
Mutriku Sokatira Taldeak herri kirolen erakustaldia egingo du Mutrikuko Txurruka plazan, Malen Egunean. Gainera, taldearen 50. urteurrena omenduko dute, eta udalak plaka bat emango die kideei.

Egitarau zabal eta oparo batekin datoz Mutrikuko Jai Batzordeak antolatutako Malen jai herrikoi eta alternatiboak

Malen jaietako lehenengo eguna sentimenduz beteko du danborradak; herri oso baten zirrara sortzen duen ekimenak urteko gaurik bereziena bilakatzen du Malen bezpera.

600 eta 1.500 metroko itsas ibilbideak egongo dira Ondarroako 35. Itsas Zeharkaldian. Gazte, master, senior eta beterano mailak barnebiltzen ditu zeharkaldiak. Parte hartzaileek sariak jasoko dituzte, eta Elena Fernandezen oroimenezko ekitaldia ere egingo dute.

Markina-Xemeingo Lauzirika bolatokian 5. Hiru Txirlo lehiaketa egingo dute hilaren 16an. Izen ematea 16:30ean zabalduko dute, eta lehiaketa 17:00etan hasiko da. Hainbat sari banatuko dituzte bai bakarka, bai taldeka.

Markina-Xemeinek Baztanen kontra jokatuko du Euskadiko herriarteko esku pilota txapelketako finalaurreko partidua. Zumarragako frontoian jokatuko dute, eta ez dago hautagai argirik. Markina-Xemeindarren helburua finalerdikoa eta txapelketa poltsikoratzea da, Bizkaiko txapelketa irabazi ondoren.

Formulazio berriak garatzeko prestakuntza eta profesionalen hitzaldiak eskaini ditu aurtengo jardunaldiak. Bigarren ekitaldia erabat presentziala izatea nahi du Markina-Xemeingo zentro teknologikoak.

Beteranoen Eskupilota Txapelketako bi partida jokatuko dira domekan [otsailak 6] Lekeitioko Trinketean. Txapelketa ordaintzeko otzara baten zozketa antolatuko dute.

Danok Bat pelotazale elkarteko alebin eta txiki mailako hiru puntistek lehiatuko dituzte finalak.

Hiru zaurituak Galdakao-Usansoloko ospitalera eraman dituztela esan du Ertzaintzak. Istripua Askartzan gertatu da.

Lan erreformaren onarpenaren kontrako protestak egiten jarraituko dute sindikatuek egunotan. Biharko [otsailak 2] elkarretaratzeak deitu dituzte Lekeition eta Ondarroan.