Aurten ere jendetza batu da Saturraran hondartzako monolitoan, Saturrarango emakumeen kartzelan egondako emakumeak eta hauen seme-alabak oroitzeko.


OHARRA Aste Santua tarteko, apirilaren 16ra arte ez da LEA-ARTIBAIETAMUTRIKU.HITZA.INFOren edizio jarraiturik izango.

Gipuzkoako Zero Zabor Elkarteko kideek hitzaldia emango dute datorren martitzenean, apirilak 10, Zabiel Kultur Etxean, 19:00etan. Mintzagaia: Hondakinek badute irtenbidea.

Artedrama hasteko ordu gutxi batzuk baino ez dira geratzen. Antzerkigintza oihalaren atzetik ateratzeko prest dago. Apirilaren 9tik 14ra izango da ekitaldia, Aulestiko Udalaren eta Artedrama Euskal Laborategiaren (ADEL) ekimenez. Antolatzaileek diotenez, alde bien ahaleginari esker izan da posible beste urte batez antzerkiak lekua edukitzen jarraitzea Pazko Astean. Izan be, krisi testuinguruari aurre egiten jakin izan dien topaketak dira aurtengoak. «Bai Aulestiko Udalak, bai ADELek esfortzua egin dugu, kostuak jaitsi arren, kalitatezko antzerki topaketak antolatzen jarraitu ahal izateko», adierazi du Mikel Ansotegi Aulestiko alkateak. Topaketen kontura, Pazko Astean, giro berezia sortzen da herrian udalburuak gogoratu duenez: «Egunero daude ekitaldiak, eta Euskal Herriko txoko guztietatik datorren jendea gure artean ikusteak bizitasuna emoten dio Aulestiri». Ansotegiren esanetan, Aulesti moduko herri txikiek horrelako mailari eustea zaila da, eta baieztapen horrekin bat dator Ander Lipus aktore eta antropologoa. «Euskal Herri mailan holako topaketa oso gutxi daude; Bizkaian bakarra da, eta Aulestikoa zazpigarrena izateak pisu berezia emoten dio. Oso garrantzitsua da antzerkigintzarentzat orokorrean eta, batez be, antzerkia euskaraz egiten dugunontzat», adierazi du. Formatu txikiko antzerki saioak taularatuko dira aurtengo ekitaldian, dan-danak, udal aretoan. Aktore bat edo bi ariko dira saio bakoitzean lanean, «antzerkiaren magiaz gozatu eta gozarazten», hainbat diziplinatan: antzerkia, ipuin kontaketa eta txotxongiloak. Arte drama [...]

Artedrama topaketak hasteko ordu gutxi batzuk baino ez dira geratzen. Antzerkigintza oihalaren atzetik ateratzeko prest dago. Apirilaren 9tik 14ra izango da ekitaldia, Aulestiko Udalaren eta Artedrama Euskal Laborategiaren (ADEL) ekimenez. Antolatzaileek diotenez, alde bien ahaleginari esker izan da posible beste urte batez antzerkiak lekua edukitzen jarraitzea Pazko Astean. Arrakasta ziurtatuta dago. VII. Artedrama Topaketak Apirilak 9, astelehena Obra: Maitasunaren arbola. Taldea: Joxe Mari Carrere Disziplina: Ipuin kontaketa. Lekua: udal aretoa. Ordua: 21:00. Sinopsia: «Ipuin ikuskari honek ibilbide bat proposatzen du munduko kultur ezberdinen mito eta ipuinetan barrena, sexu kontuak ahoan. Gero, erotismoaz hitz egiten hasi zen». Apirilak 10, martitzena Obra: Ispilua. Taldea: Aldatzen laguntzen. Disziplina: Antzerkia. Lekua: udal aretoa. Ordua: 21:00. Sinopsia: «Bi aktore agertokian: antzezlan bat nola prestatzen ari diren ikusten da. Egungo gizartean bikoteak askotan nola alkartzen diren ikusten da, larunbat gau batean alkartzen direnetik, euren bizitzak guztiz zuzenduta ikusten dituzten arte». Apirilak 11, eguaztena Obra: Tzimi. Taldea: Traboules. Disziplina: txotxongiloak. Lekua: udal aretoa. Ordua: 21:00. Sinopsia: «Txontxongilo bat hasten da bizitzen, eta poliki-poliki bere sortzaileari ihes egiten dio. Bien arteko topaketa filosofikoa da, bai, baita be zinez komikoa. Zeinek manipulatzen du bestea? Zer da boterea?». Apirilak 12, eguena Obra: Gabriel Gabrielle. Taldea: Atx teatroa. Disziplina: Antzerkia. [...]

Jose Pablo Arriaga eskultorearen Irlak eskultura erakusketa ikusgai egongo da Antsotegi hotelean maiatzaren 27ra arte. Irlak proiektuak hamairu eskultura biltzen ditu, bakoitza tamaina berekoa eta kanpora irekia. Markinar eskultoreak Eivissan bizi iz...

Legatz Eguna ospatuko da Ondarroan apirilaren 14an. Ekimenak, dena dela, aurretik hasiko dira. Apirilaren 12an hitzaldia izango da. 70-80. hamarkadetan legatzaren arrantzak Ondarroan izandako eragina izango da mintzagaia.

Urteroko osagaiekin prestatu ditu Kaltzakorta Irusta sendiak Galdonako jaiak aurten ere, inoiz hutsik egiten ez duten osagaiekin. Barikuan abiatuko dira, 38. Tute Txapelketarekin. Aurrekariak betez gero, 25 bat bikote ariko dira zein baino zein karta jokoan. Gauzak asko aldatzen ez badira, gainera, gizonak izango dira nagusi mahai bueltan. Aurreko hiru urteetan horrelaxe izan da, behinik behin. Tartean, baina, Azkoitiko emakume bi ariko dira. Pazko Astelehenean izango dira ekimenik gehienak, 12:00etako mezarekin hasita. Azpillaga eta Mañukortaren bertso saioak barre algarak ekarriko ditu gero, eta ostean, eguerdi partean, atsedenaldia. Nagusientzako herri kirol erakustaldiak aizkolari eta harri-jasotzaile ezagunak bilduko ditu beste behin ere. Eta euria egin ala ez, Gorritiren animalien saio berezia izango da arratsaldean, gaztetxoei hainbeste gustatzen zaien erakustaldia. «Ondarroatik eta Mutrikutik ume eta guraso asko etortzen dira», esan dute antolatzaileek. Eurek argi daukate: «Ondo pasatu nahi baduzu etorri, giro polita egongo da eta». EGITARAUA Apirilak 6, barikua 16:30. 38. Tute Txapelketa. Izena 16:15 aldera eman beharko da. Sei sari banatuko dira: 1. saria: bildots bi; 2. saria: bildots bat eta txanpan botila bi; 3. saria: bildots bat; 4. saria: lau txanpan botila; 5. saria: ardo kutxatila bi; 6. saria: ardo kutxatila bi. Izen ematea bikoteko: 15 euro. Kanporaketa zozketa bidez [...]