
Udal agintaldiaren lehen urtearen balantzea egin eta hamendik aurrerako helburuen barri emon eta egitasmoez berba egiteko batzarra antolatu du Bilduk bihar, Kofradia Zaharrean, 17:00etan. Helburu zein egitasmoak kidegoagaz partekatzea helburu, guztiei ...

Udako denboraldia datorren ekainaren 15ean irekiko bada ere, Saturraran eta Burumendi hondartzetako TAO zerbitzuak uztailaren 1ean hasiko dira martxan. Ordura arte, aparkalekuak doakoak izango dira. Bestalde, egun berean hasiko da lanean Gurutze Gorria...

Elhuyar Olinpiadaren sariak banatu dira gaur goizean BTEKTeknologiaren Interpretazio Zentroan, Zamudion. Elhuyar Fundazioak, http://olinpiada.elhuyar.org/ webgunearen bitartez, X. Elhuyar Olinpiada abiatu zuen 2011ko urrian. Ordutik, Euskal Herri osoko 38 ikasgela ibili dira zientzia-lehiaketa honetan hilero, Elhuyar Fundaziotik proposatzen genizkien probak ebazten. Probak gelakide guztien artean egiteko izan dira, eta proba bakoitzaren irabazleek be sariak jaso dituzte. Sari-banaketako ekitaldian, lehenengo hiru postuak lortu dituzten ikasgeletako ikasleak eta haien irakasleak izan dira. Lehen saria Gasteizko Jesus Obrero ikastetxekoentzat izan da, eta Senda Viva natura-parkerarako bi eguneko irteera irabazi dute. Bigarren saria Lazkaoko San Benito Ikastolak irabazi du, eta saria bi eguneko irteera bat izango da, Lekeitiora, Trinkete Etxe aterpetxera. Hirugarren saria Lekeitioko R. M. Azkue ikastetxeko ikasleek eskuratu dute, eta Nafarroako Kortarixar aterpetxera egingo dute bi eguneko irteera.

Bidaietako argazkiei buruzko oinarrizko ikastaroa emongo dute ekainaren 23an eta 27an Uhagon kulturgunean. Xabier Armendariz, idazle, argazkilari profesional eta bidaietan eta arkeologian adituak emongo ditu klaseak. Danetara, sei ordu eta erdiko ikastaroa izango da. Ekainaren 23an, 10:00etatik 14:00etara emongo ditu Armendarizek ikastaroaren lehen lau orduak, eta ekainaren 27an 18:30etik 21:00etara, falta diren bi ordu eta erdiak. Plazak mugatuak izango dira, eta izena emoteko epea zabalik dago. Horretarako, Uhagon kulturgunera joan behar da edo 94-616 63 03 telefono zenbakira deitu. Ikastaroaren prezioa 30 eurokoa da, 25 euro bazkideentzako.

Herriko 100 bat buru eta kanpotik ekarritako beste hainbat batuko dira zapatuan, Etxebarrian egingo den Ganadu Azokan. Animaliak ezagutzera emon eta salerosketarako plaza izatea du helburu Etxebarriko Udalak antolatzen duen ganadu-feriak. Aurreko urte...

Ekozain ekologia taldeak antolatuta, Ekobidaia egingo da domekan Gasteizko Salburua naturgunera. Hezeguneak, eta herri baratzak bisitatuko dituzte goizean, eta katedrala bazkaldu ostean. Irteeraren kostua 40 eurokoa izango da eta bere barruan sartzen dira garraioa, bazkaria eta sarrerak. Irteeran parte hartzeko izena emon behar da aldez aurretik 685710010 edo 680780192 telefono zenbakietara deituta. Irteera 09:00etan izango da.

Sekulako denboraldia izan da aurtengoa Lekeitio Futbol Taldearentzat. Elkarteak dituen sei taldeetatik bost lehenengo hiruren artean geratu dira, eta gazteak eta kadeteak mailaz igotzea lortu dute. Aukera hori zabalik dauka oraindik, gainera, nagusie...