
Markina-Xemeingo Arretxinagako eta Amorotoko San Migel jaiak ospatu dituzte asteburuan. Zerutxu dantza taldeak, Pantxo Balbuenaren emanaldiak eta umeentzako eskaintzak beteko dute Arrextinaga, bihar [irailak 29].

Gaurtik [irailak 28] eguenera [urriak 1] arte greba egiteko deia egin du ELA sindikatuak. Soldata hobekuntzak, lanaldi osoak eta gaur egun dituzten eskubideei eustea dira grebaren aldarrikapenak. Bestalde, LAB sindikatuak antolakuntzaren eta borrokaren aldeko apustua egin du.

Jendez lepo egon zen atzo Lekeitioko Santi Brouard kiroldegia, Euskal Herriko bertsolari txapelketako hirugarren saioan. Zapatuan Altsasun lehiatutako saioan, Oier Etxeberria nagusitu zen.

Kuadrilla Egunean bazkaria Ispasterren egin nahi duenak bihar izango du azken eguna izena emateko. Pertsonako 3 euro ordaindu behar da.

Etzi [irailak 30] izango da Munitibarko ikastaroetan izena emateko azken eguna eta astero barikuetan izango dira saioak bai euskal dantza eta bai gitarra ikastaroan.