
San Joan Jaietarako prestaketan hasi dira jada Ziortza-Bolibarren. Jai Batzordearen barruan, Aranbaltz kultur elkartekoen ardura izango da hilaren 23ko Sorgin Gaua prestatzea, eta ezer be azken ordurako laga barik, entsegurako deia zabaldu dute. Bariku...

Zapatuan hasiko dira sanjoanak Amallon, gehiago itxaron barik. Eskualdeko eta inguru zabaleko gazte askorentzako udako denboraldiaren hasiera izaten da urtero Amalloko kontzertua, eta aurten be hemen dator. Aurten, jaietarako aurrekontua asko murriztu denez, Jai Batzordeak be «arriskuak neurtu» eta gastuak jaietako hiru egunen artean gehiago banatu ditu. Vendetta eta Surfin Kaos taldeek joko dute kontzertuan eta ostean Gora Herria taldeagaz erromeria egongo da. «Herriko auzo guztiei banatzen die Udalak diru kopuru bera, egun bakarreko jaia egin, zein hiru eguneko egitaraua eduki; eta gure kasuan, Gabonetako eta Santa Agedako santa-eskeekin, zozketagaz eta jaietako tabernagaz osotzen dugu aurrekontua», esan du Jai Batzordeko kide Lander San Martinek. «Alde horretatik asko eskertu beharrekoa da amalloarren aldetik egiten den ekarpena; Gabonetan pasatzen gara abesten eta etxe bakoitzean igoal 50 euro emoten dute, eta handik gitxira, Santa Agedan, beste 50», gehitu du. Beharrerako orduan be ez dira atzera geratzen Amallokoak. Auzo txikia izanda be, Jai Batzordean, antolaketan eta jaietako lanetan 30 bat gazte ibiltzen dira. «Eta helduak be hor ibiltzen dira, behar piloa egiten, sozietatean». Diru aldetik krisia hor egon arren, aurten be goitik ospatu ahal izango dira jaiak Amallon, auzotarren ahaleginari esker. Egitaraua.- Ekainak 18, zapatua 22:00. Kontzertua Surfin Kaos eta Vendetta taldeekin, eta ondoren [...]

Joan den barikuan hasi zen XX. Plazatik Gaztetxera txapelketa, Markina-Xemeingo Akerbeltz gaztetxean jokatu zen kanporaketagaz. 100 entzule inguru batu ziren, eta giro itzela piztu zen han egon ziren guztien artean. Gorka Ostolaza Potxis bertsolaria izan zen saioaren aurkezle, eta bizitasuna eta saltsa jarri zizkion bertso saioari. Bertsolariak be ondo hasi ziren. Zortziko nagusian pareko ibili ziren, baina, zortziko txikiko ariketan Nerea Ibarzabal markinarra egon zen koska bat gorago. Kopletan bertsoen mailak behera egin zuen; halandabe, umorez betetako bertsoak bota zituzten, saioari bizitasuna emonez. Azken urteetan egin den moduan, entzuleek bertsolari gustukoena bozkatu ahal izan zuen. Epaileek Peio Ormazabali eman zizkioten puntu gehien eta ikusleek Julen Sololuzeri. Bitxia izan zen epaileek gutxien puntuatu zuten bertsolaria ikusleek gehien bozkatu zutena izatea. Botatako hiruna bertsotan Ormazabal nagusitu zen eta, ondorioz, uztailaren 1ean Mutrikun jokatuko den finalerako txartela lortu zuen. Besteek puntuazioen zain egon beharko dute, kanporaketetatik zuzenean sailkatuko diren sei bertsolariz gain puntuazio altuena lortu duten biak be finalean egongo direlako. Amaitzeko, Gazte Asanbladako kideek oparia banatu zieten bertsolariei: gazta, irasagarra, intxaurrak eta gaztetxeko aldizkaria urretx makila batean lotuta. Ibarzabal Plazatik Gaztetxerako hitzordua pasatuta, beste saio garrantzitsu bat izango du datorren zapatuan Nerea Ibarzabal markinarrak: Agurainen jokatuko den Euskal Herriko Eskolarteko Bertsolari Txapelketa. [...]

Andoni Aretxabaleta pilotari markinarrak Karmen Jaietan debutatuko du Asergacegaz. Halantxerik jakitera emon du pilota enpresak bere web orriaren bitartez. Debuta uztailaren 17an izango dela aurreratu dute.

Giro ederra eta partidu politak egon ziren domekan Markinako Esku Pilota Txapelketako finaletan. Frontoi txikia bete egin zuen publikoak. Lehia izan zen nagusi eta partidu estuak ikusi ziren maila guztietan. Bat, bi, hiru eta lau tantuko aldeak egon zi...

Abel Urizarbarrena markinarrak irabazi du Etxebarrian jokatutako Supermotard lehiaketa. Hamazazpi parte-hartzaile izan zituen Bizkaiko eta Euskadiko txapelketarako puntuagarria izan den probak. 600 lagun inguru batu ziren Eika Kooperatibaren inguruet...

Isuntzaren asteburua ospatu du Isuntza Arraun Elkarteak. Horren harira, iazko banderen bedeinkapena egin dute, udaletxeko eskaileretan. Hementxe bideoa:

Marianne Vos izan da, Lekeition amaitu den Emakumeen Birako bigarren etapako garaiea. Vosek gogor eraso egin zuen etapa amaieran, eta 21 segundoko aldea atara zion lehenengo taldeari. Talde horretan sartu ziren Emma Johansson suediarra eta Judith Arndt...

Bildu koalizioko Juanjo Txurruka izango da Markina-Xemeingo alkatea. Udal hauteskundeetan EAJrena izan zen zerrenda bozkatuena, baina bost zinegotzi lortu zituen, Bilduk beste. Aralarren zinegotzi bakarrak eduki du alkatetza lortzeko giltza, eta harek ...

Batzar aretoa herritarrez beteta hartu du alkatetzarako makila Maitane Larraurik. Gehiengo osoagaz jaso be jaso du makila Bilduko zerrendaburuak. EAJko bost zinegotziek euren zerrendaburu Jose Mari Cazalisen alde bozkatu dute. Makila eskuan hartu b...

LABeko helduek eta pentsiodunek urteko asanbleea egin dute Lekeition. Sindikatuaren azken kongresuaz geroztik sortu zen arloko kideek gaur egunera arteko ibilbidearen balorazioa eta momentuko testuinguruak eskatzen dituen gogoetak egiteko aukera izan d...

Eguraldi txarrak eraginda, astelehenean eta martitzenean baino ez dute antxoarik ekarri Kalare Deuna kofradiara. 8.643 kilo saldu dira, bataz beste, 3,29 eurotan. Antxoa eskasiak prezioak gora egitea ekarri du. Bestela, txitxarro baltza izan da gehien ...

Amiantoaren gaineko prebentzio eta kontzientziazio kanpaina martxan ipini du LAB sindikatuak, produktu kimiko horren urteetako erabileraz kezkatuta. Ondarroako LABen egoitzan egin zuten atzo goizean agerraldia Jon Iñaki Alkorta LABeko Metalgintzako eskualdeko arduradunak, Jesus Mari Ibarra J. L. French Ansola S. A. Fundizioko LABeko Prebentzio delegatuak eta Rikardo Beitia Ondarroako itsasontzietan makinista izandakoak, azkan biak amiantoagaz beharrean ibilitakoak. Orain dela 20 urte debekatu zen Espainiako estatuan amiantoaren erabilera, Europako herri askotan baino hamabost urte beranduago. Debekuak debeku, amiantoaren eraginak 20-30 bat urtera arte ez dira igartzen. Hori dela eta, sindikatuak sentsibilizazioa sortu nahi du gizartean, amiantoak minbizia eragiten duela ikusita. «Kontziente gara langile asko minbiziagaz hil direla, eta geratu da ikertu barik nondik sortu den gaitza». Iraultza Industrialean hasi zen amiantoa erabiltzen, batez be isolatzaile moduan, eraikuntzan zementuan eta oihaletan nahastuta, eta arropetan, besteak beste, eskularru eta amantaletan. Hori horrela, eraikuntza askotan egon daiteke amiantoa: eskola, osasun etxe, eraikin publiko zein etxe partikularretan. «Amiantoa, batez be, hauts bihurtzen denean da arriskutsua, zementoan dagoena». Eta arriskua oraindik be badagoela argi laga dute: «Gaur egun pabilioi eta eraikin zaharretan beharrean dabiltzanak be arriskuan egon daitezke». Sindikatuek alarma pizten dutela diotenen aurrean, LABek argi laga nahi izan du jendea kontzientziatzea eta informatzea dutela helburu, gai horren inguruan dagoen [...]

Iurretatik Lekeitiorainoko Emakumeen Birako bigarren etapa lehiatuko da gaur. 15:30ean hasiko da lasterketa, Iurretan, eta, Lekeitiotik bi zeharkaldi egin ondoren, 16:54an eta 17:46an, Ikastola aurrean amaituko da, 18:30ean. Urte batzuetan alde batera ...

Estreinako, Super Motard ikuskizuna egongo da domekan Eikako aparkalekuan eta alboko lursailean. Supermotard Taldea 25ek antolatutako proba Euskadiko Txapelketakoa izango da. Gutxi gorabehera hamalau bat motorrek parte hartuko dute asfaltoan eta lur ga...