70 neska-mutilek parte hartu dute Markina-Xemeingo Triatloi Txikian
XI. urtez egiten den kirol ekitaldiaren balorazio ona egin dute antolatzaileek. Triatloia hobeto ezagutu eta kirola eginez gozatu zuten gazteek.
Triatloi Txikiko partaideak. Argazkia: Alarabi Triatloi Taldea 6tik 16 urtera bitarteko 70 ume eta gazteek parte hartu dute Markina-Xemeingo Alarabi Triatloi Taldeak antolatutako Triatloi Txikian. XI. urtez egiten den kirol ekitaldiaren balorazio ona egin dute antolatzaileek. Esan dutenez parte hartzaileak “gustura” ibili ziren.
Domeka goizean batu ziren triatleta gazteak Atxondo kiroldegian, eta adinaren arabera distantzia ezberdinak osatu behar izan zituzten igerian, bizikletaz eta aringa-aringa. LH 1 eta 2 mailetako neska-mutilek 25 metro igeri, 600 metro bizikletan eta 300 metro korrika egin zituzten kiroldegiaren inguruetan; LH3 eta LH4 mailetakoek 50 metro igeri, 600 metro bizikletan eta 300 metro korrika; LH5 eta LH6 mailetakoek 50 metro igeri, 1.200 metro bizikletan eta 300 metro korrika eta DBHkoek 50 metro igeri, 2 kilometro bizikletan eta 300 metro korrika.
Triatloia hobeto ezagutu eta kirola eginez gozatu zuten gazteek.
