Ziortza-Bolibar gune gorrian sartu da, eta Aulesti atera egin da

Azken lau egunetan 98 positibo erregistratu dituzte: 30 Ondarroan, 22 Lekeition, 18 Mutrikun, 11 Markina-Xemeinen, 8 Berriatuan, 6 Amoroton eta bana Etxebarrian, Ispasterren eta Ziortza-Bolibarren. Barikuan (abenduak 10) positibo bat erregistratu zutelako sartu da Ziortza-Bolibar gune gorrian.

Asier Alkorta

Lea-Artibai eta Mutriku

2021/12/13

Azken bi asteetan positiborik erregistratu ez dutelako pasa da Aulesti 0 tasa edukitzera. Aldiz, Ziortza-Bolibarrek asteetan eduki du 0 tasa, baina barikuan positibo bat erregistratu eta gero, herriko intzidentzia tasa 150etik gora kokatu da, eta gune gorrian egotera pasatu da. Beraz, HITZAren eremuan hamar herrik jarraitzen dute gune gorrian egoten: Amoroto, Berriatua, Ispater, Lekeitio, Markina-Xemein, Mendexa, Munitibar, Mutriku, Ondarroan eta Ziortza-Bolibar.

[COVID ZIURTAGIRIA eremu itxi gehienetara zabaltzea baimendu du EAEko Auzitegi Nagusiak ]

Azken lau egunetan [abenduaren 9tik 12ra] 98 positibo erregistratu dituzte Lea-Artibai eta Mutrikun: 30 Ondarroan, 22 Lekeition, 18 Mutrikun, 11 Markina-Xemeinen, 8 Berriatuan, 6 Amoroton eta bana Etxebarrian, Ispasterren eta Ziortza-Bolibarren.

Joan den aste osoan [abenduaren 6tik 12ra] 159 positibo erregistratu zituzten Lea-Artibai eta Mutrikun, duela bi aste baino 82 positibo gutxiago: Ondarroan 50 kasu erregistratu zituzten, 35 Mutrikun, 26 Lekeition, 17 Mutrikun, 12 Amoroton, 10 Berriatuan, 6 Ispasterren eta bana Etxebarrian, Mendexan eta Ziortza-Bolibarren.

Lurraldeak. Arabak 978,17ko tasa dauka (171 puntu igo da), Bizkaiak 601,98koa (143 puntu igo da) eta Gipuzkoak 1.428,40koa (184 puntu igo da). Araban 44 herri daude gune gorrian (eguenean baino 3 herri gehiago) (51 herri daude lurraldean), Bizkaian 98 (=) (112 herri daude lurraldean) eta Gipuzkoan 85 (+4) (88 herri daude lurraldean).

Herriz herriko intzidentzia tasak (abenduaren 13an eguneratuta):