Aurten ere jendetza batu da Saturraran hondartzako monolitoan, Saturrarango emakumeen kartzelan egondako emakumeak eta hauen seme-alabak oroitzeko.


Umeen arimaren zaintzaren ikuspuntutik, ¬El Cuidado del Alma Infantil, CAI¬Amor y Limites izeneko hitzaldia emongo du Cristobal Gutierrez Navasek. Umeen arima kontuan hartuta, hauek hazteko beste modu bat dagoela erakutsiko du kataluniarrak. «Ume ba...

Eusko Jaurlaritzak onartutako lan erregulazio espedientea bete eta kalean daude abenduaren 31tik Maderas de Lekeitioko beharginak. Kaleratu zituztenetik hamabost egun beteko diren arren, beharginek oraindik ez daukate kaleratzearen kalte-ordainaren barririk. Horretaz gainera, lau hilabete geratu zaizkie kobratzeko, eta noiz ordainduko dieten ez dakite. Espainiako Gobernuak lan erreforma indarrean jarriz geroztik dagoen araudi barria kontuan hartuta, lan egindako urte bakoitzeko hogei egun kobratuko dituzte Maderas de Lekeitioko beharginek: egun horietatik hamabi enpresak ordaindu behar ditu, eta Fogasa soldatak bermatzeko funtsak osatuko ditu gainerako zortzi egunak. Halanda be, enpresak likidezia falta badu, Fogasa egin liteke guztiaren erantzule; beharginek, ordea, ez dute argi zer gertatuko den. Egoera gogorra Maderas de Lekeitio enpresatik kaleratu dituzten 21 beharginak 50 urtetik gorakoak dira eta, bataz beste, 54 urte dituzte. Horrek egoera okerragoa egiten du. «Langabezia zerrendetan eman dugu izena eta, behintzat, momentuz, laguntza hori izango dugu», esan dute beharginek. Kaleratuen artean badaude 55 urtetik gorakoak be. Horien kasuan, langabeziaren diru laguntza jasotzen duten bitartean, kotizazioa enpresak ordaindu beharko duela jakitera emon dute beharginek. Enpresa Maderas de Lekeitioko produkzioan zeuden behargin guztiak kaleratu badituzte be, enpresak ez ditu ateak itxiko. Kudeatzaileaz gain komertzial bat geratu da beharrean Lekeitioko enpresan, stock-ean dagoen materialari irtenbidea emoteko. «Enpresaren asmoa aurrera [...]

Abenduko egunak musikaz betetze aldera egin zen joan den hilabetean Abendurock. Jon Antxustegi (Mutriku, 1986) Kraussk taldeko baxua eta MRK-ko kidea poz-pozik dago emaitzagaz, gainerako kideak bezala. Ondo joan da Abendurock, ezta? Bai, oso ondo joan da, eta oso gustura geratu gara emaitzagaz, taldeen mailari dagokionean eta publikoaren aldetik. Maila inoizkorik onena izan da, eta jendearen erantzuna ere bai. Kontzertu guztiak bete egin dira. Erakusketak be ondo funtzionatu du. Hori izan da orain arteko ezberdinena. Azken Abendurock orain arteko osoena izan da, eta pozik gaude. Neskek publikoa erakarri dute, orduan… Hala da. Herritarrez aparte, gainera, kanpotik be jendea etorri izan da. Oso gustura egon gara. Zenbat lagun mugitzen zarete rock kolektiboaren inguruan? Oraintxe bertan zortzi-bederatzi talde gaude, eta abendua aurretik danon artean antolatzen dugu guztia. Talde bakoitzak edukitzen du lana musikariekin harremanetan jartzeko. Mutrikura datozenetik eta joaten direnera arte eurekin egoten gara. Hurrengorako ere harremana ezarri nahi izaten dugu. Ez da izaten gauza hotza. Taldeak ez dira kexatuko hain ondo hartzen badituzue, ez? Horretan saiatzen gara, behintzat. Izena daukan taldeari eta amateurrari gauza bera ematen diegu. Hori da hasieratik daukagun filosofia musika taldeetan gabiltzanentzat. Guk ere, kanpora joanez gero, hori tratu hori jasotzea nahiko genuke. Noiz hasten zarete Abendurock-en antolaketan? [...]

Asier Badiola Lasarte eta Urtza Alkorta Arrizabalaga preso ondarrutarrek borroka astea hasi dute Estremerako espetxean (Madrid, Espainia), beste 11 preso politikogaz batera, dagozkien eskubideak errespeta daitezen eskatzeko. Atzo txapeoa egin ostean, g...

Ekozain ekologia taldeak antolatutako Ekoargazki lehiaketaren argazkiak ikusgai daude Uhagon Kulturguneko lehenengo solairuan. Aurtengo lehiaketan parte hartu duten 21 parte hartzaileen argazkiekin bete dituzte hormak, eta irabazleenak tamaina handian ikus daitezke. Urtero maila handiko argazkiak egoten dira Ekoargazki lehiaketan, baina aurten aukeraketa be zaila egin zaio epaimahaiari. Bost lagun arduratu dira aukeraketaz: Gorka Fundazuri zinegotzia, Karmelo Undurraga argazkilaria eta Ainhoa Egaña, Jaione Ampudia eta Lorea Etxaburu. «Argazki polit asko egon dira, eta gaia ondo adierazten jakin dute parte hartzaileek», azaldu du Etxaburuk. Aukeraketa eginda, nagusien mailako bilduma onenaren saria Marisol Ibarluzearentzat izan da. Gehien gustatu zitzaion bilduma aukeratu zuen epaimahaiak lehenengo, eta gero gaika egin zuten aukeraketa. Harrobien gaiko argazkia aho batez aukeratu zuen epaimahaiak. Jesus Amasek ataratako argazkia epaimahaikide guztiei gustatu zitzaien eta berehala hartu zuten erabakia. Beste gaiei dagokienez, Bego Ibarzabalen erromarari emon diote saria, Jesus Mari Leteren ermita izan dute gustuko eta Hugo Urriolabeitiaren Perspektiba saritu dute. Gai libreetan, barriz, Itxaso Lopez de Bergara eta Jon Andoni Aristi izan dira aurtengo sarituak. Gaztetxoak Nagusien modura, gazteek be argazki dotoreak aurkeztu dituzte Ekozainen lehiara. Bilduma onenaren saria Amaia Unamunorentzat izan da, eta jarritako gaietan Aitor Pagaldai eta Ander Urriolabeitia izan dira nagusi. Gai libreetan, bestalde, June Arostegi izan [...]

Urtero legez, kanpai hotsek iragarriko dute Barinagako San Anton jaien hasiera. Datorren zapatuan, domekan eta martitzenean, San Anton Egunean, ospatuko dituzte festak. Barritasunik ez dakar aurtengo egitarauak, baina bai urtero harrera on-ona izaten duten ekimenak. Halan, 16:30ean hasita, zapatuan jokatuko da, Kontzeju Zaharrean, urteroko Briska Txapelketa. Izen emotea 10 eurokoa izango da aurten be, eta sariak hurrengoak izango dira: 110 euro eta txapela irabazleentzat; 80 euro bigarrenentzat; 60 euro hirugarren geratzen den bikotearentzat, eta Santa Mañeko gazta bi laugarrenentzat. Txapelketagaz gainera, sanantonetako afari-erromeria jendetsua be zapatuan ospatuko dute barinagatarrek. Gardokiren musikak alaituko die jaia, eta autobusa edukiko dute Markina-Xemeindik eta Etxebarritik joan- etorria egiteko. Gainera, autobusa doan izango da. Afari-erromerian izena emon nahi dutenek gaur izango dute azken aukera, eta horretarako Kontzeju Zaharra tabernara deitu beharko dute ahalik eta arinen. Bertso Jaialdia Domeka goizean meza eta umeentzako itsulapiko apurtzea egongo dira, eta arratsaldean, barriz, Bertso Jaialdia. Azken urteetan arrakasta handia izaten dabilen ekimena da Bertso Jaialdia. Barinagako bizilagunez gainera, beste herrietako bertsozaleek be betetzen dute auzoko eliza nagusia. Aurten, Aitor Sarriegi, Alaia Martin, Arkaitz Estiballes eta Julio Soto bertsolarien saioa izango dute, betiko modura, Jose Felix Zamakola abadeak gidatuta. 17:30ean izango dute hitzordua. Erretiratuen bazkaria San Anton Egunean 12:30etako mezaren [...]

Abaroa kaleko 5. zenbakiko loteria saltokira etorri da Erregeetako loteriaren sarietako bat. Saltoki horretan saldu zuten osorik 88.690 zenbakia, eta bere serieak ¬hamar txartel¬ 14.000 euroko saria izan du. Urtarrilaren 6an ospatu zen Espainiako Err...