
Urritik ekainera arteko ikastaroak eta ikastaro trinkoak dakartza eskaintzan Kresala Kultur Elkarteak 2011-2012 ikasturtera begira. Musika alorrean, haurrentzako musika tailerra, solfaketa, pianoa, txistua, trikitixa, panderoa eta bandarako musika tres...

Laga gazteixi bakin lelopean eroan ziren aurrera Eneko Etxaburu preso politikoaren aldeko ekimenak zapatuan. 12:00etan zegoen eginda hitzordua alde zaharrean, eta ordurako ertzainen furgoneta bi zeuden Musika Plazan. Latxanbre plazan argazkia atera eta gero, Kalekutzean batu ziren herritarrak elkarretaratzean. Bazkal aurrean, gazte batzuk identifikatu zituzten ertzainek Zubi Zaharraren parean. Sutargi aurrean eduki zuten bazkaria Etxabururen lagun eta senideek. Ordu batzuk geroago, 19:30ean, Kalekutzean egin zen ekitaldi nagusia. Bertan, Etxaburu Basauriko kartzelara sartu zen momentua ekarri zuten gogora. «Urtebete pasatu da gure lagun eta kide Eneko gure artean falta zaigunetik. Hamengo asko gogoratuko zarete iazko irailaren 23an Enekok Basauriko kartzelako atea zelan zeharkatu zuen». 214 atxiloketa urte bian 2007tik 2009ra bitartean 214 gazte atxilotu zituztela azaldu zuten ekimenean, «Euskal Herriaren alde behar politikoa egitearren». Atxiloketa eta erasoen aurrean, gazteriak lana egiteko daukan gaitasuna defendatu zuten: «Gazteriaren inplikazioa eta iraultzarako indarra izan dira gazte erakundearen arma bakarra. Eta horixe da ezin dutena ulertu. Ezin dute ulertu euskal gazteria gai dela bere arazoei aurre egin eta bere alternatiba propioak sortzeko. Urteetako borrokaren bidez hainbat gauza lortu ditugu, eta oraindikan badaukagu zer lortu». Alamedaraino egin zen manifestazio jendetsuagaz amaitu ziren Etxabururen alde antolatutako ekimenak, 20:20an. Goizean gertatu modura, presentzia poliziala nabaria izan zen Musika [...]

Gure Ondarea Ezagutzen programaren barruko jardunaldiak egin zituzten atzo goizean udaletxean. Luxusko hizlariak parte hartu zuten bertan, eta aretoa bete-bete egin zen eurak entzuteko. Gure Ondarea Ezagutzen programaren helburua Markina-Xemeingo ondarea ezagutzera emoteagaz gainera, balio arkitektonikoei duten balorea emon eta Iturreta eta Santa Mañe ermiten garrantzi arkeologikoa errekonozitzea izan da. Halan, helburu horretan oinarritu ziren atzoko jardunaldiko ponentziak. Iñaki Garcia Bizkaiko Arkeologi Museoko zuzendariak hartu zuen berbea lehenengo. Iturreta, una aldea vasca de hace mil años izenburupean, herrixka bat zer den azaldu zuen, Iturreta garai hartan zelakoa zen irudikatzeko. «Iturreta, beste herrixken modura, sakabanatuta dauden baserriez osatuta dago, eta bere muturretako batean dago ermita», azaldu zuen Garciak. Arkitektoak azaldu zuenez, orain dela urte batzuk indusketak egin zituzten Iturretan, eta orain dela mila urte baino gehiago zelakoa zen irudikatu daiteke. «Horma bat eta zanga batzuk aurkitu genituen, eta horren arabera dakigu gaur egunekoa baino txikiagoa zela», azaldu zuen. Elizaren alboan zegoen hilerria herrixketan, eta lurrean zuloa egin eta hildakoa sartzen zuten. Era horretara aurkitu zuten bat Iturretan. IX. mendeko hilarria be badago bertan. «Hilobi bat seinalestatzen zuen, baina gero arkua sostengatzeko erabili zuten», zehaztu zuen Garciak. Irudi astrologikoak eta pertsonaia bat be aurkitu dituzte, eta alboan testu bat dago: In nomine [...]

Butanoaren hornikuntza ezak hainbat kexa sortu ditu herritarrek artean azkenaldian. Ondarroako Kamiñazpi auzoan, esate baterako, azkan hiru astean egon dira butano erabiltzaileak bonbona bat eskuratu ezinik. Azkanean, atzo eguerdian ailegatu zen kamioia. Iurretako Comercial UME enpresak kudeatzen du Repsolen butanoaren banaketa Lea-Artibain, eta Ondarroan ez eze, eskualde guztian daude arazoak. Eskualdeko gasolindegietara be ez da ia bonbonarik ailegatu azkan hilabetean, eta ailegatu denean, kopurua oso txikia izan da. Arazoa, baina, ez da barria. Lantzean-lantzean gertatzen da gauza bera. «Horrela ezin daiteke jarraitu. Ia hilabetean ez dira etorri banaketa egitera», zioen atzo eguerdian emakume batek bonbona jasotzeko zain zegoenean. Hornikuntza ezak eraginda, bat baino gehiago joan da azkan egunetan Iurretara bertara bonbona bila. «Ez ziguten ezelako azalpenik emon», zioen atzo beste emakume batek. Sarritan, gainera, Iurretan bertan be ezin izaten da butanorik eskuratu. Kexak, erantzunik barik Herritarrek salatu dutenez, alperrikoa da Comercial UMEra deitzea. «Ez dute telefonorik hartu be egiten». Repsolen azalpena eskatzeak be ez dakar soluziorik. «Dagokigun enpresara deitzeko esan zidaten, azalpen eske deitu nuenean», azaldu du beste batek. Ondarroan, adibidez, astelehenetik barikura egiten zen banaketa lehen, egunaren arabera, auzo batean ala bestean. Udaz geroztik, astelehena eta eguena dira butanoaren banaketa egunak. Behargin batek epaiketara eroan du Comercial UME, «ez [...]

Kurtsoari hasiera emoteko batzarra barikuan, 18:00etan izango da. Izena emoteko epea pasatu den arren, zenbait plaza gelditzen dira oraindik be. Informazio zehatzagoa jasotzeko, 665751039ra deitu daiteke.

Mikel Lertxundiren sei eskultura eta zenbait marrazki jasotzen dituen erakusketa ikusteko azken egunak izango dira asteon; erakusketak hilaren 24an itxiko ditu ateak eta. Berriatuarraren lanak Simon Bolibar museoan daude jarrita. Ordutegia ondojko da: ...

Kurtso hasieragaz batera, Udal Batzordeak be martxan jartzea erabaki du Markina-Xemeingo Udalak. Batzorde zabalak izatea nahi dute Udalekoek; hori dela eta, herritarren parte hartzea eskatu dute. Lau batzorde egongo dira martxan: Kirol Batzordea, Euska...