Etxerik etxe LED bonbillak saltzen ari diren iruzurgileak atzeman dituzte Ondarroan

Ertzaintzak esan du inork ez duela salaketarik jarri. Joan den astean hainbat herritarren etxebizitzetara joan ziren.

Hainbat herritarrek jakitera eman dutenez, pertsona bat edo batzuk dabiltza etxez etxe LED bonbillak saltzen edota bonbilla arruntengatik aldatu behar direla esaten.

Saltzaileak Iberdrola enpresaren izenean identifikatzen dira, baina enpresak ziurtatu du berak ez duela Ondarroara etxez etxe inor bidali. Balizko saltzaileak hainbat datu pertsonal eskatzen ditu etxebizitzetan. Arazo honen aurrean, Ondarroako Udalak herritarrei dei egin die “saltzaile” horiei daturik ez emateko, eta norbere etxera deituz gero udaltzainei, ertzainei eta Iberdrolari jakinarazteko. “Ondarroako Udaleko kontsumo bulegoak herritarrei jakinarazi nahi die ez dela derrigorrezkoa etxebizitzetako bonbillak aldatu eta LED argiak jartzea, ezta gisa horretako edozein tramite egitea ere”.

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.