Azken orduetan sei kasu erregistratu dituzte Lea-Artibain
Ondarroan bost kasu erregistratu dituzte, eta bat Markina-Xemeinen. Ondarroako intzidentzia tasa 40 puntu inguru igo da, baina herriak gune horian egoten jarraitzen du. Jaurlaritzak berretsi du Araba, Bizkai eta Gipuzkoa mailan Mutriku dela 5.000 biztanletik gora duten herrien artean 0ko tasa daukan herri bakarra.
Lea-Artibai eta Mutrikuko intzidentzia tasak baxua izaten jarraitzen badu ere, azken orduetan sei kasu erregistratu dituzte Lea-Artibain: 5 kasu Ondarroan erregistratu dituzte, eta bakarra Markina-Xemeinen. Horren ondorioz, Ondarroako intzidentzia tasa 40 puntu inguru igo da; gaur 163,42ko tasa dauka Ondarroak. Gainontzeko herrietan intzidentzia tasak mantendu edo jaitsi egin dira.
Bestetik, Jaurlaritzak berretsi du Araba, Bizkai eta Gipuzkoa mailan 5.000 biztanle baino gehiago dituzte herrien artean Mutriku dela herri bakarra 0ko tasa daukana.
Euskadiko Babes Zibileko Planaren Aholku Batzordea (Labi) barikuan [martxoak 5] batuko da, eta martxoak 8tik aurrera indarrean egongo diren neurrien berri emango dute. Atzo [martxoak 3] aurreratu zutenez, probintzia barruko mugikortasuna baimentzea aztertuko dute, besteak beste.
Herriz herriko intzidentzia tasa (eguneratuta):
- Amoroto: 0 (=)
- Aulesti: 0 (=)
- Berriatua: 159,11 (=)
- Etxebarria: 0 (=)
- Gizaburuaga: 0 (=)
- Ispaster: 0 (=)
- Lekeitio: 207,56 (azken orduetan 20 puntu inguru jaitsi da)
- Markina-Xemein: 179,10 (=)
- Mendexa: 0 (=)
- Munitibar: 0 (=)
- Mutriku: 0 (=)
- Ondarroa: 163,42 (azken orduetan 40 puntu inguru igo da)
- Ziortza-Bolibar: 0 (=)
Gune gorrian dauden herrien zerrenda ere gaur [martxoak 4] eguneratu du Jaurlaritzak. Eta astelehenean [martxoak 1] 5.000 biztanle baino gutxiago zituzten herrien artean gune gorrian zegoen bakar bat ere ez bazegoen, gaur bai:
- 5.000 biztanletik gorako herriak: Oñati (793,51), Derio (608,92) eta Aretxabaleta (522,60).
- 5.000 biztanletik beherako herriak: Ibarra (1.021,83).
