Bost positibo kasu gehiago erregistratu dituzte Lea-Artibain eta Mutrikun
Ondarroan eta Etxebarrian bina kasu gehiago antzeman dituzte, eta bat gehiago Berriatuan. Hala, Lea-Artibain eta Mutrikun 75 kasu daude baieztatuta. Bizkai, Gipuzkoa eta Araban 15.138 kasu positibo zenbatu dituzte guztira (atzo baino 334 gehiago). Horietatik 686 ospitaleratuta daude (atzo baino 42 gutxiago).
Azken 24 orduetan Ondarroan, Etxebarrian eta Berriatuan erregistratu dituzte COVID-19arekin kutsatutako positibo kasu berriak. Horrela, beraz, gaur gaurkoz Lea-Artibain eta Mutrikun erregistratutako positibo kasuak 75 dira. Hemen herriz herriko zerrenda:
- Ondarroa: 20 positibo (2 gehiago azken 24 orduetan)
- Markina-Xemein: 16 positibo (atzoko datu berdina)
- Lekeitio: 14 positibo (atzoko datu berdina
- Mutriku: 11 positibo (atzoko datu berdina)
- Etxebarria: 4 positibo (2 gehiago azken 24 orduetan)
- Berriatua: 3 positibo (1 gehiago azken 24 orduetan)
- Aulesti: 2 positibo (atzoko datu berdina)
- Amoroto: 1 positibo (atzoko datu berdina)
- Ispaster: 1 positibo (atzoko datu berdina)
- Gizaburuaga: 1 positibo (atzoko datu berdina)
- Mendexa: 1 positibo (atzoko datu berdina)
- Ziortza-Bolibar: 1 positibo (atzoko datu berdina)
Bizkai, Gipuzkoa eta Araban 15.138 kasu positibo zenbatu dituzte guztira (atzo baino 334 gehiago). Horietatik 686 ospitaleratuta daude (atzo baino 42 gutxiago). Azterketa lurraldeka eginez gero, ondokoak dira datuak:
- Araba: 3.864 positibo (atzo baino 100 gehiago)
- Bizkaia: 8.607 positibo (atzo baino 196 gehiago)
- Gipuzkoa: 2.667 positibo (atzo baino 38 gehiago)
Hiru lurraldeetan, atzo 19 pertsona hil ziren. Hala, pandemia hasi zenetik, guztira 1.274 pertsona hil dira Bizkai, Gipuzkoa eta Araban. Bestalde, sendatu direnak edo alta jaso dutenak baieztatutako kasu guztien %69 dira.
Probei dagokienez, Bizkai, Gipuzkoa eta Araban atzo PCR bidez baieztatutako positibo berriak 55 dira. “Kontuan izan behar da proba honek detektatzen duela pertsona batek une horretan bertan birusa duen ala gaixo dagoen. Epidemiaren bilakaera baloratzen laguntzen du”. Test azkarrei dagokienez, proba horien bidez atzo 483 kasu antzeman ziren. “Gogoratu behar da proba horrek hartutako immunitatea edo pertsona batek sortutako antigorputzak neurtzen dituela, eta iraganeko infekzio bat ere adierazi dezakeela”.
