Hezkuntza publikoko irakasleek eta Hezkuntza Sailak maiatzaren 9an sinatutako akordioaren harira, Bekobenta eta Markina BHIko hezkuntza komunitateak Hezkuntza Sailaren jarrera salatu du: "Gaur gaurkoz, ez dituzte akordioan adostutako neurriak txertatzeko beharrezko irizpide eta bitarteko guztiak aplikatu, eta, beraz, lanpostuak sortu eta zerbitzuaren kalitatea hobetu beharrean, kontrako norabidea hartu du".
Garraitz Kirol Taldeak antolatuta, Lekeitioko XXXII. Triatloia lehiatuko dute zapatuan [ekainak 21]. Aurtengo edizioak izaera berezia izango du; izan ere, Euskadiko Triatloi Txapelketa izango da.
Ekainaren 23tik 26ra Sormen Astea eta Udako Sormen Egonaldia egingo dituzte Lekeition. Sormen Astearen baitan, lau ikuskizun eskainiko dituzte hainbat sortzailek, "formatu txikian"; sarrerak salgai daude. Sormen Egonaldian zazpi gazte sortzailek euren proiektuak garatzeko aukera edukiko dute.
12:00etan emango diote hasiera egitarauari, 'Kolektiboen arteko hausnarketak' mahainguruagaz. 16:00etan Alamedako eskailerak LGTBI banderaren koloreekin margotuko dituzte.
Lehiaketara aurkezten diren kartel guztiak Udal Erakusketa Aretoan egongo dira. Pertsona bakoitzak bozka presentzial bat egin ahal izango du, eta herritarren bozka gehien dituen kartela izango da irabazlea.
Egun batzuetan eguraldia lagun izan ez arren, bertoko nahiz inguruko jende ugari ibili da Oletako jaietan; Jai Batzordeak jaien balorazio ona egin du. Tortilla txapelketa Lander eta Alex oletarrek irabazi dute.
Zapatuan [ekainak 21] ospatuko dute bigarren Aurrera Eguna Aurrera Kirol Elkarteko lau sailek: Futbola, txirrindularitza, mendia eta kukaña. Egunean bertan inauguratuko dute Zaldupe futbol zelaiko eraikin berria.
Pabellon 6ko Antzerki Arinen Jardunaldietako Kriseilu Saria irabazi berri dute Ainhoa Etxebarria Gomezek (Ondarroa, 1993) eta Nerea Gartzia Gartziak (Ondarroa, 1976), ‘Hil da jainkosa’ antzezlanagaz. 2021ean hasi ziren oholtza partekatzen, eta ordutik, hainbat proiektu sortu dituzte elkarrekin. Gaur gaurkoz, ‘Hil da jainkosa’ Euskal Herriko txoko guztietara eramatea da beraien helburua.
Ekainaren 24an [martitzena] egingo dute sari banaketa. Guztira zazpi sari banatuko dira.
Astelehenean [ekainak 16] egin zuten XI. Bizkaidaitz Txikia lehiaketaren sari banaketa, Bizkaiko Foru Liburutegian.
Ekainaren 23an eta 24an, aurtengo bizikletazko nahiz oinezko Dinamartxara izena emateko aukera egongo da, Musika Plazan.
Ekainaren 27an Irakurketa Txokoa egingo dute Etxebarriko kultur aretoan.
Ekainaren 27ra arte eman ahalko da izena, 3 euroren truke, udaletxean.
Eskolarteko Errubi Topaketetan Debako Luzaro ikastetxeko, Mutrikuko Goizeko Izarrako eta Samielako, eta Ondarroako Zaldupe Eskolako eta Zubi Zahar Herri ikastolako ikasleak batu ziren.
Eskola Agenda 2030 udal foroa egin dute Markina-Xemeingo BeraKruz, Bekobenta eta Lea Artibai Ikastetxeetako ikasleek.