
Gauez, baina itsasoari begira sartu zen 24. Korrika Bizkaian. Mutrikutik eta Ondarroaraino, aldapan gora ekarri zuten lekukoa herritarrek, Gipuzkoa eta Bizkaia euskararen aldeko aldarri beragaz batuz. 'Euskara Gara' lelopean, korrikalariz bete ziren eskualdeko kale eta errepideak. 260 elkarte, eragile talde eta norbanakoren babesean zeharkatu zuen lekukoak Lea-Artibai eta Mutrikun, metroak kilometro bihurtuz.

24. Korrika Lea-Artibai eta Mutrikura heltzeko ordu gutxi batzuk baino ez dira geratzen, eta giroa berotzen joateko Korrika Txikiek hartu dituzte eskualdeko kaleak.

Erika Mugartegik eta Frida Watkinsek Euskotren Winter Seriesa irabazi dute. Mugartegiren hirugarren txapela da: jokatu dituen final denak irabazi ditu. Gizonekoen lehian, Aritz Erkiaga eta Gorka Mugartegi ‘Atain’ izan dira txapeldunak.

24. Korrika Zuberoatik Bizkaira, ekialdetik mendebaldera, bidea egiten ari da, eta herritarrek denetariko jarduerak prestatu dituzte egunotarako. Gaztetxoenek beraien Korrika Txikiak edukiko dituzte han-hemen. Mutrikuk hartuko du Korrika lehenik; Lea-Artibai zeharkatu ondoren, Ispastertik agurtuko dute herritarrek.

Belaunaldiz belaunaldi diaspora osatu duten euskaldunen testigantzak batu ditu Badihardugu Euskara Elkarteak, Euskal Diasporaren Ahotsak egitasmoa tarteko. 100 grabazio ordu baino gehiago bildu dituzte AEBn, euskal diasporako 106 pertsonen testigantzak jasoz, bost estatutan zehar. Diasporako Ahotsak webgunean jarriko dituzte aurten ikusgai.

Euskal Herriaren presentzia nazioartean sendotuz, Euskal Selekzioak ardi mozteko Munduko Txapelketan parte hartu du. Joseba Attard taldeburuak esan bezala, "hasieratik esperientzia berezia" izan da eurentzat.

Gaur hasi da euskararen aldeko lasterketa Atharratzen, eta Bilbon amaitu bitartean –hilaren 29an–, 'Euskara gara' lelopean, askotariko eragileak elkartuko ditu Korrikak. Lehenengo kilometroa Euskal Irratietako ordezkariek eroan dute. Martxoaren 25ean eskuz esku ibiliko da lekukoa Mutrikun eta Lea-Artibain.

Txakurren ongizatea erdigunean hartuta, Maite Arkotxa Roblesek sortu berri du Lasai Leku. Bertan, hamar txakurrentzako erresidentzia eta eguneko zaintza zerbitzua eskaintzen ditu Arkotxak.

Eguenean [uztailak 3] hasiko da txapelketa eta hilaren 27an, Ispasterko jaien baitan, jokatu dituzte finalak. Lehen aldiz Volo enpresako pilota sintetikoak erabiliko dituzte.

Uztailaren 11n eta 12an [barikua eta zapatua] ‘Esklabotza Euskal Herrian eta esklabista euskaldunak’ ikastaroa osatuko dute Iñigo Egiluz aretoan.

Lea-Artibai eta Mutrikuko hainbat herritan egin zituzten atzo [ekainak 23] suak.

Zerbitzu sektorean euskararen erabilera bultzatzeko ‘Bertatik bertara’ kanpaina martxan da Uemaren parte diren udalerrietan. Bisitariei eta zerbitzu sektoreko eragileei euskararen garrantzia ikusarazteko kanpaina da.