32 ibilgailuz osatutako auto karabana atara zen domekan Karraspiotik. Helburu garbia zeukaten: Karraspio ingururako aparkalekuen proiektuaren aurka azaltzea. «Kostaldea babestea da gure helburu nagusia». Lekeition zehar ibili ostean, Karraspion batut...
Lea Ibarreko udalekin batera, Oizpe dute aurten laguntzaile Lea Ibarreko pelotariek; maila denetako 108 pelotarik osatzen dute aurten taldea
Gabon kontuek hurreratuko dituzte Gabonak Lekeitiora. Amalur, Akerbeltz, Tartalo, Basajaun, Lamiak, Sugaar eta Mariren istorioekin hasiko dira jaietako ekitaldiak. Urtarrilaren 6ra arte, eten bako jaia egongo da Lekeition. Santotomasak, Olentzero eta herriko musika taldeen kalejirak giroa ekarriko dute herrira. Bihar bertan hasiko dira ekimenak, Deabru Beltzak taldeak Barandiaran aretoan eskainiko duen umeentako antzerkiagaz, 18:30ean. Iratxoen eguneroko bizitzan murgildu eta esnatzen direnetik oheratu arte, euren sekretuak eta euskal mitologiako pertsonaien istorioak ezagutuko dira. Asteburu honetan eskainiko du bai eta be Lekitto Musika bandak Gabonetako kontzertua. Zapatuan, 22:30ean hasita, ordubete inguruko emonaldia izango da. Marijesiak Egutegia girotzeko osagai bereziak dira marijesiak, eta herriko ikasleek, aspaldiko ohiturari jarraituta, kalerik kale abestuko dituzte aurten be. Abenduaren 21ean eta 22an, 08:30ean hasita, Azkue Ikastolako ikasleak ariko dira kantuan herriko kaleetan zehar. Abenduaren 23an, barriz, Ikastolako ikasleak eta Eskolako umeak ibiliko dira kantatzen. Elkartasun denda Ospakizunek, baina, elkartasunari be tartea utziko diote. Urtero modura, «preso politikoak eta haien senideak laguntzeko», Elkartasun Denda ipini barri dute Eskolapean. Jai egunetan goiz eta arratsaldez egongo da zabalik, astegunetan, barriz, arratsaldez, 18:00etatik 20:00etara. Gabonetako egitaraua Abenduak 16 18:30. Deabru beltzak taldearen Gabon kontuk II umeentzako antzerkia Barandiaran aretoan. Sarrera, euro 1. Aurretiaz saltzen, kultur etxeko bulego orokorrean. Iraupena 50 minutu. [...]
Karmeldarren eragin kultural eta soziala Markina-Xemein liburua aurkeztuko dute barikuan, 20:00etan, udaletxean. Markina-Xemeinen karmeldarrek izan duten eragina aztertu eta goraipatzeko 2007an hasitako ekitaldien harira dator liburua. Eusko Ikaskuntza...
Murlako proiektuaren etorkizunari buruz berba egin ostean, herri batzarrean bildutakoek hartutako erabakia proiektuari argi berdea emotea izan da. Gaia azaldu ostean, debatea zabaldu zen, eta zinegotzi zein herritarrek euren kezka eta galderak agertzeko aukera eduki zuten. Azkenean, bozketaren emaitza ondokoa izan zen: 35 bai, 9 ez eta 5 zuri. Murlan eraiki nahi dutena zerbitzu enpresentzako gune bat da. Okamika industrialdearen 20. urtemugaz batera, eskualdeko hainbat eragile ekonomikok egindako hausnarketaren emaitzetako bat da Murlako proiektua. «Gaur egungo joerak aztertuta sortzen diren enpresen gehiengoa zerbitzuetara zuzenduta dago. Horiei eskaintza egoki bat egiteko gunea sortzea zen ideia nagusia», azaldu zuten bileran. Aurreko legealdietako alkate Jon Bollar eta gaur egungo alkate Jon Ansotegi bat etorri ziren herriaren zein eskualdearen garapenerako «proiektu garrantzitsua» dela esatean. Proiektuak bere osotasunean bi miloi euroko inbertsioa suposatzen du. Aurrena, baina, lurrak eskuratu eta haren urbanizazioa egitea da, eta eskualde mailako «proiektu estrategikoa» izan arren, Aulestiko Udalak egin beharrekoak dira aitaturiko pausoak. Hori dela eta, EAJko zinegotziek galdera zehatza plazaratu zuten: «Bost udalerri inplikatzen dituen proiektua bada, zergatik ordaindu behar du Aulestik bakarrik?». Mikel Ansotegi alkateak Aulestik dirua aurreratu baino ez duela egingo azaldu zuen. «Zenbait diru laguntza lortuak daude, baina horiek behin inbertsioa egindakoan etorriko dira». Urbanizazioa egiteko 460.000 [...]
Erralde zabalik. Hala zioen manifestazioa zabaltzen zuen pankartak eta hala zioten Erralde ixtearen aurka daudela erakutsi nahi izan zuten ehundaka lagunek. Durangoko manifestaziorako deia egin zutenean lortu nahi zutena lortu zuten Erraldekoek. Izan b...
Garaian Elkarteak antolatuta, 36ko gerra ardatz nagusi izango duen ekitaldi bi egingo dira zapatuan: musika eta poesia emanaldia eta Garaian aldizkariaren aurtengo zenbakiaren aurkezpena. Garaian Kultur Elkarteak 2011.urtean zehar antolatutako ekitaldi-zerrendak bere goren-maila hartuko du Karmengo elizan egingo den emanaldiagaz. Musika eta poesia uztartuz, Pablo Fernandez Arrieta musikariak ekitaldi horretarako espreski konposatutako musika-lana estreinatuko da, eta, Patxi Juaristi, EHUko irakasleak, idatzitako olerkiak irakurriko dira. Pablo Fernandez Arrieta orain dela bi urte hasi zen zapatuan estreinatuko duen musika-lana konposatzen. Hamar atalek osatzen dute konposizioa, atal independienteak baina, era batera edo bestera, elkarri lotuta daudenak. Konposatzailearen jazzarekiko loturak badu bere islada Oboe eta Korurako idatzitako lan honetan. «Bihotzetik ateratako notaz bete ditut pentagramak, batzuetan frustrazio puntu bategaz, baina orokorrean, sentimentu sakon eta emozio handiagaz», dio musikariak. Musika eta poesiagaz batera, garai hartan bereiztuta zeuden Markina eta Xemeingo herrietan gerra zibilak izan zituen ondorioen kontakizuna be egingo da. Ekitaldian, Garaian Kultur Elkarteko kideekin batera honako hauek hartuko dute parte: Pablo Fernandez Arrieta musikaria (kitarra), Bilboko Udal Musika Bandako Paco Pineda (oboe), Pepe Navarro (klarinetea) eta Jone Elortegi (fagota), Mikel Aldasoro (tronpa), Xemein Abesbatza eta Abarka Antzerki Taldea. Aldizkaria Egun berean baina 12:00tan, Uhagonen, Garaian aldizkariaren aurtengo zenbakiaren aurkezpena egingo da. 36ko gerra gai [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
