Ollogoien-Lokiz-Zudaire, EH Oinez 20. etapa egiteko ibilaldia antolatu du Lumentza mendi taldeak zapaturako. Autobusa jarri dute parte hartu nahi dutenentzat. Urbasa eta Lokiz mendilerroak zeharkatuko dituzte bost orduko ibilbidea eginez. 19 kilometr...
Sendabelarren gaineko mahai-ingurua egongo da zapatuan, Alarabi dendako Xabier Bereziartuaren eskutik. 15:30ean hasiko da solasaldia. Infusio, inguruko bedar edo ukenduei buruz egingo dute berba. Gainera, errezeta praktiko batzuk be irakatsiko ditu Ber...
2012ko udazkenean hasiko da Markina-Xemeingo Udala Barroeta futbol zelaira joateko zubia egiten. Ezohiko osoko bilera egin dute, aurten hasteko zegoen proiektua atzeratu, eta Bizkaiko Foru Aldundiak aurreko agintaldian hitzartutako laguntza mantendu ahal izateko. Maiatzean sinatu zuen aurreko Udalak Bizkaiko Foru Aldundiagaz 550.000 euroko laguntza. Zubia aurtengo urtean egiteko sinatuta zegoen. Baina, egitasmoa egitea posible ez zela ikusita, hitzarmena barritu du Udalak. «Ez da egon zubia egiteko partidarik aurreikusita, ez eta horrelako proiektu bat aurrera eroateko behar diren lizitazio eta baimenak eskatzeko astirik be», azaldu du Markina-Xemeingo alkate Juanjo Txurrukak. Hori dela eta, akordio barri batera ailegatu dira Aldundiagaz. Akordu horretan laguntza bera aurreikusten da, baina epe barik. Udalak Barroetara joateko zubia egitea beharrezko ikusten du. Beraz, aurtengo aurrekontuetan partida bat sartuko dute zubirako. Halanda be, proiektua oso garestia dela esan dute, izan be, egitasmoak 1.300.000 euroko kostua izango duela aurreikusten da. Kopuru horretatik 550.000 euro jarriko ditu Aldundiak, baina beste guztia Udalaren kontura geratuko da. «Proiektua egin behar dela defendatzen dugun arren, argi daukagu proiektu horrek ez duela Udala hipotekatu eta beste gauza batzuk egiteko aukera eragotzi behar», azpimarratu du alkateak. Beharrak Proiektuaren muina BI 633 errepidea eta Barroeta futbol zelaia lotuko dituen zubia izango bada be, proiektua haratago dihoa. [...]
2012rako ordenantza fiskalak aho batez onartu zituen azken osoko bilkuran Etxebarriko Udalak. Zergak eta tasak izoztuta mantentzea erabaki dute. Aldaketa bakarra zerbitzu publikoak emateagatiko tasen barruan egingo da, hau da, agiriak igortzea kobratuko dute: ziurtagiri orokorra ¬errolda agiria, adibidez¬ ez da kobratuko, hirigintza arloko ziurtagiria, barriz, 20 euro eta fax bidalketa 5. orrira arte ez da kobratuko, baina hortik aurrera, bakoitzeko euro bat kobratuko da. Fotokopiak egitea, bestalde, 5. orrira arte ez da kobratuko, baina 6. orritik aurrera lehengo tarifak mantenduko dira: A4 alde batetik 0,10 euro, A4 alde bietatik 0,15 euro, A3 alde batetik 0,15 euro eta A3 alde bietatik 0,25 euro. Konpultsak, faxarena bezala, 6. orritik aurrera euro bat orri bakoitzeko kobratuko dira. Beste herrien antzera Zergak eta tasak 2007tik igo barik mantendu ditu Etxebarriko Udalak. «Familiak zelan dauden ikusita tasak igotzea ezinezkoa da», esan du Jesus Iriondo alkateak. Gainera, Udalari kalterik egin barik dauden eran mantentzea posible dela jakitera emon du. «Tasak gure tamainuko beste herrien antzekoak direnez ez ikutzea erabaki da», argitu du. Halanda be, ura %9an igoko dela aurreratu du Iriondok. «Gai hori patzuergoak darama eta herri guztietan igoera berdina izango da», dio. Horrela, familia bakoitzeko, gastatzen denaren arabera, 0,95 euro inguru igoko da batazbeste. [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
