
Besteak beste, Ermuatik pasatzen den autobus linea errefortzatzeko eta Ermuatik Garaira arteko tartean AP-8 autobidea doakoa izatea eskatu dute.

Emanaldia barikuan [abenduak 17] izango da, Esperantza aretoan. Ostean, solasaldia egongo da zuzendariagaz.

Barikurako [abenduak 17] iragarri dute lanuztea. Besteak beste, Maite Peña Gizarte Politiketako diputatuari bilera eskaera egingo diote.

4,4 milioi euroko aurrekontua onartu dute. Gizarte Zerbitzuak lehenetsi dituzte, eta bertara bideratu dute diru kopuru handiena.

Zapatuan [abenduak 18] jokatuko da finala, 17:00etan hasita, Bilbao Arenan. Ateak 15:30ean irekiko dituzte. Finalera heltzea ez dela erraza izan diote bertsolariek; maila ona dagoela nabarmendu dute.

Zuzendaritza gelako segurtasun kutxan gordeta zeuden 15.000 euro inguru eraman dituzte lapurrek. Dirua eskuratzeko modurik ez dutela edukiko jakitun, diru bilketa kanpaina kolektiboa hasi dute.

Dekretua bihar [abenduak 15] sartuko da indarrean. Ostalaritzako eremuetara, zentro soziosanitarioetara, zahar etxeetara, gimnasioetara eta espetxeetara ere zabalduko da COVID ziurtagiriaren erabilera. Puntu batean bota du atzera: aire zabaleko kirol ekitaldietan, esate baterako, futbol zelaietan eta.

Txopitearen 'Leagi dorrea' argazkia izan da epaimahaiari gehien gustatu zaiona. Bigarren saria Idoia Gimenez Larreak lortu du, eta hirugarrena Luzio Lakak. Sariak abenduaren 25ean banatuko dituzte.

Altuera handian eta egoera arriskutsuan dauden kaleko argiak ohiko kaleko argiengatik ordezkatuko dituzte. Lanak hiru astean amaituta edukitzea espero du Ondarroako Udalak.

Goixerri-Basque eta Cosme-Ladutxe bikoteak barikuan [abenduak 10] lehiatuko dira Bakarkako Txapelketaren final-laurdenetako txartelak lortzeko ahaleginetan. Final-laurdenak abenduaren 17an eta 23an jokatuko dituzte.

Tartean Teatroaren 25 minutuko antzezlan laburra 18:00etan hasiko da, udaletxeko ganbaran. Hainbat sari irabazi ditu antzezlanak, tartean Aktore Onenen Saria.

Erakusketa domekara arte [abenduak 12] egongo da ikusgai. Herritarrek botoa eman ahalko dute; boto gehien jasotzen dituen argazkiak Herritarren Saria irabaziko du.

Haurraren elikadura autonomoa garatzeko gakoak azalduko ditu Nahia Alkorta Elegarai Sabeletik Mundura egitasmoko kideak. Eguenean [abenduak 9] izango da hitzaldia Azkue Ikastolan.

Eguenean [abenduak 9] hasita, eta guneka banatuta, aurrez aurreko hiru batzar egingo dituzte Zabiel kultur etxean. Herritarrek bost modutara helarazi ahalko dituzte euren auzoari buruzko kexa, iradokizun edo iritziak.

Alde batetik, musikari lekeitiarrak zortzi abesti argitaratu ditu USB formatuan, eta izen bereko ikuskizuna ere sortu du. Aurkezpena abenduaren 6an egingo du, Durangoko Azokan.