Piztu Dendak ekitaldiak "erantzun ona" eduki du
Hemen Be Bai merkatarien elkarteak Gabonetako argiak piztu eta tonbolako sariak banatu ditu.
Markina-Xemeingo Hemen Be Bai merkatari elkarteak 2.000 euro banatu ditu herritarren artean. Tonbola ipini zuten martxan joan den azaroaren 15ean, eta eguenean [abenduak 5] eman zieten amaiera. Piztu Dendak ekitaldiaren baitan, Gabonetako argien piztuera egiteaz gain, tonbolako sariak banatu zituzten herritarren artean.
Elkartean sartuta dauden 44 establezimenduetako batean erosketa eginez gero txarteltxo bat eman diete herritarrei, eta hura arraskatuta, sariak irabazi dituzte. Bi sari mota banatu dituzte: deskontuak eta produktu edo zerbitzuak. Hala, deskontuak irabazi dituztenek abenduaren 15era arte edukiko dute erabiltzeko aukera. Produktu edo zerbitzuak jasotzeko, ostera, ezinbestekoa izan zen eguenean Piztu Dendak ekitaldira bertaratzea. Hala, denetariko sariak jaso zituzten herritarrek.
Antolatzaileak pozik agertu dira aurtengo ekitaldiak izan duen erantzunagaz: “Dena ondo irten zen. Polita izan zen ekitaldia, argiak piztu genituen eta sariak banatu. Herritar ugari etorri ziren. Erantzun ona eduki du, eta pozik gaude izan duen erantzunagaz”.
