Ondarroako itsas zeharkaldian izen ematea zabalik
35. Itsas Igeri Zeharkaldia Elena Fernandez Iturrioz memoriala egingo dute uztailaren 16an, Ondarroako Arrigorri hondartzan, eta izen ematea zabalik dago.
Urtero bezala bi ibilbide izango ditu itsas zeharkaldiak, gazteen 600 metroko ibilbidea, eta nagusien 1.600 metroko ibilbidea. Parte hartu nahi dutenek izena emateko aukera dute Ondarru Igeri Taldearen webgunean edo Kirrixki tabernan.
Itsas igeri zeharkaldian federatu eta ez federatuek parte hartu ahal izango dute, eta zalantzarik edukiz gero, antolatzaileekin harremanetan jartzeko aukera dago ondarruit@gmail.com posta elektronikoaren bidez.
