Azken orduetan ez dute positiborik erregistratu Lea-Artibai eta Mutrikun

Berriatuko tasa 80 puntu jaitsi da, eta gainerako herrietakoak bere horretan mantendu dira. Gaur gaurkoz, zazpi dira 0 tasa daukaten Lea-Artibaiko herriak. Lurraldeei dagokienez, Arabako tasak gora egiten jarraitzen du, eta Bizkaikoa eta Gipuzkoakoa jaitsi egin dira.

Ekainaren 3an eta 6an gertatu modura, atzo ere [ekainak 8] COVID-19arekin kutsatutako kasurik ez zuten erregistratu Lea-Artibai eta Mutriku osoan. Ondorioz, Berriatuko intzidentzia tasa 80 puntu jaitsi da, eta gainerako herrietako tasak bere horretan mantendu dira.

Gaur gaurkoz 0 tasa daukaten herriak zazpi dira: Amoroto, Aulesti, Etxebarria, Gizaburuaga, Mendexa, Munitibar eta Ziortza-Bolibar. Hau da, Lea Ibarra osoak 0 tasa dauka.

Lurraldeak. Arabak 157,17ko tasa dauka (2 puntu igo da), Bizkaiak 187,81ekoa (-7 puntu) eta Gipuzkoak 190,99koa (-9 puntu).

Joan den aste osoan [maiatzaren 31tik ekainaren 6ra] 11 kasu erregistratu zituzten Lea-Artibai eta Mutrikun, duela bi aste baino bost gutxiago: 4 kasu Lekeition erregistratu zituzten, 3 Markina-Xemeinen eta bina Ondarroan eta Ispasterren. Gainerako herri guztietan ez zuten kasu bakar bat bera ere erregistratu.

Herriz herriko intzidentzia tasa (eguneratuta):

  • Amoroto: 0
  • Aulesti: 0
  • Berriatua: 79,55 (80 puntu jaitsi da)
  • Etxebarria: 0
  • Gizaburuaga: 0
  • Ispaster: 403,23
  • Lekeitio: 83,02
  • Markina-Xemein: 99,50
  • Mendexa: 0
  • Munitibar: 0
  • Mutriku: 18,82
  • Ondarroa: 116,73
  • Ziortza-Bolibar: 0

Lea-Artibai eta Mutrikuko egoera epidemiologikoaren bilakaera, azarotik: