Pintaketak egin dituzte Lekeitioko Batzokian
Lekeitioko EAJk erasosa "irmoki" gaitzetsi du, eta esan du halako jarduerak "denbora, toki eta edozein ulermenetatik kanpo" daudela.
Argazkiak: Koldo Goitia (Twitter) Lekeitioko Batzokian pintaketak egin dituztela salatu du Lekeitioko EAJk. Eta erasoa salatzeaz batera, “irmoki” gaitzetsi dute.”Edozein aldarri politiko burutzea guztiz bidezkoa izan arren, ez da bat ere zilegi bide antidemokratikoen bidez egitea”.
Batzokiko arduradunek esan dutenez, gaur goizean ikusi dituzte pintaketak. “Guk ez dakigu noiz egin dituzten, baina atzo ez zeuden”. Koldo Goitia Lekeitioko alkateak ere sare sozialen bidez gaitzetsi du erasoa: “Gure artean badira oraindik antzinako ohituretara begira dauden nostalgikoak. Lekeitioko EAJtik daukagun onena emoten jarraituko dogu, Lekeitio eta lekeitiarren alde. Gure gaitzespen irmoa eraso hauei. Aski da!”.
Lekeitioko EAJk ere halako jarduerak “denbora, toki eta edozein ulermenetatik kanpo” daudela esan du. “Halakoek ez dute batere laguntzen elkarbizitzaren eta ezberdinarekiko errespetuaren bidean”. Gaineratu dute herritarren artean “bakarrik etsipena” sortarazten dutela, “ekintza horiek burutzen dituztenen ahulezia politikoa eta kultura demokratikoaren falta erakutsiz”.
Irainen, mespretxuen eta errespetu falten aurrean, herritarrek elkarrizketa, elkarbizitza eta errespetua hobesten dituztela diote jeltzale lekeitiarrek. “Edozein jazarpen edo erasoren aurrean, Lekeitioko EAJtik gogor eutsiko digo gure bideari”.
