
Aho batez onartu du Aulestiko Udalbatzak Erralde hiltegiaren beharrezkotasuna azpimarratzen duen manifestua

Lekeitioko lexikoa jaso, antolatu eta zabaltzen ibiltzen da Lekeitioko berbak lantaldea. Ixilean behar bikaina egiten du herriko ondarea dena mantentzeko. Hori dela eta, egindako beharra errekonozitu, goraipatu eta saritu dio Lekeitioko Resurreccion Ma...

Orain dela urtebete hasitako bideari jarraituz, abenduko egitarau kulturala prestatu du Galarrena Kultur Elkarteak. Jendartean sortzen diren eredu alternatiboak izango dira ekimenen gai nagusia. Beste eredu bat posible dela aldarrikatzea eta plazaratze...

Tximinoiaren Jardunaldi Gastronomikoen baitan, txipiroiaren arrantzarako tailerra egongo da bihar Lekeitioko portuan. 8 urtetik aurrerako jende guztiari zuzenduta dago. 17:00etatik 19:00etara erakutsiko dute txipiroia harrapatu eta arrantzan egiten. Ho...

Villas Marineras elkartetik irtetzea erabaki zuen Lekeitioko Udalak azken osoko bilkuran. Garapen Batzordean hartutako erabakia berretsi zuten bilkuran, Udaleko alderdi guztien adostasunagaz. Galizia, Asturias, Kantabria eta Euskal Herriko kostaldeko h...

Sari banaketagaz amaitu zen zapatuan 34. Lekeitioko Euskal Zine Bilera. Aurten be ikusleen harrera ona izan du zinemaldiak, eta asko izan dira Ikusgarritik pasatu diren zine zaleak. Itxiera egunean be, bete egin zen aretoa. Astean zehar erabaki zuten i...

Maderas de Lekeitio enpresako beharginak elkarretaratzea egin zuten atzo enpresaren aurrean, lantegia ez ixtea eskatzeko. Enpresako beharginen ordezkaritza duen LAB sindikatuak jakitera emon duenez, enpresak lan kontratuen iraungipena dakarren lan erregulazio espedientea aurkeztu du, eta horrek beharginen kaleratzea dakar. Egurraren sektoreko beste enpresa batzuk modura, gainbehera jasan du azken urteetan Maderas de Lekeitio enpresak. Sasoi batean 140 edo 125 behargin izan zituen lantegiak ateak itxiko ditu bere beharginen kaleratzeagaz. LABek jakitera emon duenez, Eusko Jaurlaritzak onartu du lan erregulazio espedientea, eta abenduaren 31n itxiko da enpresa. «Bere egoera txarraren aurrean, bi urteko etenaldia eskatu du enpresak egurraren sektoreagaz zer gertatzen den ikusteko, eta bere planteamendua lan kontratuak iraungintzea izan da», azaldu dute. Sindikatuaren ustez, kontratuak deuseztatzea onartezina da. «Batez beste 30 urte egin dituzte beharginek Maderas de Lekeition beharrean, eta orain kalean uztea ez da bidezkoa, egoera horren aurreko erantzuna, itxiera, beste era batekoa izan beharko litzateke», azpimarratu dute LAB sindikatuko ordezkariek. Lan erregulazio espedientea izango duten Maderas de Lekeitio enpresako beharginak 50 urtetik gorakoak dira, eta abenduaren 31tik egongo dira kalean. «21 behargin gehiago egongo dira langabezian kalte-ordain txiki bategaz, batez beste 54 urte dituztela, etorkizunik barik eta erretiroari begirako erosteko ahalmena suntsituta», aitatu dute LABekoek. Egoera horren aurrean, [...]