Aurten ere Bizilagunak ekimena egingo dute Berriatuan, azaroaren 17an
Ekimenean parte hartu nahi dutenek telefonoz deitu (615 84 34 20) edo posta elektronikoa bidali ahal dute: bizilagunakberritxu@gmail.com.
Iaz ekimenean parte hartu zutenak, Berriatuko plazan. Argazkia: Berritxuko Bizilagunak. Aurten zortzigarrenez egingo da Bizilagunak ekimena Euskal Herri osoan. Eta azken urteetan egin modura, berriatuarrek ere egitasmoagaz bat egingo dute. Zehaztu dutenez, aurten azaroaren 17an egingo da ekimena, gainerako herrietan modura.
Ekimenean parte hartu nahi dutenek telefonoz deitu (615 84 34 20) edo posta elektronikoa bidali ahal dute: bizilagunakberritxu@gmail.com.
Mahai baten inguruan herrialde desberdinetako pertsonak batzea da Bizilagunaken helburua, familia giroan. Elkar ezagutzeko eta harremanak sendotzeko ekimena da, eta bide batez, gizartean barneratuta dauden aurreiritziak apurtzeko modua da.
Iazkoa, datutan. Araban, Bizkaian eta Gipuzkoan 58 nazionalitateko 2.542 pertsonak bat egin zuten iaz egitasmoagaz. Horiek Gipuzkoako 127 udalerritan, Arabako hamabitan eta Bizkaiko lautan batu ziren; Araban 71 bazkari egin zituzten (1.311 partaide), Bizkaian 32 (331 partaide) eta Gipuzkoan 127 (900 partaide).
Informazio gehiagorako SOS Arrazakeria elkartearen webgunea kontsultatu ahal dela esan dute.
