
Aurreko asteko emaitzak kontuan hartuta Maider Uriarte doa sailkapenaren buruan. Aulestiarra izan zen iazko txapelduna. Asteburuan Euskadiko txapela eskutik kendu zion Alegria bermeotarra izango dira probalekuan, besteak beste.

Udal Kudeaketa Batzordeak argitara emon barri ditu berdintasun arloan eta euskara arloan banatuko diren diru laguntzetarako baldintzak. www. ondarroa.eu webgunean edo iragarki taulan jaso daiteke informazio osoa. 7.000 euro banatuko ditu berdintasunare...

Milango Scalla antzokitik zuzenean eskainiko dute opera emanaldia Bide Onera zinean eguenean 20:00etan. Mozart-en Txirula magikoa da eskainiko duten obra. Sarrerak 13 euro balioko du. Pasa den urtarrilean hasi ziren Ondarroako zine aretoan zuzeneko ope...

Domekan egin dute Gizaburuagako herri kandidaturan joango diren bost lagunen izenak erabakitzeko bozketa

Lazaro Larzabal arrantza kapitainaren bizitza ardatz modura hartuta idatzi du Rosa Garcia Orellan antropologoak El capitan de pesca y el bacalao, Lazaro Larzabal desde la epoca dorada a la pesca simbolica liburua (Everest argitaletxea). Pasa den barikuan aurkeztu zuten Ondarroan, Hiztoria Zaleak elkartearen eskutik. Duela urte bi, 73gaz, egin zuen bere azken marea, 1966tik bakailaotan ibili den Larzabalek. Hitza-k barikuan elkarrizketatuko du bere paperezko edizioan. Hona hemen aurrerapen txiki bat. ELKARRIZKETA-LAZARO LARZABAL Bizilekua Galizian daukazu, ezta? Bai, Baionan bizi naiz, Itsas-ertz nire itsasontzian. Itsasoan lan, eta gero be itsasoan bizi, orduan. Lehorrean denbora gitxi egingo zenuen zure bizitzan. Bai, ume sasoia kenduta, soldaduzkako urte biak eta gitxi gehiago. Ze kanpaina egitera ez banintzen joaten be, neure itsasontzian batera eta bestera ibiltzen nintzen, eta orain be halan ibiltzen naiz. Karibe aldera-eta joaten naiz. Jada 32.000 itsas milia egin ditut Itsas-ertz-egaz. Ni uretan nago gusturen. Igerian be egunero egiten dut, kilometro bat. Eta lehorrean nagoenean be, beti kostaldean gustatzen zait ibiltzea. Noiz itsasoratu zinen lehenengoz? Ni 1952an hasi nintzen itsasoan. 17 urte egin nituen martxoaren 22an, eta ekainean enbarkatu nintzen Galizian Ondarroako Ben-Hur itsasontzian. 100 zaldi zeukan, bat be ez gehiago. Atunetara joan ginen. Mendebaldera joaten ginen. Han beste atunontzi bat zegoen [...]

Hilerriko komunaren saneamendu arazoak konpondu barri dituzte, herriko sareagaz lotura eginda. 94.096 euro balio izan du obra hori egiteak. Antiguako bidean zehar eroan dute hodi berria Txomin Agirre kaleraino. Eta bide horretan, obra bera aprobetxatut...

Artibai Mendigoizale Taldeak antolatuta, gaztetxoen mendi irteera egongo da datorren domekan Aiztxikira. Arkupe aurretik irtengo da 09:00etan, eta buelta egingo da eguerdirako. Aiztxiki durangaldean dagoen 791 metroko mendia da eta bide erraza dauka to...

Aste honetan hasi dira Kantoipe kaleko 16. zenbakitik eta Artabide kalea eta Antiguako Ama lotzen dituen bihurgunerainoko zatia eraberritzeko obrak. Azpiegituretako hodiak pasatzeko zulaketa egitea izan da lehen pausoa. Hiri zeharbidearen zati honek 39...

Bihar, hilak 23, 18:00etan, kultur etxean, gurasoen autoestimoari buruz ariko dira Etxadi familia-psikologia unibertsitate zentroko psikologiok. Gurasoen autoestimua umeen garapenerako giltzarri bezala aurkeztuko dute. Berbaldia Lea Artibai Amankomunaz...

22:30ean hasiko da kontzertua, eta hiru taldeak etorriko dira euren azken lanak aurkeztera. Kafe Antzokian bertan edo Zurrumurrun daude jada saltzen sarrerak 6 euroan. Une eta Zain taldeek disko berria daukate eskuartean hurrenez hurren. Unek bertsio akustikoekin osatutako lana kaleratu du (Akustikoak eta bestelako uneak), Zainek, ostera, estraineko lana (XX. mendeko piratak). Eurekin batera Asmo Txarrak ondarrutarrak izango dira. Hauek ere, grabazio berriarekin (2010). ELKARRIZKETA – Asmo Txarrak taldea «Musika egiten jarraitzeko harra barruan daukagu» Herrian bertan joko dute zapatu gauean Asmo Txarrak taldekoek, 22:30ean hasiko den kontzertuan, Une eta Zain taldeen ostean, Kafe Antzokian. Jose Ramon Etxebarria eta Patxi Alkorta beteranoekin batera, Urki Gojenola hasi da bateria jotzen irailetik hona, Aritz Gojenolaren ordez. 2010 diskoagaz zatozte. Aurkeztuiguzue. Zer entzungo dute zaleek Kafe Antzokian etzi? Patxi Alkorta. Batez be rock´n rolla topatuko dute. Jose Ramon Etxebarria. Eta topatuko dute musika gustatzen zaigun hiru pertsona. Gauza nahiko saturatuta dago; talde gehiegi dago musika egiten azken urteotan. Ekitaldi asko eta jende gitxi. Baina zuek, hortxe. Alkorta. Bai, musika eginez ondo pasatzea da gure helburua. Entretenimendu bat da, beste batzuentzako bizikletan ibiltzea izan daitekeen modura. Hazurbaltzak taldean hasi, eta 1990ko hamarkadatik Asmo Txarrak-en, agertu eta desagertu. Etxebarria. Agertuta baino denbora gehiago egin dugu [...]

Mutrikuko ezker abertzaleak herri batzarra deitu du biharko. 19:00etan izango da Zabiel kultur etxean. Bertan azalduko diren gaiak honakoak izango dira: egoera politiko orokorra eta unearen garrantzia, emandako urratsak eta hurrengo epean ematekoak.

Paperean galtzear dauden edota ia ahaztuta dauden kantuak gogora ekarri, euskal kantuaren arloan dagoen aberastasuna ezagutzera emon eta kantu eta kantari berriak plazaratzeko asmoz martxan hasiko da maiatzaren 7an Bizkaian, Haur Kantari Txapelketa. Lekeitioko kanporaketa izango da lehenengoa, Lea-Artibain egiten den estreinakoa. Lekeitio, Getxo, Ugao eta Durango; Kanporaketa horietako bi aukeratu beharko dituzte, aurtengo Haur Kantari Txapelketan parte hartu nahi duten ume eta gazteek. Biak egin eta gero, ekainaren 5ean Bilboko Euskalduna Jauregian burutuko den Bizkaiko Finalera pasatuko dira batzuk, eta horietako lau Hazparneko Euskal Herriko Finalera ailegatuko dira. Urtero legez, bi saila egongo dira: A Capella edo ahots hutsez abesten dutenak eta soinu laguntza dutenak. Saila bakoitzean banaka, binaka, zein taldeka parte hartu ahalko dute, eta kantuak be, bi motatan banatuak egongo dira: ezagunak eta berriak edo kreazioak. Parte-hartzaileak Parte-hartzaileak, berriz, adinaren arabera banatuko dira. Horrela, talde bi egongo dira: 6 eta 10 urte bitartekoena ¬2001-2005 jaioak¬ eta 11 eta 15 urte bitartekoena ¬1996-2000 jaioak¬. Baldintza bi izango dituzte parte hartu ahal izateko: euskarazko diskarik bere izenean atera ez duen kantari edo taldeak izatea eta Haur Kantari Txapelketaren finalean bi aldiz saritua izan ez den kantariak edota taldeak izatea. Bestalde, bakarka, binaka zein taldeka, hiru sari banatuko dituzte. Lehenengoak [...]

Irisgarritasuna hobetzeko asmoz, Andra Mari Elizaren aurreko plazako baldosen bideak zabalduko ditu Udalak. Beharrak astelehenean hasi ziren eta 19.000 euroko kostua izango dute. Andra Mari Elizaren aurrean errekarriz egindako plaza dago. Elizako sarre...

Mari Kruz Ansolak, 30 urtez herriko eskolan aritu ondoren, berriatuarrengandik esker onezko omenaldia jaso zuen joan den zapatuan; emozioz betetako ekitaldian, esan daitezkeen berba ederrenak eskaini zizkioten jubilatu barri den irakasleari.

Apirilaren 3an izango da Ondarroa-Ondarroa ibilaldi neurtua. Aurten, Aurrera Mendi Taldeak antolatu ohi duen iraupen luzeko mendi martxaren antolaketara Boga! Ibilaldia gehitu zaio. Izan be, gero eta gitxiago falta da Ondarroan Ibilaldia jaia ospatzeko, eta datak hurreratu ahala, kultur zein kirol jarduerez blai dator Boga!-ren egitaraua. Oraingo honetan, Aurrera taldeagaz batera, mendi martxa antolatu dute. Jada zabalik dago ibilaldi neurtuan parte hartzeko aukera, internet bidez izena emonda. Horretarako, Boga Mendi Martxa hitzak idatzi Google bilatzailean, eta hortik ailegatu ahal da inskripzioa egiteko gunera. Bestela, martxaren egunean bertan eman ahal izango da izena, baina ordainketa aldez aurretik Ipar Kutxan egin izanaren agiria eroanda. Ibilbide luzean eta tartekoan 10 euro izango da pertsonako prezioa, eta txikian 5 eurokoa. Hiru ibilbide egongo dira aurten aukeran, eta guztien irteera eta helmuga Zubi Zahar herri ikastola izango da. Luzearen kasuan, Euskal Herriko iraupen ibilaldien zirkuiturako baliagarria izango da, gainera. Irteera ordu desberdinak edukiko dituzte hiru ibilbideek: goizeko 6etan luzeak, 8etan tarteko ibilbideak eta 10:00etan ibilbide txikiak. Aurrera Mendi Taldeak bezperan berton lo egin nahi dutenentzako gelak be prestatuko ditu, eta gosariak emongo ditu irteera puntuan. Dutxatzeko aukera be egongo da amaieran. Martxan gerta daitezkeen istripu, zauritze edo objektuak galtzearen ardura, ostera, ez da izango antolatzaileena, [...]