Aurten ere jendetza batu da Saturraran hondartzako monolitoan, Saturrarango emakumeen kartzelan egondako emakumeak eta hauen seme-alabak oroitzeko.


Bodegakoa Aitor Agirre (Ondarroa, 1967) eta Oiloen koadrilakoa Iñigo Zabala (Ondarroa,1963). Alkar zirikatzen ondo pasatzen badute be, bista-bistakoa da alkarregaz egotea gustukoa dutela. Gauza bat argi daukate: Kakatzan behin egiten duenak, errepikatu egiten du. Zelan joan da proba? Iñigo Zabala. Sekulakoa izan da gaur (abenduak 31) zeuden baldintzekin inork minik ez hartzea. Aitor Agirre. Batek hartu du buelta. Trialera batean batek bizikleta gelditu du. Menditik bidera metro bat eta erdi-bi metro zeuden, eta txiribuelta egin du, bizikleta goian lagata. Kanpotarra zen, ez dakit nongoa. Kanpotar asko etortzen da, ez? I. Z. Iaz hirutik bi izan ziren. Aurten erdia baino gehiago. Ondarrutarrak 50 bat joango gara. A. A. Gernika, Oñati, Zarautz, Getaria, Elorrio, Lekeitio… Imajinatzen dut, Iñigo, horretan zerikusia edukiko duela zure kartelak? I. Z. Lehenengo urtean, beharbada. Orain gehiago da martxa bera hartzen doan kutsua. A. A. Kartela bera Iñigo da, beste guztia proba. Ibilbidea egiten duena Zeles Azkarate da: hilabete batzuk egiten ditu prestatzen, bidexidorrak-eta topatzen. Eta topatzen ditu… A. A. Gaur hartu dugu bide orokorra, Mendexatik Ondarroara datorrena Asterrikatik, eta bat-batean, ezkerretara sartzen zen. «Nora goaz ba?», esan du jendeak. Ondarrutar batek esan dit sekula ez duela holako bueltarik egin. Mendian ibiltzen da, baina leku batzuk gaur ezagutu [...]

86 lagun atara ziren Zelaitik herria zeharkatzera. Aurten, gainera, nagusiek be parte hartu dute estreinako, eta gazte eta kadeteekin batera emon zioten buelta zirkuituari. Txupete mailatik hasi eta nagusiak arte giro onean egin zuten korrika.

Gabonetan da Hitzarik egongo ez paperean ezta interneten ere. Urtarrilan 6an izango gara zuekin berriro ere.

Debegesa Debabarreneko Garapen Ekonomikorako Elkarteak profesionalei zuzendutako jardunaldiak antolatzen jarraituko du 2012 urtean, Ostiralak Debegesan izeneko ekimenaren baitan. Hartara, datorren urtarriletik aurrera eskainiko diren jardunaldien egute...

Gabon Saria zesta punta txapelketako finalaurrekoak jokatuko dira bihar Markina-Xemeingo frontoi nagusian. Finalaurreko lehiatuak espero dira Uni frontoian. 18:00etan hasita, Txirtu-Ubilla eta Arbe-Gandiagak alde batetik eta Goitia-Salegi eta Alberdi-L...

Laguntasuna ematen dien 220 bazkideak omenduko ditu Xemein Abesbatzak bihar. Azken urteetako ohiturari jarraituz, euren omenez prestatutako ekitaldia esakiniko dute Mertzedeko Elizan. 20:15ean hasiko da kontzertu berezia, eta Xemein Abesbatzak emango d...

Gabonetan herri gehienetan hainbat ekitaldi antolatzen dira, baina herri askotan Udala izaten da agendako eragile nagusia; Aulestiri bizia, nagusiki, elkarteek emoten diote, eta hala aitortzen du bertako Udalak be