
Antxoa barra-barra ari da sartzen Ondarroako portuan, baina kanpaina borobila izateko tamainua ari da huts egiten. Hori gertatu da Aste Santuko egunetan eta horixe gertatu da aste honetan be. Ondarroako Kalare Deuna Kofradian ez zegoen mugimendu handirik atzo 11:10ean. Itsasontzi bat edo bestek ekarrita zeukan antxoa ordurako. Txitxarroagaz nahastuta ekarri zituzten, baina, 5.000 bat kilo, eta saldu barik geratu ziren. Garauak, gainera, txikiak ziren frabiketarako. Goizeko emaitzak eguerdian hobetu ziren. 12:00etarako espero zituzten Galiziako eta Euskal Herriko hogei-bat itsasontzi. Kantauriarrik ez zuten espero, ez eta antxoa handirik be. Kupoaren erdia pasatuta Azkan asteetan lehorreratzen ari den antxoa gaztea da, barrukoa, 20-30 miliatara dagoena. Kiloan 40 garau sartzen dira. Kanpoan be, 70 miliatara, nahikoa antxoa gaztea ari dira arrantzatzen. Kiloan 30-35 garau sartzen dira. Bataz besteko kiloaren prezioa 1,60 eta 1,90 euro artekoa izan da. «Merkeen euro 1en eta garestien 3 euro bueltan ari gara saltzen bentan», esan du arduradunak. Preziorik onena astelehenetan eta martitzenetan egiten du kiloak, gero jaisten joaten da. Oraingo eguaztenean, esate baterako, 140 tona ekarri zituzten itsasontziek, gaztea. Kiloak 1,80 egin zituen. Aurreko astera begiratuta, ondo joan zen kanpaina, eta barikuan arrain guztiei ipini zitzaien bandera. Gaur, barriz, antxoari ipiniko zaio bandera. Kupo erdia pasatuta, 7.000 tona [...]

Berriatuko Sangregorio jaiak hasiko dira barikua eta astelehenara arte luzatuko dira. Hurrengo asteburuan jarraituko dute gero.

Bost orduko eta hiru orduko ibilbideak izango dituen mendi ibilaldia antolatu du domekarako ETX Kultur Elkarteak. Biak Plaza barritik irtengo dira, luzeena 07:30ean eta laburragoa 10:00etan. Etxebarria, Kalamua, Urkaregi, Aistei Nagusi, Laborgain, Adri...

Eskola sarreran eta irteeretan trafiko handia egoten dela eta, eskola gunea gorriz asfaltatu du Udalak. Helburua ohiko kaletik desberdintzea da, segurtasuna lortzeko eta gidariek eskola gunean zehar doazela jabetzeko. Egoitza sarreratik Kristo portalek...

2007an saihesbidearen kontra egin zen bizikleta martxan parte hartzeagatik 900 euroko isuna jarri zieten Lekeitioko hamalau gazteri. 12.600 euroko isun hori ordaintzeko zozketa antolatu zuen Lekeitioko Gazte Asanbladak, eta domekan zotz egin dute. 1....

Txistularien kalejiragaz hasiko dira zapatuan Santa Kurutzeko Jaiak. Zelaiko puntako ermitak ateak zabalduko ditu aurten be auzoko eta herriko lagunentzat. Egun biko egitaraua prestatu dute auzotarrek aurtengorako. Zapatuan, 10:00etan, txistulariekin hasi eta domeka iluntzera arte girorik ez dute faltako. Jaietako meza nagusia 12:30ean izango da, zapatuan, Santa Kurutzeko ermitan, eta urtero legez, osteko Zerutxu dantza taldearen ekitaldia eta mokadutxoa ez dira oraingoan be faltako. 16:30ean ekingo diote baarriro zapatuko jaiari. Nagusientzako Mus Txapelketa antolatu dute, umeak, barriz, buruhandiak eta jolasak edukiko dituzte. Musean jokatu nahi dutenek 20 euro ordaindu behar dute izena emoterakoan, Naroki eta Ilunpe tabernetan. Sari ederrak egongo dira: 240 euro eta txapela lehenengoarentzat, 160 euro eta garaikurra bigarren bikotearentzat, 80 euro hirugarrenentzat eta 40 euro laugarrenentzat. Bestalde, aurten be, Santa Fe trena, zezen mekanikoa, puzgarriak eta karaokea ekarriko dituzte auzotarrek umeen gozamenerako. Eguna gustura amaitzeko, txokolatada eta magoa egongo dira. Magia ikuskizuna 19:00etan hasiko da. Herri bazkaria, domekan Domekarako utzi dute auzokoek herri bazkaria. Iaz izandako harrera ona ikusita, errepikatzea erabaki dute. Bertan parte hartzeko, baina, izena 94-616 63 43 edo 94-616 75 04 telefono zenbakira deituta emon beharko da. Azken eguna maiatzaren 4a izango da, eta herri bazkaria, barriz, 14:30ean egingo dute. Bazkalostean, 16:30ean, Briska Txapelketa [...]

Jende ugari bildu zen Karraspion Bertso Kirol elkarteak antolatutako zaldi lasterketen kontura. Lea-Artibaiko ordezkari bakarra Isasi gernikarragaz aritu zen lehian, baina erorikoa tarteko, ezin izan du Karraspioko proba bukatu.