Aurten ere jendetza batu da Saturraran hondartzako monolitoan, Saturrarango emakumeen kartzelan egondako emakumeak eta hauen seme-alabak oroitzeko.


Zinegotziek batzorde eta osoko bilkuretara joateagatik jasotzen duten esleipena bertaratzearen arabera jasotzea proposatu zuen azken bilkuran Bilduk. Orain arte, parte hartu ala ez, guztien artean zatitu eta denek kobratzen zuten dieta. Aurkeztu barri den proposamenaren arabera, batzordera doan zinegotziak 40 euro jasoko ditu, eta batzordeburuak 48 euro. Egingo dituzten batzorde eta osoko bilkura guztiak aurreikusita, %38,46ko beherapena suposatzen du. Horrela, 23.740 euroko kopurua gastatuko lukete, beti be, estimatutako saio guztiak egingo balira eta partaide guztiak agertuko balira saio bakoitzera. Bestalde, liberatuta daudenek dieta horrek ez kobratzea proposatu dute. Beraz, 2012ko aurrekontuan 24.000 euroko partida izango litzateke asistentziari dagokiona. Zenbateko hori ateratzeko iazko aurrekontuetan zegoen partida hartu dute abiapuntutzat, 39.000 euro, eta urtean zenbat bilkura eta batzorde egingo diren estimatu dituzte: hamabi osoko bilkura eta sei ezohikoak, eta hamabi saio batzorde bakoitzeko (hirigintzan, 24). «Estimazio guztiak goitik eginda daude, eta posible da gutxiago izatea», argitu dute. Gero, batzorde bakoitzean kobratzeko aukera duten partaideak kalkulatu dituzte eta, azkenik, partaideko eta saioko geratzen den kantitateari batzordeburuentzat %20 gehiago izatea proposatu dute. «Proposamenaren helburua gastuak murriztea eta parte hartzea bultzatzea da», azaldu dute. Bilduk egindako proposamena mahaian geratu zen azken osoko bilkuran, EAJk agertutako zalantzen ondorioz. Proposamena, beraz, Ogasun Mahaian adostu eta barriro osoko [...]

Oiartzun boteretsu azaldu zen bere futbol zelaian, eta Aurrerak ezer gutxi egin ahal izan zuen, orduan eta gitxiago etxeko taldea hamargarren minuturako aurretik ipinita. Lapazaranen 1-0koari Azpirozen golak jarraitu zion. 22. minutua zen. 2-0koagaz joan ziren aldageletara, eta partiduari buelta emoteko astirik emon barik ailegatu zen etxekoen hirugarrena 49. minutuan. Eñautek egin zuen partiduko azkan gola eta Oiartzunen laugarrena. Oiartzunek argi laga zuen zergatik dauden hirugarren postuan: fisikoki talde oso indartsua da, eta atezainaren aurrean ez du barkatzen. Hori horrela izanda be, Aurrerak ez zuen emon daukan guztia. Horixe da Zuzendaritza Batzordeko kideen iritzia: «Askoz gehiago emon dezakete mutilek». Arrisku postuetan Azkan emaitzek eraginda, Zaldupeko taldea sailkapenean azkan aurreko postuan dago, hamar puntugaz. Talde gaztea da Gotzon Basarasek entrenatzen duena, eta mutilek sarritan gol aukerak sortzen badituzte be, golak ez dira ailegatzen. Beheko sailkapen postuetatik ateratzeko aukera ona edukiko du Aurrerak datorren zapatuan. Behobia izango da talde bisitaria: bederatzi puntugaz azkan daude. Fitxa OIARTZUN 4-0 AURRERA Oiartzun: Valenciz, Azpeitia, Martin, Arbelaitz, Apaolaza, Marcos ( 76 min. Almandoz), Eñaut, Lapazaran (70 min. Ezponda), Azpiroz (82 min. Gazteumendi), Bereziartua (63 min. Oiarbide), Garmendia (82 min. Txabarri). Aurrera: Ismael, Asier, Ganboa (67 min. Iraitz), Andoni, Mikel, Badiola, Unai Urkiri (56 min. Jesus), [...]

Lekeitio Eskola Publikoak Euskararen Asteari amaiera emon zion joan den barikuan III.Kantu Afariagaz. Bertan, aurreko urteetan legez, Xabier Aburruzaga Portugaleteko trikitilaria egon zen soinua joten. Afarian, 65 lagun batu ziren, eta «edarto» pasat...

Egin Dezagun Bidea euskal preso politikoen eta iheslarien eskubideen aldeko ekimenarekiko atxekimenduak lortzeko eta urtarrilaren 7ko manifestaziora dei egiteko, Marraztu Dezagun Bidea ekimena antolatu du zapaturako Lekeitioko Egin Daigun Bidia herri e...

Domekan, Errenteriako Landarbaso abesbatza egongo da Mutrikun kontzertua emoten. Santa katalina komentua aukeratu dute kanturako. 19:00etan hasiko da doako emonaldia. Urriaren bukaeran, Tolosako Nazioarteko Abesbatzen Lehiaketako parte hartu zuen abesb...

Aisa etorkinak euskara ikasten ekimena ipiniko dute martxan HABEk eta Ondarroako Udalak datorren urtean. Horren bitartez, etorkinek debalde jasoko dituzte euskara ikastarook. Urtarrilean hasi eta ekainera bitartean emongo dira eskolak, astean bi egunet...

Zapatuan Arritxu Kajoi ospatuko da, lehenengoz, Lekeition. Arrasaten urtero antolatzen den Maritxu Kajoi egunaren antzeko zer edo zer izango da, baina goizetik gauera arteko ekintzekin. Dotore janzteko eguna izango da.