Aurten ere jendetza batu da Saturraran hondartzako monolitoan, Saturrarango emakumeen kartzelan egondako emakumeak eta hauen seme-alabak oroitzeko.


Taberna eta jatetxea. Bi jarduera horietarako baliagarria den udalaren lokala enkantera ateratzeko prestaketak egiten ari dira Mendexan. Momentuan oinarriak prestatzen ari dira, eta asmoa martxoan aldizkari ofizialean argitaratzea da. Behin argitaratut...

Pietatea irudikatzen duen Gotiko garaiko triptiko flamenko bat enkantera atarako dute martxoaren 21ean Bilboko Subastas XXI enkante etxean. Triptikoa Lekeitioko Uriarte Jauregikoena da, Del Valle-ren familiarena, eta belaunaldiz-belaunaldi pasatzen joan da senidetik senidera. Orain, 500 urte dituen obra, enkantean jartzea erabaki du familiak, eta milioi bat euroko hasierako prezioagaz aterako da. Obra, egurraren gainean egindako olio-pintura bat da eta 1480 eta 1490 urteen artean egin zuen El maestro de la leyenda de Santa Lucia bezala ezagutzen zen Brujasko autore anonimo batek. Madrileko Thyssen museoan dago autore berdinaren antzeko lan bat Triptico de la Piedad izenekoa. Enkantean atarako duten triptikoa Nicolas Ibañez de Arteita Lekeitioko armadore garrantzitsuak enkargatu zuen XV. mendearen amaieran, bere kaperan jartzeko. Armadorea bera eta bere emaztea obraren alboko tauletan ageri dira, garaiko ohiturari jarraituz, eta erdiko taulan Pietatea agertzen da Kristoren gorputza altzoan duela. Barruko partean Brujas hiria ikusten da.Koadroa, Ibañez de Arteita armadoarearen familian mantendu da 500 urtetan. Garai batean Lekeitioko Dominiken komentuan egon zen eta beste urte batzuetan Corellako arte sakratuaren museoan, baina beti be familiaren arte kolekzioaren baitan.Lekeitioko familiak salmentan jarriko duen lanak 1,70 metroko altuera eta 2,90 metroko zabalera ditu. Bere baloreari dagokionez, nazioarteko enkantean balio handiagoa izango zuela diote adituek, baina, koadroa [...]

Markina-Xemeingo herri bibliotekak eta Markina BHIko ikasleek Barriketan proiektua hasiko dute aste honetan. Eskolak gai bat erabakiko du, eta horren inguruko hizlari bi ekarriko ditu bibliotekak, ikasleek elkarrizketa egin ahal izateko.Gaiak aukeratuta daude. DBH 3koek imigrazioa landuko dute, eta DBH 4koek 36ko gerra. Hirugarren mailakoak etzi bertan batuko dira Uhagonen elkarrizketak egiteko, eta herri bibliotekako arduradun Igor Idoetak jakitera emon duenez, markinar bik kontatuko dituzte euren esperientziak. «Bata etorkina izango da eta bestea erbestera joan zena», azaldu du.Proiektua elkarrizketa horregaz hasiko da baina, haratago doa. «Proiektu oso bat da, ikasleek elkarrizketa bat egin beharko diote euren hurreko bateren bateri eta gainera bideoan grabatu beharko dute. Bideo horretatik gero, idazlan bat atera beharko dute», zehaztu du bibliotekako arduradunak. Ikasleek egingo dituzten bideoekin, gainera, bideoblog bat sortuko dute. «Aurtengo elkarrizketak eta egingo direnak sartzen joango gara eta testigantza horiek herriko funtsa bat sortzeko balioko dute», azaldu du Idoetak. Danetara, hamairu bideo atarako dituzte aurten eta bideoblogean eskegiko dira. «Sarrera bat eta bost edo sei bideo labur ikusi ahalko dira blogean eta lotura bat egongo da bideo osoa ikusteko», argitu du bibliotekako arduradunak. Elkarrizketaren bat ondo balego, aginera, herriko aldizkari batean ataratzeko asmoa be agertu du Igor Idoetak.Aurten hasiko duten proiektua, epe luzera [...]

Datorren zapaturako dantza poteoa antolatu du Zerutxu dantza taldeak. 19:00etan Arkuetatik hasita, Markina-Xemeingo kaleetan zehar ibiliko dira dantzan. «Danok daukagu barru-barruan dantzari bat», esan dute antolatzeileek eta herritar guztiak euskal ...

Lea-Artibaiko bertsolariek aurten be BBK sariketaren finalean egoteko txartela lortu dute. Azkan hiru urtean finalean topatu duen taldea gainditu dute horretarako: Ipar Uribe. «Iaz txapela eurek eroan zuten. Han gelditutako arantza kendu dugu gaurko [...

Markinako Gazte Asanbladak antolatuta irteera egongo da Pol-polera barikutik domekara. Barikuan 17:00etan izango da irteera Akerbeltz gaztetxetik eta domeka arratsaldean egingo dute buelta. Zapatu eta domekan irteerak egingo dituzte mendira. Irteerera ...
