
Jai Alai Liga sailkapeneko zortzi gizonezko nahiz emakumezko puntistarik onenak izango dira garaipenaren lehian, Donostian. Irailaren 15ean jokatuko dira lehenengo finalerdiak; 22an, bigarrenak; final handia hilaren 29an izango da.

Irailaren 13, 14, 20 eta 21ean Ziortzako Kontzertuak musika zikloaren 37. aldia ospatuko dute Ziortzako Kolegiatan. Asteburu honetan hiru kontzertu egongo dira, eta hurrengoan, beste hiru; Araba, Bizkai eta Gipuzkoako organorik zaharrena entzuteko aukera egongo da.

Mutriku Sokatira Taldeak Munduko Sokatira Txapelketa lehiatu berri du. Maila "polita" erakutsi dute jokatu dituzten mailetan. Mutrikuarrek, gainera, Euskal Selekzioa ere ordezkatu dute.

Auzo batzarra irailaren 17an [eguaztena] egingo da, 18:00etan, Kofradia Zaharreko bigarren solairuan.

Eusko Jaurlaritzaren Euskal Diasporaren Egunak zesta punta komunitatea omendu du. Imanol Pradales lehendakariak adierazi du diasporarekin harremanak sendotzeko lege berri bat onartu gura dutela 2026an. Ekitaldia dantza emanaldi batek eta mural batek biribildu dute.

Markina-Xemeingo Erdotza auzoan Zerutxuk emanaldia bertan behera utzi du. Gizaburuagan, txapel jaurtiketa txapelketa frontoian egin behar izan dute.

'Lekittarra'-k 19.42,86ko denbora lortu du Kontxako Banderaren lehen jardunaldian. Uretan, Orio nagusitu da; epaileek mirotzei ezarritako hiru segundoko zigorrak, baina, Zierbena ipini du aurretik, 10 ehunenengatik.