Aurten ere jendetza batu da Saturraran hondartzako monolitoan, Saturrarango emakumeen kartzelan egondako emakumeak eta hauen seme-alabak oroitzeko.


2011 urteko kirolaririk onenek badaukate izena. Nagore Osoro Zumaia Arraun Taldeko patroia eta Orkatz Beitia atleta dira urteko kirolari onenak, eta Ondarroako Arraun Ekarteko nagusien mailako mutilen taldea kirol talderik onena. Kirol sariek, gainera, aipamen berezia egin diote Elena Fernandez Ondarru Igeri Taldearen sortzaileari, «kirol arloan urteetan egindako beharragatik». Nagore Osorok ez du aurkaririk eduki emakume kirolari onena aukeratzeko monentuan. Zumaia Arraun Taldeko patroiak Euskotren ligako bandera bat irabazi zuen iaz, eta Kontxako ikurrinean 3.postuan gelditu ziren, lehenengo jardunaldian izugarrizko estropada egin eta lehenengoak gelditu ostean. Gizonezkoen mailan, Orkatz Beitiak eroan du saria. Iaz parte hartu zuen Euskal Herriko txapelketa guztietan eskuratu zuen urrea, neguan 60 metroetan, eta udan 100 zein 200 metroetan. Espainiako txapelketetan lau lehenengo postu eta bi hirugarren postu egin zituen. Bat edo bat aipatzearren, neguko Espainiako Txapelketan, brontzea eskuratu zuen 60 eta 100 metroetan. Txapelketa berean, 4×100 metroetan, urrea irabazi zuen Beitiak Playas de Castellonegaz. Alkarte beragaz, 2. postua lortu zuen kluben arteko Europako Txapelketan. Beitiagaz batera, Alain Colunga arraunlaria, Txomin Bustindui triatleta eta Iñigo Martinez futbol jokalaria proposatu dituzte herritarrek sariketarako. Lau ikurrin, sari bat Talde onenaren saria Ondarroako Arraun Elkarteko nagusien mailako mutilei emotea erabaki du kirol batzordeak, «gaur egungo arraun mundu profesionalizatuan herriko [...]

Astelehenean hasi zuen ibilbidea Sahararen aldeko elkartasun asteak, ikastetxeetan, jateko dendetan, gaztelekuan eta udaletxean martxan dagoen janari bilketagaz. Jatekoa hilaren 28ra arte batuko da, gero saharar errefuxiatuen kanpamenduetara bidaltzeko. Urtero egiten den ekimen horri lotuta, aurten, Sahararen aldeko astea antolatu nahi izan dute Txirrimorraskik, Sahelak, Errebala Txikine gaztelekuak, Antiguako Ama erretiratuen elkarteak eta udal aniztasun batzordeak. Elkartasun astearen baitan, udan Saharako umeak Euskal Herrira ekartzearen garrantzia azpimarratu dute antolatzaileek. Azaldu dutenez, 2011n lau ume sahararrek pasatu zuten uda Ondarroan. Aurten, ume gehiago izatea nahi da. «Familia ondarrutarrak animatu nahi ditugu». Gogoratu dute ume bat ekartzearen esperientzia alde bientzat dela positiboa, eta ez dagoela baldintza berezirik bete beharrik. Udan Saharatik ume bat ekartzeko Sahelako hurrengo telefono zenbakira deitu behar da: 666 427 708. Alkartasun astea Urtarrilak 16-28. Janari bilketa ikastetxe, jateko denda, Gazteleku eta udaletxean. Urtarrilak 19. 19:00etan, Gaur egungo egoera Saharan hitzaldia Kofradia Zaharrean, Askapenako brigadista bategaz. Urtarrilak 20. Gaztetxean, 21:00etatik aurrera, afari sahararra; 23:00etan, dokumentala. Urtarrilak 21. Gaztelekuan: Saharako kamisetak margotu eta Saharan egon diren herriko bi gazteren testigantzak entzungo dira. Dokumentala. Urtarrilak 24. Eman lata bideoa ikastetxeetan. 19:00etan, dokumentala Antiguako Ama erretiratuen egoitzan. Urtarrilak 28. Eman lata eguna. 11:00etatik aurrera, Itsasaurren, jaima sahararra eta tea, eskulan tailerra eta [...]

Mahai bitan banatuta bazkaldu dute Barinagako erretiratuek. Danetara 32 lagun alkartu dira Iturritxu elkartean bazkaltzeko. 12:30etako meza entzunda, Iturritxurako bidea hartu dute erretiratuek Jose felix Zamakolaren txistu eta danbolin doinuez lagundu...

Markina-Xemeingo Arkupe aurrea Marokoko doinuez bete zen zapatu arratsaldean. Apurka-apurka, hainbat ume eta nagusi batu ziren jaira, eta dantzan eginez eta danborra jota berotu zuten giroa. Adin guztietako jendeak parte hartu zuen Bouhia taldeak emand...

Erreforma integrala egingo da aurten Zaldupe futbol zelaian. Prozedura negoziatuagaz atera du Ondarroako Udalak egitasmoa lehiaketara, eta hiru enpresari eskatu zaie egitasmoaren idazlana, 70.800 euroko aurrekontuagaz. Bi hilabeteko epea edukiko dute enpresek eskaria egiteko. Udalak jakitera emon duenez, Aurrera Kirol Elkarteagaz bilerak egin dituzte, futbol zelaiaren benetako premiak ezagutzeko. Egitasmoak, hasiera batean, bedar artifiziala ipintzea eta zelai inguruko ekipamenduak barritzea jasoko ditu. Obraren aurrekontua onartutako egitasmoak berak zehaztuko badu be, 750.000 euro ingurukoa izatea aurreikusten da. Udalak, beste alde batetik, baztertu egin du futbol zelaiaren azpian aparkalekua egitea. «Ez da egingo aparkalekurik, suposatzen duen zailtasunarengatik batetik, eta hori egiteko dirurik ez dagoelako bestetik», adierazi du Argia Ituarte alkateak. Futbol zelaiaren erreforma integralak herrian dagoen futbol zaletasunari erantzungo diola uste du Ituartek. «Ume asko dira hor dabiltzanak, eta guztiek erabiltzeko legez edukiko dute futbol zelaia». Bi-hiru hilabeteko beharrak izango dira. Obra dagoen bitartean, Aurrerak beste futbol zelai batzuetan jokatu beharko ditu etxeko partiduak, baina beste zelai batzuetako esperientzia ezagututa, ez du futbol taldearentzat zailtasun handiegirik ekarriko. Ilusioa aurrerazaleengan «Familia aurrerazalera ilusio handia ekarri du udalak martxan ipinitako prozesuak». Horixe adierazi du Aurrera Kirol Elkarteko zuzendaritza batzordeak, Eladino Gonzalez lehendakaria buru dela, obrak aurten egingo diren albistearen aurrean. «Urte barriagaz, familia aurrerazalearen [...]

Herriko zeharbidearen bosgarren faseko beharrak martxan daude. Iturribarri 1 eta 15 zenbakien artean egingo dira obrak –bigarren azpifasea–. Lasuen enpresari esleitu dizkio Ondarroako Udalak lanak. Hasierako aurrekontua 943.557,02 eurokoa zen, eta %15,77ko beherakada onartuta, 794.758,07 eurotan geratu da azkan zenbatekoa. Udalak jakitera emon duenez, bost hileko epea egongo da beharrok amaitzeko, otsailean hasita. Orain, Txomin Agirre ikastolaren parean dabiltza beharginak. Hortxe gunean egingo dira lehenengo lanak. Kamiñazpi 15 parean dagoen mendiko uren arazoagaz amaitzeko lur azpitik doazen hodiak aldatuko dira, aspalditik bizilagunek daukaten arazoari urtenbidea emonaz. Handik bidegurutzeraino joanda, martxoan edo apirilean, Kamiñazpira eta Kamiñaldera joateko bidegurutzeak dauden lekuan biribilgunea egingo dute, bertako zirkulazioa erraztea helburu. Horrez gain, orain artean Fiat ibilgailuen kontzesionarioa zegoen lekuan, zerbitzu gunea egingo da. Iturribarrik daukan arazorik handienetakoa irisgarritasuna izanda, aldaketa horiekin Ondarroako Udalak gehienbat, horregaz arazoagaz amaitzea bilatuko du obragaz. Zirkulazioa, arazo barik Aurreikuspenen arabera, obrek ez dute zirkulazioan askorik eragingo. «Zerbitzu gunea egongo da, eta Iturribarri 4-16 aurretik igarotzen den bidea be irekita egongo da Berriaturantz joateko», zehaztu dute. Bidea, dena dela, itxi beharra egongo da noiz edo noiz. Diru laguntza bi eskatu ditu udalak horrek obra horrek aurrera eroateko. PERCOri bat, Merkataritza zonako estrategiak 2011: Eusko Jaurlaritzak 72.900 euro emon dizkio udalari; [...]

Datorren domekan jokatuko dira Lekeitioko trinketean Beteranoen Eskuzko Trinkete Txapelketako lehen kanporaketak. Aurten zazpigarrenez jokatuko den txapelketan sei bikotek parte hartuko dute, iazko kopuru berdinak. 09:30ean, 10:15ean eta 11:15ean jokat...