Momentuz, Jaurlaritzak ez ditu atzora arteko herriz herriko kutsatuen datuak eman
Eusko Jaurlaritzak atzora arte argitaratzen zuen buletinak herriz herriko datuak jasotzen zituen. Gaur, aldiz, ez dute herriz herriko daturik eman, bai aldiz lurraldeetakoa. Araba, Bizkai eta Gipuzkoan atzo 221 positibo kasu berri antzeman zituzten; 114 Bizkaian, 102 Araban eta 5 Gipuzkoan.
Datuak ematerako orduan, Eusko Jaurlaritzak iragarri du aurrerantzean aurreko eguneko 00:00ak arteko datuak emango dituztela, eta ez 20:00ak arteko datuak. Horrez gain, gaineratu dute orain arte egunero argitaratzen zuten boletinak aldaketak edukiko dituela. Gaur, esaterako, ez dute herriz herriko datuak eman; bai, ostera, lurraldeetakoak. Beraz, martitzenera [maiatzak 12] arteko herriz herriko datuak dira ondokoak:
- Lekeitio: 21 positibo (atzoko datu berdina)
- Ondarroa: 20 positibo (atzoko datu berdina)
- Markina-Xemein: 18 positibo (atzoko datu berdina)
- Mutriku: 14 positibo (atzoko datu berdina)
- Berriatua: 6 positibo (atzoko datu berdina)
- Etxebarria: 4 positibo (atzoko datu berdina)
- Mendexa: 2 positibo (atzoko datu berdina)
- Aulesti: 2 positibo (atzoko datu berdina)
- Amoroto: 1 positibo (atzoko datu berdina)
- Ispaster: 1 positibo (atzoko datu berdina)
- Gizaburuaga: 1 positibo (atzoko datu berdina)
- Ziortza-Bolibar: 1 positibo (atzoko datu berdina)
Bizkai, Gipuzkoa eta Araban 18.316 kasu positibo zenbatu dituzte guztira (atzo baino 221 gehiago). Horietatik 415 ospitaleratuta daude (atzo baino 5 gutxiago); horietatik 55 ZIUn (atzo baino 5 gutxiago) eta 360 solairuko geletan daude (atzoko datu berdina). Azterketa lurraldeka eginez gero, ondokoak dira datuak:
- Araba: 4.868 positibo (atzo baino 102 gehiago)/ ospitaleratutakoak 106 dira (+21)/hildakoak 356 (+1)
- Bizkaia: 10.332 positibo (atzo baino 114 gehiago)/ ospitaleratutakoak 243 dira (-20)/hildakoak 815(+9)
- Gipuzkoa: 3.116 positibo (atzo baino 5 gehiago)/ ospitaleratutakoak 66 dira (-6)/hildakoak 283 (+2)
Pandemia hasi zenetik, guztira 1.454 pertsona hil dira Bizkai, Gipuzkoa eta Araban (atzo 12 pertsona hil ziren). Bestalde, gaur ez dute eman sendatu direnen edo alta jaso dutenen ehunekoa ere.