
2 eta 12 urte bitarteko umeei zuzenduta dago ludoteka. Aranbaltz kultur elkarteak eta Markola guraso elkarteak antolatzen dute ludoteka, udalaren laguntzagaz. Bertan, umeek, jolastu, eskulanak egin eta goiza pasatzen dute. Horretaz gain, bi begiralere...

Koruko abestiei pop estiloko kantak batu, eta errepertorio berezia antolatu du Emeki Koralak Karmenetako kontzerturako. Jaien hasieraren bezperan, eguenean, abestuko dute, eta aurten be xehetasun guztiak zaindu dituzte kontzertuari puntu majikoa emotek...

Ertzainek deklaratu dute gaur, Espainiako Auzitegi Nazionalean, Fiskaltzaren testigu modura, zortzi ondarrutarren kontrako epaiketaren bigarren saioan. Atzoko legez, ordu erdiko atzerapenagaz hasi da saioa, 10:30ean. Jon Iñaki Esnaola debarraren aboka...

Lapurretak egon dira gaur gabean, Lekeitioko gune desberdinetan aparkatuta zeuden ibilgailuetan. Ertzaintzak jakitera emon duenez, hamabi izan dira lapurreta jasan duten autoak, eta lapurrek sistema bera erabili dute guztietan. Gidariaren edo kopilotua...

Goikoetxeak eta Alliez IIak, eta Egiguren IIak eta Hernandezek, Binakako Zesta Txapelketa Nagusiko lehen puntua lortu dute. Barikuko estreinakoan irabazi zuten lehenengoek, eta domekan nagusitu ziren bigarrenak. Goikoetxeak eta Alliez IIak 35 eta 27 irabazi zieten Garcia eta Lopezi partidu lehiatu baten ondoren. Markagailuan aurretik joan ziren ia partidu guztian Garcia eta Lopez baina 27ko berdinketaren ondorioz Goikoetxea indartsu bategaz egin zuten topo eta berdinketatik 27 31ra pasatu zen, gauzak argi utziz. Munduko Pilota Batzarrak antolatutako bigarren partiduan 35 eta 25 irabazi zieten Egiguren IIak eta Hernandezek Erkiagari eta Enbileri. Irabazleek segurtasun handia erakutsi zuten kantxan eta ez zuten pilotarik galtzen utzi, hori dela eta, laister jarri ziren aurrean markagailuan. Binakako txapelketagaz gainera, Open Txapelketa be estreinatu da asteburuan. Goitia eta Konpak, 30 eta 26 irabazi zuten Beide eta Bailoren kontra barikuan, eta Moresmau eta Zabalak 30 eta 17 gainditu dituzte Olharan eta Mandiola. 20an jokatuko da hurrengo norgehiagoka. Binakako Zesta Txapelketa Nagusiko hirugarren jardunaldia, uztailaren 16an, Karmen Egunean, jokatuko da. Bi partidu egongo dira.

Atxiloketa egunetan egin zituzten adierazpenak «torturapean» egin zituztela berretsi dute gaur, Espainiako Entzutegi Nazionalean, Ibon Iparragirre, Asier Badiola, Zunbeltz Bedialauneta, Urtza Alkorta, Igor Martin, Xeber Uribe eta Olaitz Lemak. Zigor Auzitegiko Lehen atalak hartu du 2010eko urtarrila-otsailean Ondarroan egindako polizia operazioan atxilotutako bederatzi lagunen kontrako epaiketa. 10:30ean hasi da saioa, auziperatuen deklarazioagaz. Javier Zubizarreta ondarrutarrak eta Jon Iñaki Esnaola debarrak bakoitzak bere abokatua eduki dute, eta Fiskaltzaren zein euren defentsa abokatuaren galderei erantzun diete. Ibon Iparragirre, Asier Badiola, Zunbeltz Bedialauneta, Urtza Alkorta, Igor Martin, Xeber Uribe eta Olaitz Lemak euren abokatuek –Alfontso Zenon, Kepa Manzisidor eta Ibon Altuna– egindako galderei baino ez diete erantzun. Beste behin be, torturak sufritu izana salatu dute. «Euren kontra dauden froga bakarrak torturapean egindako adirazpenak direla esan dute guztiek», azaldu du senitarteko batek saioa amaituaz batera. 5etik 27 urterako zigor eskaria ETAko Kresala eta Tontor taldeko kideak izatea edo erakunde armatuari laguntza emotea leporatuta, Fiskaltzak bost eta 27 urte bitarteko espetxe zigorrak eskatu ditu auzipetuentzat. Defentsa abokatuek, barriz, absoluzioa eskatuko dute. Akusazioen barri emon eta auziperatuen deklarazioak amaituta, operazio polizialean parte hartu duten ertzainek deklaratu dute, bideokonferentzia bidez. 14:45 aldera amaitutzat emon dute lehen saioa. Horrenbestez, bihar segituko du epaiketak, 10:00etan. Ertzaintzako agenteek jarraituko dute [...]

Joan den asteburuan Lekeitioko Nazioarteko Kale Antzerki Jaialdia egin da eta dena «primeran» joan dela gaineratu du udalak. «Herritarrak gustora geratu dira eta antzerkigileak eurak be bai». Argazki galeria ikusi. Asteburuan herria jendez gaine...

Garabilako garageak alokairuan jarrriko ditu Lekeitioko Udalak. Uztailaren 9tik 13ra bitartean zabalik egongo da izena emoteko epea, eta lehentasuna izango dute herrian erroldatutakoek eta autoaren zerga herrian ordaintzen dutenek. Halanda be, jende ge...

36ko gerrak iraun zuen bitartean Markinan eta Xemeinen gertatutakoak gogora ekarriko dituzte bihar gabean, Xemeinen, musika, antzerkia eta poesia emanaldiaren bidez. Gerra Zibila jendea da hila izeneko emanaldian, Pablo Fernandez Arrieta musikariak, Bilboko Udal Musika Bandako lau musikarik, Xemein Abesbatzak, Garaian Kultur Elkarteak, Ahaztuen Oroimena Elkarteak, eta Abarka antzerki taldeak parte hartuko dute. Olerkiak, antzezlanak, testigantzek eta musikak bat egingo dute ikuskizunaren baitan. Garaian elkartekoek gertatutakoaren kontakizuna egingo dute, eta argazkiak eta bideoz grabatutako testigantzak tartekatuko dira. Danetara garai hura bizi izan zuten bost lagunen testigantzak ikusi ahalko dira: Maria Barrutiarena, Jesusa Espillarena, Maria Txurrukarena, Josefa Egidazurena eta Kasilde Aginagarena. Musikak garrantzi handia izango du emanaldian. Halan, Xemein Abesbatzagaz gainera, Patxi Juaristi EHUko irakasleak idatzitako olerkiekin, Pablo Fernandez Arrietak emanaldirako espresuki konposatu zuen obra entzungai egongo da. Gaiaren harira, momentu hunkigarriak be egongo direla aurreratu dute antolatzaileek, Abarka antzerki taldekoek, gerran bizi izandako egoerak irudikatuko dituzte-eta. Xemeingo elizaren kanpokaldean prestatuko dute eskenatokia. Pantaila erraldoi bi jarriko dituzte parrokiaren alde banatara, eta 65 metro karratuko tarima. Horretaz gainera, 800 bat aulki egongo dira ikusleentzat.

2012-2013 futbol denboraldia hasteko gogoa agertu dute Asier Illarramendi eta Iñigo Martinez Realeko jokalariek. Realaren lehen taldean bigarren urtea hastekotan daudenean, erdilari mutrikuarrak hazteko urtea izatea espero duela adierazi du, eta lesioek laguntzea, maila hobetzen joateko. Iñigo Martinez atzelari ondarrutarrak, bere aldetik, bai baloiagaz, bai korrikan, gustura sentitzen dela esan du « Bakoitzak bere lana egin behar du, eta gero entrenatzaileak aukeratuko du zeinek jokatu».Olinpiar Jokoak aukera bat direla be esan du, eta aukeratua izateak asko poztu duela. «Ilusionatuta nago».

Munduko Pilota Batzarrak antolatutako Profesional Mailako Binakako Zesta-Punta Txapelketa eta Open Txapelketa hasiko dira gaur Markina-Xemeinen. Profesionalik eta afizionaturik onenak bilduko dituzte txapelketek. 22:30ean hasiko dira jokoan. Momentuko bi pilotari onenek hartuko dute parte Binakako Zesta-Punta Txapelketako lehenengo partiduan: Iñaki Osa Goikoetxeak eta Imanol Lopezek. Goikoetxeak Alliezegaz jokatuko du, eta Lopezek barriz, Laurent Garcia lapurtarragaz. Goikoetxea eta Alliez Mexikoko Irekia irabaztetik datoz, eta bertan erakutsitako mailari jarraipena emon nahi diote. Bi bikote horietaz gainera, Eguik eta Hernandezek osotutako bikotea, eta Erkiaga eta Embil pelotariak arituko dira norgehiagokan. Sei partidu jokatuko dituzte Markina-Xemeingo frontoi nagusian, eta semifinaletako bat eta finala Donostian. Open Txapelketa Profesionalen Binakako txapelketako partidua baino aurretik, profesionalak eta afizionatuak nahastuko dituen Open Txapelketa jokatuko da. Beidek eta Bailok, eta Goitiak eta Alliez IIak estreinatuko dute gaur, txapelketa, eta lehia bizia espero da. Lehiaketan aurrera egitea partidu bakarrean erabakiko da, eta beraz, gaurko irabazleak, uztailaren 20ko finalaurrekora pasatuko dira zuzenean. Finalaurreko hori, Arbe eta Salegiren kontra jokatuko dute. Domekan, barriz, Moresmok eta Zabalak, Olharan eta Mandiolaren kontra jokatuko dute, eta bi bikote hauetataik aurrera egiten duenak Antton eta Garate izango ditu aurkari uztailaren 22ko saioan. Open Txapelketako finala uztailaren 27an jokatuko da, bai eta Binakako Txapelketako finalaurrekoetako bat be. [...]

Datorren astelehenetik aurrera, Zelaiaren beheko partea zirkulazioarentzako itxita egongo da. Karmen Jaiak direla eta, txosnak jarriko dituzte, aurten be, ingurune horretan, eta jaiak iraun bitartean ezin izango da bertatik autoarekin pasatu. Astelehenean hasiko dira txosnak muntatzen, eta beraz, egun horretan itxiko dute errepidea. Hori dela eta, inguru hori domekan utzitu beharko dela jakitera emon dute Markina-Xemeingo Udaleko ordezkariek. Aurtengo Karmen jaiak uztailaren 13tik 17ra ospatuko dira, eta hurrengo egunetan kenduko dira txosnak. Beraz, bidea uztailaren 19ra arte egongo da itxita.

Lekeitioko gazteek bizikleta martxa egingo dute zapatuan herrian zehar. 20:00etan irtengo dira Eskolapetik gaztetxearen premia dutela aldarrikatzeko. Marasma saretzen prosezuaren baitan, Lekeitioko gazteen inguruko diagnostikoa egin zuten gazteek euren arazoak eta kezkak identifikatzeko. Diagnostiko horretatik ateratako emaitzak Zeresana egunean eztabaidatu zituzten, eta gaztetxe baten premia atera zen. Aldarrikapen horregaz dabiltza ordutik, martxan, Lekeitioko gazteak. Leku propio bat behar dutela adierazi dute, era askotara, behin eta berriro, eta euren txokoa jarri dute Eskolapean ekimenak zabaltzeko. Kanta bat atera eta bideoak be grabatu dituzte, eta uda honetan kalea hartuko dutela diote.

Aurten ez da eskupelota jaialdirik izango. Mutrikuko Udalaren egoera ekonomikoak urteko kirol programa guztiz baldintzatu du, eta horrek eragin du jaialdia bertan behera utzi behar izana, udal kirol zerbitzuak jakitera eman duenez. Hala eta ere, dato...
