
Hasi dira Arrigorri eta Saturraran lotzen dituen Harbide pasealekua konpontzen. Iazko azaroan izandako azken itsas denborale gogorrak kalte nabarmenak eragin zituen bertako behegainean. Bidearen gaineko aldeko hormetan luperiak eragin zituen, gainera; ...

Antsotegi aulestiarra eta Atxabal lekeitiarra izan dira Beteranoen VI: Esku pelota Txapelketako garaile. Partida bikaina jokatu zuten finalistek eta amaierara arte mantendu zen emozioa. Final parekatua izango zela aurreikusten zen, eta pilotariek ez zu...

Aulestiko zaldi-mando probetan Juan Felix Ansotegi Antso hartu zuten gogoan. Sari banaketa egin aurretik, ekitaldiari tartea egin zioten. Jon Bollar alkatearen berbek hasi zuten ekitaldiari. «Behar lukeena baino xumeagoa den omenaldia izango da prob...

Senegalekoak eta bertokoak elkar ezagutzea helburu duen Takusan egitasmoa jai handiagaz amaitu dute asteburuan

Ibilaldia dela eta prestatutako kantu afariari hasiera emon dio 20 urte inguruan kantatu gabe egon den Lekeitioko abesbatzak

Administrazioarekiko Auzitegiaren epaiak obra ilegala izan dela ebatzi ostean inork ez die azalpenik emon. Txomin Agirre kaleko 28. zenbakiko eraikineko zortzi etxebizitzetatik zazpi salduta daude. Zazpi erosleek salatu dutenez «indefentsio egoeran eta nora jo jakin barik» daude. Izan be, hil honetan emon du jakitera Bizkaiko Administrazioarekiko Auzitegiak etxebizitza horiek eraikitzeko 2007an Ondarroako Udalak emondako baimena ilegala dela, eta baimen hura baliogabetu egin du bere epaiagaz. «Hori, prentsaren bidez jakin dugu, eta inork be ez digu argitu zehatz-mehatz zer gertatuko den orain etxe horiekin», esan dute kaltetutako herritarrek. Udal Kudeaketa Batzordeari galdetuta, ez dute zehaztu epai horren aurkako helegiterik ipiniko duten ala ez. «Etxeak egingo direla diote» «Jendeak igoal pentsatuko du gu, beste barik, egonean eta zain gaudela, baina ez da horrela: behin eta barriro jo dugu, bai eraikuntzaren finantzazioa daroan bankura, eta bai Urresti eraikuntza enpresaren administrari konkurtsalarengana, eta beti esaten digute gauza bera, lasai egoteko, ze etxe horiek egingo direla», esan dute zazpi familia erosleen ordezkariek. «Baina, denbora aurrera doa; orain epai horren barri jakin dugu, eta oso kezkatuta gaude, hor erdian, ezer be egin ezinda», gehitu dute. Etxeen erosketa egin zutenean inork be ez zituen ohartu eraikuntza horren auzibidearen gainean. «Orduan jakin izan bagenu horrelako gorabehera legalak zeudela [...]

Bihar, zapatua, 19:30ean, Azkue aretoan, Boga! Ibilaldi Kulturalaren egitarauaren barruan, musika emanaldi bateratua eskainiko dute Lea-Artibaiko hiru taldek. Lekeitioko Zehatz taldea, Markina-Xemeingo Emeki korala eta Ondarroako Unanue akordeoi orkest...

Bedar artifizialagaz egingo dute eta obrek 368.000 euroko aurrekontua daukate. Futbol 7ko bedar artifizialezko zelaia egingo dute Zaldupen, 52 x 35 metrokoa. Hiru aste barru hasiko direla eta uztailerako amaituko dutela zelaia atontzen iragarri du Udal Kudeaketa Batzordeak. Lanak UTE Eder-Bermeosolok egingo ditu, 368.000 euroko aurrekontuagaz. Lan hauek kirol instalazioetan egingo den «barritze proiektuaren bi faseetako lehena» hartuko dutela azaldu dute: «orain zelaia eta berau erabili ahal izateko guztiak egingo dira; baita ondo funtzionatzeko behar diren azpiegituren lotura guztiak be; zelaiaren ingurua be egokitu eta osotu egingo da bigarren fasean, alboan egingo diren aldagelekin». Aldagelen eraikina aurrez fabrikatutakoa izango da, eta zelaiaren alboan ipini ostean atonduko da barrua; «horrela, zelaia erabili ahal izango da, bigarren fase horretan dauden bitartean be». Hiru udal agintaldi, hiru egitasmo ezberdin kirol instalazioetarako Telesforo Urresti ondarrutarrak 500 milioi pezetako ondarea emon zion Ondarroako Udalari testamentu bidez, «herriaren erabilpenerako eta onurarako». Orduko udal gobernu taldeak (1999-2003; Euskal Herritarrok) diru hori frontoi estali handi bat egiteko bideratzea erabaki zuen. Proiektua idatzita eta esleipenerako be prest zegoen 2003ko udabarrirako. Udal hauteskundeak izan ziren orduan, eta EAJk irabazi zuen, ezker abertzalearen Herriarentzat taldea ilegalizazio egoeran geratuta. Aurreko egitasmoa baztertu eta Zaldupen Kirolgune oso bat egiteko proposamena egin zuen 2003-2007an [...]

Aulestiko probalarientzat izan dira herriko probetako lehen hiru sariak. Juan Uriarte Koba izan da denetan onena. Lea-Artibaiko lehenengoari zegokion manta ez ezik, probako lehengoaren manta ere eroan du. 82 untza 1/4 eta 70 zentimetro egin ditu. Herenegun jokatu ziren herriko proba erabakiorrak. Kobaren alaba, Maider Uriarte zen buruan herenegungo saioaren aurretik. Iazko irabazlea bera izan zen, baina aurten egindako 80 untza 3 metro eta 15 zentimetroek bigarren postua eskuratzeko bakarrik balio izan diote. Uriartek 700 euro eta ardo kaxa bat irabazi zituen. Hirugarren postuan ere, herritar bat sailkatu da: Juan Martiartu. Haren zaldiak 77 untza 3/4, 5 metro eta 65 zentimetro egin zituen. 650 euro eta txanpan boteila bi izan dira beretzat. Azken saioan erabaki Herenegun jokatu zen Aulestiko probetako azken saioa. Koba (Aulesti), Taberna Barri (Mendexa) eta Asier Alegriak (Bermeo) parte hartu zuten. Orden horretan atera ziren plazara. Kobaren zaldia indartsu aritu zen saio osoan, eta proba amaitzean lehen postua eskuratua zuen. Hura gainditzea zen atzetik zetozenen egitekoa. Mendexako ordezkariaren zaldiak kostata ekin zion beharrari. Lehen 20 untzak egiteko Koba baino bi minutu gehiago behar izan zituen, eta proba amaitzeko bi minuturen faltan, 10 untza gutxiago zituen eginak. Azkenean, 70 untza, 1/2, 2 metro etsa 35 zentimetro egin zituen. [...]

Auto bat errepidetik atera da. Barruan zihoan emakumeak zauri arinak izan ditu.

1989an Aljergo prozesuan ETAren ordezkari politikoa izan zenak, hilaren 30ean, 19:00etan, kofradian, berbaldia emongo du

Ostegun gauean abiatu ziren aurtengo Berdel Egunaren inguruko ekitaldiak, Jesus Narvaezi eta Esperanza Azkarragari Berdel Aipamena saria emanda. Bikote honek Mutrikuko haitzetan egindako fosil bilketa lan izugarriari esker eta Mutrikuko Udalari egin dohaintzari esker izan zen posible Nautilus, Mutrikuko Ikasgune Geologikoa sortzea 2007an. Esker ona eman diete, bada, Berdel Aipamenarekin. Bestetik, apirilaren 3ra arte, Acuifoto erakusketa egongo da ikusgai Zabiel kultur etxean. Honako ordutegia izango du: astelehenetik barikura, 18:00etatik 20:00etara, eta asteburuetan 12:00etatik 14:00etan. Akuakultura Jardunaldiak ere antolatu dira, aurten seigarrenez. Martxoaren 31n eta apirilaren 1ean, eguenean eta barikuan, izango dira, 09:00etatik 14:00etara, Zabiel kultur etxean. Aurtengo gaia: algak, baliabide iturri. Hilaren 1ean, gainera, akuakultura produktuen dastaketa ere egongo da. Zine Forum Taldeak, bere aldetik, bi proiekzio antolatu ditu Berdel Egunaren egitarauarekin bat eginez. Batetik, asteazkenean The end of the line, gehiegizko arrantzari buruzko dokumentala, eta bestetik La pesadilla de Darwin, globalizazioaren ingurumen eraginei buruzko lana, barikuan. Eta, zapatuan, apirilaren 2arekin, XVI. Berdel Eguna ospatuko da. Hona hemen aurtengo egitaraua: Goizeko 10:00etatik 14:00etara Bertan, dendarien elkarteak, antolatuta Merkatu Txikia Txurruka Plazan. Goizean, berdel pintxoak doan herriko tabernetan. 10:00ak aldera, Kalatxori bela elkarteak antolatuta, Mutrikuko VII. Belaontzien Txapelketaren hasiera. 12:00etan, trikitilariak kaleetan zehar. 13:00etan, herriko abesbatzen kontzertua Zabiel plazan. 17:00ak aldera, [...]

Bere lehen eleberria, Errotik, aurkeztuko du bihar, zapatua, 19:00etan, Txokoan, Gotzon Barandiaren idazleak (Larrabetzu, 1974). Armiarma euskal literaturaren gaineko interneteko bilgunearen arduraduna da Barandiaran, eta duela urte bitik hona Durangok...

Euskarazko film laburren VIII. Labur Bira zirkuitua Mutrikura ailegatuko da bariku gauean. Karenka euskara elkarteak eta Mutrikuko Zine Forum taldeak antolatutako saioa 22:00etan hasiko da Zabielen, eta bertan euskaraz egindako bederatzi film labur ikusteko aukera egongo da. Formatu eta estilo aldetik denetarikoak izango dira emango dituzten filmak. Batzuk egile ezagunenak dira, beste batzuk hasi berriagoenak, eta tartean hiru iazko udazkenean Ermuan egindako Kameratoia lehiaketan grabatutakoak eta saritutakoak izango dira. Labur Bira Topagunea euskara elkarteen federazioaren ekimena da, eta aurtengoan martxoaren 15etik apirilaren 16 bitartean 27 herritara eramaten ari dira euskarazko film laburren bilduma. 26 Euskal Herrikoak, eta bat Ingalaterran, London Basque Society elkartearen eskutik. Korrika Kulturalarekin bat eginda dator aurten Labur Bira ekimena. PELIKULAK Maritxu 2010, Kepa Errasti. 80 urteko alarguna bakarrik bizi da baserrian. Artalde 2009, Asier Altuna. Artzain bat hirian galduta dabil, bere artaldearen bila… Ondar ahoak 2010, Angel Aldarondo. Atunak hilabeteak ematen ditu hibernatzen; urtaro horiek gorputzean grabatzen zaizkio. S@rtaldea 2010, Jon Artola. Mendebaldeko zibilizazioan gizakia ez da naturaren parte sentitzen. Esku-titi 2010, Saioa Aizpurua. Gaurko arropa ez dute lehen bezalakoa egiten. Blank postcards 2009, Aitor Artola, Irune Gurtubai, Ibai Vigil-Escalera. Denok ditugu kontatzera ausartzen ez garen sekretuak. Biak bat 2010, Zapatilla films. Ane eta Mikelek drogekin [...]

Domekan, meza ostean, bi azpiegiturak bedeinkatu zituzten. Adin ezberdinetako jende asko bertaratu zen ofizialki martxan jarri dituzten lokalak nola gelditu diren ikustera.