako Kresala, Zarauzko Iratzarri eta Urnietako Aurrera Gure Ametsa eta Egape taldeetako neska-mutilek kolorez eta dotoreziaz jantzi zuten Mutriku domekan, Umeen Euskal Jaian. Ikusle asko batu ziren Goiko Plazako emanaldieta...