Berriatuan amaituko dute Interjaiko lehen fasea
Barikuan jokatuko dira partiduak Mendibarren frontoian. Oraindik dena erabakitzeko dago.
Jon Ibarluzea Markina-Xemeingo pilotaria. Argazkia: Xistera Berriatuan emango diote amaiera Interjaiko lehen faseari, eta oraindik dena erabakitzeko dago. Lalook eta Mikel Manzisidor atzelari mutrikuarrak zuzenean finalera igarotzeko txartela lortuta daukate. Antxon-Aitor Elkorobarrutia eta Aaron-Zugaitz, berriz, finalerdietan aurkituko dira. Oraindik, ordea, finalerdiak osatzeko beste bikote bat falta da, eta bikote hori erabakiko da barikuan [azaroak 8] 19.00etatik aurrera Berriatuan jokatuko den jaialdian.
Etcheberry-Ibarluzea eta Zuloaga-Uriel bikoteek daukate finalaerdietan egoteko aukera eskura, eta bi bikote horiek elkarren aurka jokatuko dute Berriatuan. Etcheberryk ezingo duela jokatu jakitera eman du Xisterak, eta bere ordez Arbe arituko da. Bestalde, Uriel ere ez dagoela jokatzeko moduan azaldu dute, eta bere ordezkoa Mandagaran izango da. Ondorioz, Arbe eta Ibarluzea, Zuloagaren eta Mandagaren aurka arituko dira.
Partida hori ez da jokoan egongo den bakarra izango. Elkorobarrutia anaien arteko dema ere egongo da eta Interjaiko jardunaldi horretan. Mikel Elkorobarrutia Gaizkarekin arituko da, eta Aitor Elkorobarrutia berriz, Antxon Alberdi etxebarritarragazekin.
Berriatuko partiduak:
- Gaizka-M.Elkorobarrutia / Antxon-A.Elkorobarrutia
- Zuloaga-Mandagaran / Arbe-Ibarluzea
