Zuhaitz inausketak egingo dituzte Artabide kalean, eta autoak kendu behar dira
Martitzenean [martxoak 29] 07:00etarako autoak kendu beharko dira Artabide 41etik gora, hain zuzen ere, ezkerreko aldean.
Artabide kaleko eskumako aldea. Artabide kaleko zuhaitzen inausketa egingo da datorren astean, eta lanak burutu ahal izateko autoak kendu behar dira. Martitzeneko [martxoak 29] 07:00etarako autoak kendu beharko dituzte gidariek, Artabide 41etik gora ezkerreko aldean dauden aparkalekuetatik.
Bestalde, eskumako aldeari dagokionez, eguaztenean [martxoak 30] 07:00etarako kendu beharko dira autoak, Batzokitik gorako aparkalekuetatik. Kasu horretan, inausketez gain, bi zuhaitz osorik moztuko dituzte, hilda daudelako. Hortaz, baliteke lanak eguenera arte luzatzea.
