
Mende amaierarako itsas maila 29-49 zentimetro artean igo daitekeela eta, Alleriko padurak "hondamendi naturala" saihesteko aukera ematen duela mahaigaineratu du talde ekologistak.

Oraingoan ere, Garazi Etxaburu dantzari ondarrutarrak azalduko du artistaren lana dantzaren bitartez. Pandemia garaian inkomunikazioak eragindako sufrimenduak islatu nahi izan ditu obra berrian Markina-Xemeingo artistak.

Nahia Gartzia Bengoetxea ondarrutarra biologian doktorea da, eta ikertzaile lanetan aritzen da Neiker ikerketa zentroan Baso Zientzien Sailean. Lurzoruaren garrantziaz hitz egin du.

Era askotako ekimenak antolatu dituzte urteurrenaren asterako. Jardunaldi gastronomikoetan parte hartzeko izena eman behar da aldez aurretik.

Txapelketan aurrera egingo duten gazte eta nagusien mailako bikoteak erabakitzen hasiko dira asteburuan. Barikuan [urriak 22] jokatuko dira partidak.

Indarra, teknika, maisua, umila eta askoz gehiago da Aritz Erkiaga. Aurten bost txapelketa handietatik lau eta hiru master irabazita, Munduko Txapelketara begira dago aurrelari ispastertarra.

Zazpi final jokatuko dira, 10:00etatik aurrera, frontoi txikian. 70 pilotarik parte hartu dute aurtengo txapelketan.

Astebetean okerrera egin du Lea-Artibai eta Mutrikuko egoera epidemiologikoak. Ondarroa gune horian egotetik gune laranjan egotera pasatu da, eta Markina-Xemein 0 tasa edukitzetik gune horian egotera pasatu da. Joan den aste osoan 31 positibo erregistratu zituzten, duela bi aste baino 21 positibo gehiago. Erdiak baino gehiago Ondarroan erregistratu dituzte.

Debabarrenako Mankomunitateko ordezkariek diotenez, zerbitzu berriagaz lehen birziklatzen ez ziren 1.000 kilo plastiko biriziklatu ahalko dira.

Txapelketa astelehenean [urriak 18] hasiko da, eta finala azaroaren 29an jokatuko da, Bilbon. Lea-Artibaikoek urriaren 25ean jokatuko dute saioa, Gueñesen.

Zientziaren Giltzak elkarteak antolatutako hitzaldia Iñaki Intxaurbe Alberdi antropologo bilbotarrak eskainiko du. Saioa astelehenean [urriak 18] izango da, 18:30ean, Beikozinin.

Azaroaren 14an egongo dira Lekeition. Esan dutenez, bisita horretan Markina-Xemeingo suhiltzaile etxeko suhiltzaileek parte hartuko dute. Suteen prebentziorako azalpenak "modu ludikoan eta didaktikoan" emango dituzte.

Urriaren 25a izena emateko azken eguna. Interesatuek Burumendiren webgunean izena eman behar dute.

Ermitarik Ermita martxa ez dutenez egingo, Urzabal Guraso Elkarteak erabaki du ekintza horretako ibilbide laburra egitea. Domekan [urriak 17] 10:30ean irtengo dira parketik.

Bizkarralderik bariko 345 aulki gorri ipini dituzte tribunan. Hurrengo asteetan beste 20-30 aulki ipiniko dituzte lehen ilarako bi hegaletan. Eserlekuak berritzen 4.086,90 euro inbertitu ditu Aurrera Kirol Elkarteak.