'Zirko txiki' ikastaroa egongo da Mendexan
Domekan egingo dute ikastaroa Mendexako frontoian, eta 3 urtetik 12 urtera bitarteko umeei zuzenduta egongo da.
Zirko txiki ikastaroa egongo da domekan [urriak 27] Mendexako frontoian, hiru urtetik hamabi urtera bitarteko umeei bideratuta. Bi txanda egingo dituzte, lehenengoa 11:00etan hasiko da eta 12:15ean bukatu. Bigarrena, berriz, 12:15ean hasi eta 13:30ean amaituko da. Ume bakoitzeko 10 euro ordaindu beharko dira, eta neba-arrebak izanez gero, 15 eurokoa izango da prezioa. Mendexarrek prezio berezia izango dute: 8 euro. Antolatzaileek ume “asko” apuntatu direla adierazi dute, horregatik, izena emateko zerrendak itxita daudela zehaztu dute.
